BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

شىمكەنتتە ٴتۇقج بانكى سالىمشىلارى ٴۇشىن 40 ٴۇي سالىنادى

بۇگىن تۇرعىن ٴۇي قۇرىلىس جيناق بانكىنىڭ («بايتەرەك» حولدينگىنىڭ ەنشىلەس ۇيىمى) باسقارما ٴتورايىمى ٴلاززات يبراگيموۆا مەن شىمكەنت قالاسىنىڭ اكىمى عابيدوللا ٴابدىراحىموۆ «نۇرلى جەر» باعدارلاماسى اياسىندا ىنتىماقتاستىق تۋرالى مەموراندۋمعا قول قويدى، دەپ حابارلايدى ۆaq.kz اقپارات اگەنتتىگى.

بۇل كەلىسىمگە سايكەس، جالپى اۋماعى 150 مىڭ ش.م بولاتىن نىساندار سالىناتىن بولادى. تۇرعىن ۇيلەر قۇرىلىسى قالانىڭ ەكى بىردەي جاڭا اۋدانىندا، اتاپ ايتقاندا shymkent city مەن اكىمشىلىك-ىسكەري ورتالىقتا جۇرەدى. مۇنداعى تۇرعىن ۇيلەردىڭ 1 شارشى مەترىنىڭ باعاسى تۇرعىن ٴۇي قۇرىلىس جيناق بانكى كليەنتتەرى ٴۇشىن 140 000 تەڭگەنى قۇرايدى.

- العاشقى 598 پاتەردى تۇرعىن ٴۇي قۇرىلىس جيناق بانكى كليەنتتەرى وسى جىلى الا الادى، وسى ماقساتتا قالانىڭ جاڭا اكىمشىلىك-ىسكەري ورتالىعىندا 11 تۇرعىن ٴۇي سالىنىپ جاتىر. قۇرىلىس سالۋشى بۇل نىسانداردى 2018 جىلدىڭ جەلتوقسان ايىندا پايدالانۋعا بەرۋدى جوسپارلاپ وتىر. «نۇرلى جەر» باعدارلاماسىنا قاتىسىپ، ول بويىنشا ٴۇي الۋ ٴۇشىن تۇرعىن ٴۇي قۇرىلىس جيناق بانكىندەگى شوتتا 20% كولەمىندەگى باستاپقى جارنانىڭ بولۋى جەتكىلىكتى. 1 بولمەلى پاتەردىڭ باعاسى 5،6 ملن تەڭگە دەپ الساق، دەپوزيتتە 1،1 ملن تەڭگە جيناۋ كەرەك. وسىدان كەيىن بانك 5% جىلدىق مولشەرلەمەمەن جەڭىلدەتىلگەن زاەم بەرەدى، - دەپ ٴلاززات يبراگيموۆا مەملەكەتتىك باعدارلاماعا قاتىسۋ شارتتارىن ٴتۇسىندىرىپ ٴوتتى.

قالعان 1 880 پاتەردىڭ قۇرىلىسى مەن پايدالانۋعا بەرىلۋى 2019 جىلعا جوسپارلانىپ وتىر. جاڭا ۇيلەر shymkent city اۋدانىندا پايدا بولادى.

«نۇرلى جەر» باعدارلاماسىنىڭ شارتتارىنا سايكەس، كەلەسى تالاپتارعا ساي ازاماتتار بۇل پاتەرلەردەن ۇمىتكەر بولا الادى:

- قر ازاماتى نەمەسە ورالمان مارتەبەسىنە يە بولۋى;

- ٴوتىنىش بەرۋشىدە جانە ونىڭ وتباسى مۇشەلەرىندە سوڭعى 5 جىل ىشىندە قازاقستان رەسپۋبليكاسىنىڭ اۋماعىندا جەكە مەنشىك ٴۇيىنىڭ بولماۋى;

- تولەم قابىلەتتىلىگىن راستاي الۋى.

سونداي-اق بانك سالىمشىلارى باسقا دا باعدارلامالار ارقىلى باسپانالى بولا الادى.

مىسالى، ٴقازىر «ٴوز ٴۇيىم» باعدارلاماسىنا قاتىسۋعا ٴوتىنىم قابىلدانىپ جاتىر. ونىڭ اياسىندا شىمكەنت قالاسىنىڭ تولەمەتوۆ كوشەسىندە تۇرعىن ٴۇي كەشەنى سالىنۋدا. مۇنداعى پاتەرلەردىڭ 1 شارشى مەترىنىڭ باعاسى 178 500 تەڭگەنى قۇرايدى. 20% كولەمىندەگى باستاپقى جارنا بولعان جاعدايدا، بانك 7% مولشەرلەمەمەن زاەم بەرەدى، كەيىن جىلدىق مولشەرلەمە 5%-عا دەيىن تومەندەيدى.

بۇعان قوسا، وسى جىلى بانك سالىمشىلارى ۇلەستىك قۇرىلىسقا ٴقاۋىپسىز تۇردە قوسىلا الادى. بۇل باعىتتا تۇرعىن ٴۇي قۇرىلىس جيناق بانكى تەك تۇرعىن ٴۇي قۇرىلىسىن كەپىلدەندىرۋ قورىنىڭ كەپىلدىگىنە يە كومپانيالارمەن عانا سەرىكتەستىك ورناتادى. ۇلەستىك قاتىسۋ اياسىنداعى ٴۇي باعاسى بەلگىلەنگەن: 1 شارشى مەتردىڭ قۇنى 180 000-250 000 تەڭگەنى قۇرايدى. تۇرعىن ۇيلەر شىمكەنتتىڭ «ٴنۇرسات» ىقشاماۋدانىندا سالىنىپ جاتىر

تۇرعىن ٴۇي قۇرىلىس جيناق بانكى ارقىلى ساتىلىپ جاتقان بارلىق جاڭا نىساندار تۋرالى اقپاراتتى baspana.kz پورتالىنان بىلۋگە بولادى. اتالعان پورتالدا قولجەتىمدى تۇرعىن ۇيدەن ۇمىتكەر قانداي نىسانداردىڭ سالىنىپ جاتقانىن ٴبىلىپ، ٴوتىنىش قابىلدانىپ جاتقان-جاتپاعانىن انىقتاپ، ۇناعان پاتەردى تاڭداپ، پاتەر ساتىپ الۋشىلار پۋلىنا قاتىسۋعا ٴوتىنىش بەرە الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي