BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

بيىل استانا-پاۆلودار جولىندا كولىك قوزعالىسى تولىق اشىلادى

فوتو: ашық дереккөзден

بيىل استانادان پاۆلودارعا دەيىنگى، ال 2019 جىلى قالباتاۋعا دەيىنگى كولىك قوزعالىسى تولىق اشىلادى. بۇل تۋرالى ۇكىمەت ساعاتىندا قر ينۆەستيسيالار جانە دامۋ ٴمينيسترى جەڭىس قاسىمبەك ايتتى، دەپ حابارلايدى baq.kz ٴتىلشىسى.

«ساۋلەلىك پرينسيپ بويىنشا ورتالىق-وڭتۇستىك، ورتالىق-شىعىس جانە ورتالىق-باتىس دالىزدەرىنىڭ رەكونسترۋكسياسى جۇرگىزىلۋدە. رەكونسترۋكسيالاۋ جۇمىستارى 2013 جىلى باستالعان ورتالىق-وڭتۇستىك ٴدالىزىنىڭ ۇزاقتىعى 1 289 شاقىرىمدى قۇرايدى. ٴدالىز تولىعىمەن ٴبىرىنشى تەحنيكالىق كاتەگورياعا اۋىستىرىلادى. 2013-2017 جىلدار ارالىعىندا استانا-تەمىرتاۋ (171 كم) جانە الماتى-قاپشاعاي (104 كم) ۋچاسكەلەرىندە قوزعالىس اشىلدى. بيىل تەمىرتاۋ-قاراعاندى (14 كم) ۋچاسكەسىندەگى قوزعالىستى اشامىز. قاراعاندى قالاسىنىڭ اينالما جولىندا (48 كم) جانە قۇرتى-بۋرىلبايتال (228 كم) ۋچاسكەسىندە جۇمىستار ٴجۇرىپ جاتىر»، - دەدى قاسىمبەك ٴماجىلىس ۇيىندە وتكەن جيىندا.

سونىمەن قاتار، مينيستر بيىل قازان ايىندا باتىس ەۋروپا – باتىس قىتاي جوباسىنىڭ اعىمداعى زايمدارىن ۇنەمدەۋ ەسەبىنەن بالقاش-بۋرىلبايتال (297 كم) ۋچاسكەسىنىڭ رەكونسترۋكسياسىن باستاۋعا كەلىسىمشارت جاساۋ جوسپارلانىپ وتىرعانىن ايتتى.

«قۇرمەتتى دەپۋتاتتار، زايم جونىندەگى كەلىسىمدى تەز ارادا راتيفيكاسيالاۋ بويىنشا كومەك بەرۋلەرىڭىزدى سۇرايمىن. 2019 جىلدان باستاپ مەملەكەتتىك كەپىلدىك زايمدارى ەسەبىنەن قاراعاندى-بالقاش (363 كم) جانە قۇرتى-قاپشاعاي (67 كم) ۋچاسكەلەرىنىڭ رەكونسترۋكسياسىن باستاۋ جوسپارلانۋدا. جالپى، جوبا 2022 جىلى اياقتالادى دەپ بولجاپ وتىرمىز»، - دەدى جەڭىس قاسىمبەك.

ۆەدومستۆو باسشىسىنىڭ ايتۋىنشا، ۇزاقتىعى 904 شاقىرىم بولاتىن ورتالىق-شىعىس ٴدالىزىنىڭ رەكونسترۋكسياسى تولىق قارقىندا جۇرگىزىلۋدە. بۇگىنگى كۇنى استانا-پاۆلودار (200 كم) جانە پاۆلودار-سەمەي-قالباتاۋ (204 كم) ۋچاسكەلەرىندە قوزعالىس اشىق. بيىل 500 شاقىرىمدا جۇمىستار جۇرگىزىلۋدە. ونىڭ ىشىندە 239 شاقىرىم جول وسى جىلى، قالعان 261 شاقىرىم 2019 جىلى اياقتالادى. وسىلايشا بيىل استانادان پاۆلودارعا دەيىنگى، ال 2019 جىلى قالباتاۋعا دەيىنگى قوزعالىس تولىق اشىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي