BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

«باتىس ەۋروپا – باتىس قىتاي» ٴدالىزىنىڭ ەكونوميكالىق پايداسى 200 ملرد تەڭگەگە جۋىقتادى

فوتو: ашық дереккөзден

«باتىس ەۋروپا – باتىس قىتاي» حالىقارالىق ترانزيتتىك ٴدالىزىنىڭ ەكونوميكالىق پايداسى 200 ملرد تەڭگەگە جۋىقتادى. بۇل تۋرالى ۇكىمەت ساعاتىندا قر ينۆەستيسيالار جانە دامۋ ٴمينيسترى جەڭىس قاسىمبەك ايتتى، دەپ حابارلايدى baq.kz ٴتىلشىسى.

«مەملەكەتتىك باعدارلاما اياسىندا 2015-2017 جىلدارى حالىقارالىق جانە رەسپۋبليكالىق ماڭىزى بار اۆتوجولداردىڭ قۇرىلىسى مەن رەكونسترۋكسياسىنا 932 ميلليارد 4 ميلليون تەڭگە ٴبولىندى. ونىڭ ىشىندە ۇلتتىق قوردان – 472،8 ملرد تەڭگە. بولىنگەن قارجى ەلىمىزدىڭ بارلىق ايماقتارىندا 5،6 مىڭ شاقىرىمنان استام جولعا قۇرىلىس جۇمىستارىن جۇرگىزۋگە مۇمكىندىك بەردى. 3 جىلدىڭ قورىتىندىسى بويىنشا 1،8 مىڭ شاقىرىم جولدا قوزعالىس اشىلدى. بارلىق جوبالارعا 80 مىڭعا جۋىق ادام تارتىلدى. وتاندىق وندىرۋشىلەر ماتەريالدارىنىڭ ۇلەسى 95%-دان اسادى»، - دەدى قاسىمبەك ٴماجىلىس ۇيىندە وتكەن جيىندا.

ٴمينيستردىڭ ايتۋىنشا، 2016 جىلى اياقتالعان «باتىس ەۋروپا – باتىس قىتاي» حالىقارالىق ترانزيتتىك ٴدالىزى مەملەكەت ەكونوميكاسىنا وڭ اسەرىن تيگىزدى. بۇل جوبا - باعدارلامانىڭ باستى كورسەتكىشى. جۇك تاسىمالداۋ كولەمى (33 ملن توننا) جانە ٴترانزيتتىڭ (900 مىڭ توننا) 2،5 ەسەگە ارتۋى ەسەبىنەن جيناقتالعان جىلدىق ورتاشا ەكونوميكالىق پايدا 190 ملرد تەڭگەنى قۇرادى. جولدا ٴجۇرۋ ۋاقىتى 2 ەسەگە، جول-كولىك وقيعالارى 27%-عا، ٴولىم-جىتىم 35%-عا قىسقاردى.

«ٴدالىزدىڭ بويىندا جول پايدالانۋشىلارىنا ساپالى قىزمەت كورسەتەتىن، سونداي-اق شاعىن جانە ورتا بيزنەستى دامىتۋعا سەرپىن بەرەتىن 277 جول بويىنداعى قىزمەت كورسەتۋ نىساندارى جۇمىس ىستەيدى. ونداعى 73 نىسان سوڭعى جىلدارى قۇرىلدى. اتاپ وتسەك، جامبىل وبلىسىندا 23 بىرلىك، وقو-دا 19 بىرلىك، قىزىلوردا وبلىسىندا 16 بىرلىك، اقتوبە وبلىسىندا 15 بىرلىك اشىلدى»، - دەدى جەڭىس قاسىمبەك.

ٴمينيستردىڭ ايتۋىنشا، ەلىمىزدە قازىرگى زامانعى كولىك ينفراقۇرىلىمىن قالىپتاستىرۋ جانە ونى حالىقارالىق كولىك جۇيەسىنە ينتەگراسيالاۋ، سونىمەن قاتار قازاقستان ارقىلى وتەتىن ترانزيت اعىمىن ۇلعايتۋ جۇمىستارى مەملەكەت باسشىسىنىڭ باستاماسىمەن قابىلدانعان 2015 – 2019 جىلدارعا ارنالعان «نۇرلى جول» ينفراقۇرىلىمدى دامىتۋ مەملەكەتتىك باعدارلاماسى اياسىندا قارقىندى ىسكە اسىرىلىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي