BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

«نۇرلى جەر» باعدارلاماسى ارقىلى سالىنعان ۇيدە گاز جوق

فوتو: автордан

پەتروپاۆلدا «نۇرلى جەر» باعدارلاماسى ارقىلى سالىنعان ۇيدە گاز جوق. «بەرەكە» ىقشام اۋدانىندا ورنالاسقان نىسان بيىل 10-شى تامىزدا «قازاقستان يپوتەكالىق كومپانياسى» اق ارقىلى حالىق يگىلىگىنە تاپسىرىلعان بولاتىن، دەپ حابارلايدى baq.kz ايماقتىق ٴتىلشىسى.

قازبەك بايبولوۆ كوشەسىندەگى ٴ67-شى ٴۇي، قالالىق اكىمدىكتە باسپانا كەزەگىندە تۇرعاندارعا بەرىلدى. كەلىسىم شارت بويىنشا، بۇل مەكەمە تۇتىنۋشىلاردى 3 كۇن ىشىندە بارلىق قاجەتتى كوممۋنيكاسيالارمەن قامتاماسىز ەتۋى ٴتيىس. الايدا بۇل تالاپ ٴالى كۇنگە دەيىن ورىندالماي كەلەدى. تۇرعىندار ازىرگە ەلەكتر پەشتەردىڭ كومەگىمەن امالداپ وتىر. كوممۋنالدىق جەلىلەرگە جاۋاپتى «سەۆيمستالكون» كومپانياسى ٴوز مىندەتىن ورىنداۋعا اسىعار ەمەس.

«ۇيگە كوشكەن سوڭ بىردەن گازپەش ساتىپ الدىق. الايدا ازىرگە ونى پايدالانىپ كورگەن جوقپىز. توقپەشكە تاماق ٴپىسىرۋ – ىڭعايسىز، ٴارى ٴتيىمسىز. ەلەكتر ەنەرگياسى قىمبات. ۋاقىت تا كوپ كەتەدى. «سەۆيمستالكون» كومپانياسىنىڭ جۇمىسشىلارى قۇبىردى گازگولدەرگە دەيىن قازدى دا، وزدەرى جوق بولدى. ٴبىز ٴالى ماسەلەنىڭ شەشىمىن كۇتۋمەن ٴجۇرمىز»، - دەيدى ٴۇي تۇرعىنى ايناگۇل ٴمۇسايىپوۆا.

تۇرعىندار «قازىلعان شۇڭقىرلارعا بالالار ٴتۇسىپ كەتۋى مۇمكىن» دەپ الاڭدايدى. بەتى اشىق جاتقان سوڭ، جاڭبىر سۋى دا تولا باستاپتى. پاتەر يەلەرىنىڭ ايتۋىنشا «سەۆينستالكون» قۇرىلىس كومپانياسى مەن قالا تۇرعىندارىن كوگىلدىر وتىنمەن قامتاماسىز ەتىپ وتىرعان «گورگاز» سەرىكتەستىگى ماسەلەنى بىر-بىرىنە سىلتەيدى.

«گورگازعا بارساق، ولار قۇرىلىس كومپانياسىنا جىبەرەدى. قۇرىلىسشىلاردان سۇراساق «گورگازعا» سىلتەيدى. ٴبىر اي بولدى ەكەۋىنىڭ اراسىندا سەندەلىپ ٴجۇرمىز. گورگازدىڭ ماماندارى وتكەن اپتادا كەلىپ، قۇبىردىڭ ٴبىر بولىگىن كەسىپ الىپ كەتتى. سودان بەرى ەشكىمدى كورمەدىك»، - دەيدى ٴۇي تۇرعىنى ايناش احماديەۆا.

«گورگاز» سەرىكتەستىگىنىڭ ماماندارى جەلىدە اقاۋ بار ەكەندىگىن ايتادى. سوندىقتان ولار، قۇرىلىسشىلار قۇبىرلاردى قالپىنا كەلتىرنشە نىساندى قابىلداۋدان باس تارتىپ وتىر. «سەۆيمستالكون» كومپانياسىنىڭ باسشىلىعى قۇرىلىس جۇمىستارى كەزىندە قۇبىرلار زاقىمدانعانىن مويىندادى.

«بارلىق كوممۋنالدىق جەلىلەردى تارتىپ، نىساندى تاپسىردىق. الايدا گازدى قوساردا ماسەلەلەر تۋىندادى. سەبەبىن انىقتاپ جاتىرمىز. مەحانيكالىق، تەحنيكالىق اسەردەن بولۋى مۇمكىن. ٴقازىر قايتا جوندەۋدى باستادىق. اقاۋدى جوندەپ، جۋىق ارادا تۇرعىنداردى كوگىلدىر وتىنمەن قامتاماسىز ەتەمىز دەگەن ۇمىتتەمىن»، - دەدى «سەۆيمستالكون» جشس ديرەكتورى سۇلتان گازديەۆ.

مەردىگەر كومپانيا ماماندارى جوندەۋ جۇمىستارىن كەلەسى اپتادا اياقتاپ، پاتەرلەرگە كوپتەن كۇتكەن گاز بەرىلەتىنىن ايتىپ سەندىردى.

فوتو: اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي