BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

دەپۋتات «نۇرلى جول» باعدارلاماسىنداعى جوبالاردىڭ جۇزەگە اسپاي جاتقانىن ايتتى

فوتو: ашық дереккөзден

قر پارلامەنتى ٴماجىلىسى ٴتوراعاسىنىڭ ورىنباسارى ۆلاديمير بوجكو «نۇرلى جول» باعدارلاماسى بويىنشا كەيبىر جوبالاردىڭ ۋاقىتىندا جۇزەگە اسپاي جاتقانىن مالىمدەدى، دەپ حابارلايدى baq.kz ٴتىلشىسى.

بۇگىن ماجىلىستە «2015-2019 جىلدارعا ارنالعان «نۇرلى جول» ينفراقۇرىلىمىن دامىتۋ مەملەكەتتىك باعدارلاماسىن ىسكە اسىرۋ اياسىندا اۆتوموبيل جولدارىن دامىتۋ تاقىرىبىندا ۇكىمەت ساعاتى ٴوتتى. اتقارىلىپ جاتقان جۇمىستار جونىندە قر ينۆەستيسيالار جانە دامۋ ٴمينيسترى جەڭىس قاسىمبەك جاسادى.

ٴوز كەزەگىندە ۆلاديمير بوجكو اتالعان باعدارلامادا قانداي ماسەلەلەرگە نازار اۋدارۋ قاجەتتىگىن مالىمدەدى.

«2018 جىل جول قۇرىلىسىنداعى ماماندار ٴۇشىن اۋىر بولدى. 528 شاقىرىمدى قۇرايتىن 22 جوبانى اياقتاپ، قالعان باعىتتار بويىنشا جۇمىستاردى جۇرگىزۋ قاجەت. سونداي-اق «نۇرلى جول» باعدارلاماسىن جۇزەگە اسىرۋ بارىسىندا جۇيەلى پروبلەمالار بار ەكەنىن انىقتالدى. بىرىنشىدەن، بۇل جوسپارعا ساي جول قۇرىلىسى مەن جول وبەكتىلەرىن، ونىڭ ينفراقۇرىلىمىن ۋاقىتىندا ەكسپلۋاتاسياعا بەرمەۋ بولىپ سانالادى»، - دەدى دەپۋتات.

ونىڭ ايتۋىنشا، «قىزىلوردا-جەزقازعان» اۆتوجولىنىڭ ماسەلەسىن باقىلاۋعا الۋعا قاجەت. ول جولدىڭ جوبالىق-سمەتالىق قۇجاتى دايىن ەكەنىن ايتا كەلە، جولداردى سالۋعا بيۋدجەتتەن بولىنگەن قارجىنىڭ ۋاقىتىندا يگەرىلمەي جاتقانىن اتاپ ٴوتتى.

«اتالعان جول ۋچاسكىسى پەتروپاۆل، قوستاناي قالالارىن جەزقازعان مەن قىزىلوردا جولدارىمەن بىرىكتىرەدى. سونىمەن قاتار ورتالىق-شىعىس ٴدالىزىنىڭ (استانا-ارقالىق-شالقار) مەرزىمىندە جۇزەگە اسپاۋ ٴقاۋپى بار. 2017-2019 جىلى اتالعان جوباعا بيۋدجەتتەن 909 ملن تەڭگە بولىنگەن. الايدا 2018 جىلى جوسپار بويىنشا 101 ملن تەڭگە جۇمىستار ورىندالعان. ال اقمولا وبلىسىندا تەك 16،5 ملن تەڭگە عانا يگەرىلگەن. مۇندا جول قۇرىلىسىن ۋاقىتىندا اياقتاماۋ ٴقاۋپى بار»، - دەدى ۆلاديمير بوجكو.

ٴسوز سوڭىندا دەپۋتات رەسپۋبليكالىق ماڭىزى بار جولداردا اقشا الۋ جۇيەسىن ورناتۋ ماسەلەسىن دە باقىلاۋ ۇستاۋ قاجەتتىن ٴمالىم ەتتى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي