BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

اقتوبە، اتىراۋ، ماڭعىستاۋ وبلىستارىنداعى جولدى قالپىنا كەلتىرەمىز – مينيستر

فوتو: ашық дереккөзден

استانادان ارقالىق پەن تورعاي ارقىلى وتەتىن كولىك اعىنىن قامتاماسىز ەتۋ ٴۇشىن ٴبىزدىڭ ٴبىرىنشى كەزەكتەگى مىندەتىمىز - اقتوبە، اتىراۋ، ماڭعىستاۋ وبلىستارىنداعى بار جەلىلەردى قالپىنا كەلتىرۋ. ۇكىمەت ساعاتىندا قر ينۆەستيسيالار جانە دامۋ ٴمينيسترى جەڭىس قاسىمبەك وسىلاي ايتتى، دەپ حابارلايدى baq.kz ٴتىلشىسى.

«ورتالىقتى باتىسپەن بايلانىستىرۋ ٴۇشىن ۇزاقتىعى بويىنشا ماسشتابتى ورتالىق-باتىس جوباسىن ىسكە اسىرىپ جاتىرمىز. جوباعا استانا-ارقالىق-تورعاي-ىرعىز-قاندىاعاش، اقتوبە-اتىراۋ-استراحان جانە اتىراۋ-بەينەۋ-اقتاۋ باعىتتارى كىرەدى. استانادان ارقالىق پەن تورعاي ارقىلى وتەتىن كولىك اعىنىن قامتاماسىز ەتۋ ٴۇشىن ٴبىزدىڭ ٴبىرىنشى كەزەكتەگى مىندەتىمىز - اقتوبە، اتىراۋ، ماڭعىستاۋ وبلىستارىنداعى بار جەلىلەردى قالپىنا كەلتىرۋ. بۇگىنگى كۇنى اتىراۋ-بەينەۋ-اقتاۋ (798 كم) ۋچاسكەسى تولىق رەكونسترۋكسيالانعان. بيىل قاندىاعاش-ماقات (299 كم) ۋچاسكەسىندە جۇمىستار جۇرگىزىلىپ جاتىر»، - دەدى ج.قاسىمبەك ٴماجىلىس ۇيىندە وتكەن جيىندا.

ٴمينيستردىڭ مالىمەتىنشە، بۇل جوبانىڭ كەشىكتىرىلۋى يسلام دامۋ بانكىنىڭ قارجىلاندىرۋىنان باس تارتىپ، باسقا قارجى كوزدەرىن قاراستىرۋ سەبەبىنەن بولدى. وسىعان بايلانىستى، اقتوبە-قاندىاعاش (60 كم) جانە اتىراۋ-استراحان (60 كم) ۋچاسكەلەرىندە 120 شاقىرىم جولدى رەكونسترۋكسيالاۋ رەسپۋبليكالىق بيۋدجەت ەسەبىنەن باستالدى، ال 2019 جىلى بارلىق قاشىقتىقتا جۇمىستار جۇرگىزىلەدى.

«جالپى بۇل ۋچاسكەلەر 2021 جىلى اياقتالادى. استانا-ارقالىق-تورعاي-ىرعىز-قاندىاعاش ۋچاسكەسى بويىنشا كەلەسى جىلى جوبالىق-سمەتالىق قۇجاتتاما جاساۋ جۇمىستارىن اياقتايمىز جانە قۇرىلىستى 2020 جىلدان كەيىن باستايمىز. سونداي-اق شەكارا بويىنداعى ايماقتاردىڭ كورشىلەس مەملەكەتتەرمەن ساۋدا-ەكونوميكالىق قارىم-قاتىناستارىن دامىتۋ ٴۇشىن رەسەي فەدەراسياسىنا شىعاتىن ورال – تاسقالا (100 كم)، پەتروپاۆل – رەسەي فەدەراسياسى شەكاراسى (61 كم) جوبالارى ىسكە اسىرىلۋدا. قىتاي حالىق رەسپۋبليكاسىنا شىعاتىن قالباتاۋ – مايقاپشاعاي (415 كم)، ٴۇشارال – دوستىق (184 كم)، تاسكەسكەن – باقتى (20 كم) جوبالارى دا قولعا الىنعان. ماڭعىستاۋ وبلىسىندا وزبەكستان رەسپۋبليكاسىنا شىعاتىن بەينەۋ – اقجىگىت (85 كم) اۆتوجولدارى رەكونسترۋكسيالانىپ جاتىر»، - دەدى جەڭىس قاسىمبەك.

ٴمينيستردىڭ ايتۋىنشا، سونىمەن قاتار ىشكى موبيلدىلىك ٴۇشىن ششۋچينسك – زەرەندى (80 كم)، قوستاناي – دەنيسوۆكا (114 كم)، جەتىباي – جاڭاوزەن (73 كم)، قورداي اينالما جولى (80 كم)، ۇزىناعاش – وتار (96 كم)، مەركى – بۋرىلبايتال (266 كم)، وسينوۆ اسۋى (32 كم) جانە تالدىقورعان – وسكەمەن (763 كم) اۆتوجولدارىن رەكونسترۋكسيالاۋ جۇمىستارى ٴجۇرىپ جاتىر.

«الماتى-تالدىقورعان ۋچاسكەسى بويىنشا بۇگىنگى كۇنى قوزعالىس تولىعىمەن اشىلعان. قازىرگى تاڭدا بالپىق بي مەن باقتىباي اۋىلدارىنىڭ ىشىندە سوڭعى جۇمىستارى اياقتالىپ، جىل سوڭىنا دەيىن پايدالانۋعا بەرىلەدى. سونىمەن قاتار وسى اۋىلداردىڭ اينالما جولدارىن جوبالاۋ جۇمىستارى اياقتالىپ، كەلەسى جىلى قۇرىلىس جۇمىستارى باستالادى. قازىرگى ۋاقىتتا كوپ سۇراق تۋىنداتاتىن قىزىلوردا-جەزقازعان جولىن ىسكە اسىرۋ قاراستىرىلىپ جاتىر. بۇگىنگى كۇنگە بۇل ۋچاسكەنىڭ رەكونسترۋكسياسىن قارجىلاندىرۋعا ازيا دامۋ بانكى جانە ەۋروپالىق قايتا قۇرۋ جانە دامۋ بانكى سياقتى حالىقارالىق قارجى ينستيتۋتتارى دايىن ەكەندەرىن ٴبىلدىردى. بۇگىنگە تەحنيكالىق-ەكونوميكالىق نەگىزدەمەسىن جاساۋ ٴۇشىن مەملەكەتتىك ورگاندارمەن بىرلەسىپ ٴتيىستى جۇمىس جۇرگىزىلىپ، 2019 جىلى جوبالاۋ جۇمىستارى باستالادى. ٴتيىستى قاراجاتتار بيۋدجەت جوباسىندا قاراستىرىلعان. 2020 جىلدان كەيىن كوورديناسيالىق كەڭەستىڭ شەشىمىنە سايكەس بانك زايمدارىن تارتۋ جوسپارلانىپ وتىر»، - دەپ تۇيىندەدى جەڭىس قاسىمبەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي