BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

دەپۋتات قۇرىلىسى ۇزاققا سوزىلعان جولداردى اتادى

فوتو: ашық дереккөзден

ٴماجىلىستىڭ ۇكىمەت ساعاتىندا دەپۋتات نۇرتاي سابيليانوۆ «نۇرلى جول» باعدارلاماسى بويىنشا قۇرىلىسى ۇزاققا سوزىلعان جول ۋچاسكىلەرىن اتادى، دەپ حابارلايدى baq.kz ٴتىلشىسى.

ونىڭ ايتۋىنشا، اۆتوموبيل جولدارىن دامىتۋعا «نۇرلى جول» باعدارلاماسى بويىنشا بيۋدجەتتەن 2 ترلن 400 ملرد تەڭگە ٴبولۋ قاراستىرىلعان. سوعان قاراماستان اتالعان باعدارلاما ولقىلىقتار ورىن العان.

«ماسەلەن 2016 جىلعا جوسپارلانعان «باتىس ەۋروپا – باتىس قىتاي» حالىقارالىق كولىك ٴدالىزىنىڭ شىمكەنت پەن تاراز قالالارىنىڭ اراسىنداعى جەكەلەگەن ۋچاسكىلەردى رەكونسترۋكسيالاۋ جۇمىسى 2018 جىلعى 1 قاڭتاردان ٴالى دە اياقتالماعان. ۇزىندىعى 245 شاقىرىم بولاتىن «الماتى-تالدىقورعان» اۆتوجولىن رەكونسترۋكسيالاۋدى اياقتاۋ 2015 جىلعا جوسپارلانعان. الايدا بۇل جۇمىستى ٴىس جۇزىندە اعىمداعى جىلى عانا اياقتاۋ كۇتىلىپ وتىر. دەگەنمەن، بۇل جول 6 جىل بويى سالىنىپ جاتىر»، - دەدى نۇرتاي سابيليانوۆ.

سونىمەن قاتار دەپۋتات ۇزىندىعى 441 شاقىرىم بولاتىن «استانا-پاۆلودار» جولىن رەكونسترۋكسيالاۋدى 2016 جىلى اياقتاۋ جوسپارلانعانىمەن، اتالعان ۋچاسكىدە قۇرىلىس ٴالى اياقتالماعانىن ايتتى.

«اتالعان جول ۋچاسكىسىن پايدالانۋعا بەرۋ مەرزىمدەرى بىرنەشە مارتە بۇزىلعاندىقتان جانە اۋىستىرىلعاندىقتان ۋچاسكىدە 200 شاقىرىم عانا جول قوزعالىسى اشىق. قالعان 221 شاقىرىم جولدا قۇرىلىس جۇمىستارى جۇرگىزىلىپ جاتقاندىقتان، ول جۇرگىزۋشىلەر مەن جولاۋشىلار ٴۇشىن قولايسىزدىق تۋعىزىپ، اۆاريالىق جاعداي توندىرۋدە. جالپى بۇل جول 5 جىلدان استام ۋاقىت بويى سالىنىپ جاتىر»، - دەدى ول.

سونداي-اق نۇرتاي سابيليانوۆ ورتالىق-باتىس ٴدالىزى باعىتىنداعى پروبلەمالى ۋچاسكىلەردىڭ بىرىنە توقتالدى.

«اتىراۋ-استراحان ۋچاسكىسى، بۇل جولداردى ىسكە اسىرۋ ٴالى باستالعان جوق. تاعى ٴبىر پروبلەما – بۇل اتىراۋدان اقتوبەگە باراتىن جول. بۇل جەردەگى سەبەپ تە سول – جوبانى ىسكە اسىرۋ مەرزىمىنىڭ بۇزىلۋى جانە اۋىستىرىلۋى. بالقاش – بۋرىلبايتال جانە كۇرتى – باقتى رەسپۋبليكالىق ماڭىزى بار اۆتوجولىنىڭ سالىنىپ جاتقانىنا 10 جىل بولدى. ول بويىنشا سالىناتىن 20 شاقىرىم جول قالدى»، - دەدى دەپۋتات.

ونىڭ پىكىرىنشە، «نۇرلى جول» مەملەكەتتىك باعدارلاماسىن ازىرلەۋ كەزىندە بارلىق جوبانى ساراپشىلار مۇقيات ەسەپتەپ، كەيىننەن ۋاكىلەتتى ورگاننىڭ بەكىتكەنىنە قاراماستان باعدارلامانى ىسكە اسىرۋ مەرزىمدەرىنىڭ بۇزىلۋ پروبلەماسى جۇيەلى سيپات الىپ وتىر ەكەن.

«بۇل جولداردى سالۋ جىل سايىن قوسىمشا بيۋدجەت قاراجاتىن تالاپ ەتەدى. سونىمەن بىرگە اۆتوموبيل جولدارىن سالۋ جانە جوندەۋ كەزىندە 2017-2018 جىلدارى تىركەلگەن 6 قىلمىستىق قۇقىق بۇزۋشىلىقتار دا الاڭداتادى. سوندىقتان دا باعدارلاما بويىنشا جول سالۋدى جوندەۋدى تاپسىرۋ مەرزىمدەرىن بۇزعانى ٴۇشىن ٴارتۇرلى دەڭگەيدەگى ورىنداۋشىلاردىڭ جاۋاپكەرشىلىگىن قاتاڭداتۋ قاجەت»، - دەپ تۇيىندەدى ٴسوزىن نۇرتاي سابيليانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي