BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

ساعىنتايەۆ قۇرىلىسى بىتكەن تۇرعىن ۇيلەردىڭ نەگە پايدالانۋعا بەرىلمەي وتىرعانىن سىنعا الدى

استانا، baq.kz ٴتىلشىسى. ۇكىمەت باسشىسى باقىتجان ساعىنتايەۆ وڭىرلەردە كوپقاباتتى تۇرعىن ۇيلەر سالىنعانىمەن ولارعا ٴتيىستى ينفراقۇرىلىم تارتىلماي وتىرعانىن سىنعا الدى.

پرەمەر-مينيستر جەرگىلىكتى ٴوڭىردىڭ باسشىلارىنا اتالعان ماسەلەنى ەكى ايدا شەشۋدى تاپسىردى.

بۇگىن ۇكىمەت وتىرىسىندا ينۆەستيسيالار جانە دامۋ ٴمينيسترى جەڭىس قاسىمبەك «نۇرلى جەر» مەملەكەتتىك باعدارلاماسىنىڭ قالاي جۇزەگە اسىرىلىپ جاتقانىن جونىندە ەسەپ بەردى. ەسەپتى تىڭداعان ساعىنتايەۆ 9 ايدىڭ قورىتىندىسى بويىنشا اتالعان باعدارلامانىڭ نەگىزگى باعىتتارى بويىنشا ٴوسىم بار ەكەنىن اتاپ ٴوتىپ، ونداعى ٴبىرقاتار ماڭىزدى ماسەلەلەرگە نازار اۋدارۋ قاجەتتىگىن ايتتى.

«ٴبىرىنشى، بۇل قاراجاتتى يگەرۋ. جەڭىس ماحمۇد ۇلى، مۇنى (ينۆەستيسيالار جانە دامۋ ٴمينيسترى جەڭىس قاسىمبەك – اۆتور) بايانداماسىندا اتاپ ٴوتتى. ٴبىرقاتار وڭىرلەردە 9 ايدىڭ قورىتىندىسى بويىنشا قاراجاتتى يگەرۋ قارقىنى تومەن. جوسپار بويىنشا 12،1 ملن شارشى مەتر تۇرعىن ٴۇي سالىنۋى قاجەت. وتكەن جىلمەن سالىستىرعاندا كورسەتكىش 10%-كە جوعارى. جىلدىڭ اياقتالۋىنا 2 اي عانا الدى. قۇرمەتتى اكىمدەر مەن ارىپتەستەر، تۇرعىن ٴۇيدىڭ جوسپارلانعان كولەمىن تاپسىرۋ جانە بولىنگەن قاراجاتتى ٴتيىمدى يگەرۋ ٴۇشىن قاجەتتى شارالاردىڭ بارلىعىن قابىلداۋلارىڭىزدى تاپسىرامىن»، - دەدى پرەمەر-مينيستر.

سونداي-اق ۇكىمەت باسشىسى تاعى ٴبىر وزەكتى ماسەلەنى اتادى.

«ەكىنشى، ينجەنەرلىك-كوممۋنيكاسيالاردى قۇرىلىس الاڭدارىنا جەتكىزۋ ماسەلەسى. بۇل نەگىزىنەن كوپ پاتەرلى ۇيلەرگە جانە جەكە ٴۇي قۇرىلىسىنا قاتىستى. بيىل مەملەكەتتىك باعدارلامانى ىسكە اسىرۋعا بولىنگەن بيۋدجەت قاراجاتىنىڭ جارتىسىنا جۋىعى وسى باعىتقا بولىنگەن. الايدا، كەيبىر وڭىرلەردە قاجەتتى ينفراقۇرىلىم بولماعاندىقتان دايىن تۇرعان ۇيلەر پايدالانۋعا بەرىلمەي وتىر»، - دەدى ول.

پرەمەر-مينيستر قانداي وڭىرلەردە ينفراقۇرىلىم جەلىلەرى تارتىلماعانىنا توقتالدى.

«تۇرعىن ٴۇي سالىنعان، ٴبىراق ينفراقۇرىلىمى جوق وبەكتىلەر بار. مىسالى، پەتروپاۆلداعى «بەرەكە» شاعىن اۋدانىندا بەس قاباتتى 3 ٴۇي بار. 230 پاتەر 2017 جىلدىڭ قاراشا-جەلتوقساندا سالىنىپ بىتكەن. ياعني وسىدان ٴبىر جىل بۇرىن. ٴبىراق ول پايدالانۋعا بەرىلمەگەن. سەبەبى، ينفراقۇرىلىم جوق. سەمەيدە 10 قاباتتى 3 ٴۇي 2017 جىلى قاراشا-جەلتوقسانىندا سالىنعان. اقتوبەدەگى «نۇر اقتوبە» شاعىن اۋدانى 2018 جىلدىڭ تامىز ايىندا تۇرعىزىلعان. شىمكەنتە «تۇلپار» شاعىن اۋدانىندا 3 قاباتتى 8 ٴۇي 2018 جىلدىڭ ٴساۋىر-تامىز ايلارىندا سالىنعان. ٴبىراق ينفراقۇرىلىم جوق»، - دەدى ۇكىمەت باسشىسى.

سونداي-اق ساعىنتايەۆ قاراعاندى، وسكەمەن، ورال، سەمەيدە قۇرىلىسى اياقتالۋعا جاقىن قالعان تۇرعىن ۇيلەر بار ەكەنىن ايتا كەلە، اتالعان وبەكتىلەرگە ٴالى ينفراقۇرىلىم تارتىلماعانىن جەتكىزدى.

«بيىل 40 مىڭنان استام جەر ۋچاسكىسى جەلىمەن قامتاماسىز ەتىلۋى ٴتيىس. الايدا 9 ايدىڭ قورىتىندىسى بويىنشا كورسەتكىش 40%-كە قامتاماسىز ەتىلگەن. اكىمدەر جىلدىڭ سوڭىندا بەلگىلەنگەن مەجەگە جەتەمىز دەپ وتىر. اسقار ۇزاقباي ۇلى ( ۇكىمەت باسشىسىنىڭ ٴبىرىنشى ورىنباسارى اسقار مامين - اۆتور)، مۇنى قاتاڭ باقىلاۋعا الۋ كەرەك»، - دەپ تۇيىندەدى ٴسوزىن پرەمەر-مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي