BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

«نۇرلى جەر» باعدارلاماسى ارقىلى پايدا تاپقىسى كەلگەن مەملەكەتتىك قىزمەتكەرلەر ۇستالدى

قوستاناي وبلىسىندا «نۇرلى جەر» باعدارلاماسى ارقىلى كولەڭكەلى تابىسپەن مەملەكەتتىك قىزمەتكەرلەر قالتالارىن قامپايتپاق بولعان. بۇل تۋرالى قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ رەسمي وكىلى نۇرلان جاحين مالىمدەدى، دەپ حابارلايدى baq.kz ٴتىلشىسى.

«قوستاناي وبلىسىندا كاسىپكەرلەر سۋبەكتىلەرىنىڭ مۇددەلەرىن قورعاۋ بويىنشا قىلمىستىق سىزبا اشكەرەلەندى. ياعني قوستاناي قالاسى قۇرىلىس ٴبولىمىنىڭ مەملەكەتتىك ساتىپ الۋلار سەكتورىنىڭ مەڭگەرۋشىسى ٴجۇنىسوۆ وبلىستىق مەملەكەتتىك ساۋلەت قۇرىلىس باسقارماسىنىڭ باس مامانى قۇلانبايەۆپەن ٴسوز بايلاسىپ، «نۇرلى جەر» مەملەكەتتىك باعدارلاماسى اياسىندا تۇرعىن ٴۇي قۇرىلىسى بويىنشا مەملەكەتتىك ساتىپ الۋ كونكۋرسىندا جەڭىپ شىعۋعا كومەك كورسەتكەنى ٴۇشىن 30 ملن تەڭگە كولەمىندە پارا العان دەپ كۇدىككە ٴىلىندى. قازىرگى تاڭدا سوت سانكسياسىمەن ٴجۇنىسوۆ پەن قۇلانبايەۆ قاماۋعا الىندى. سوتقا دەيىنگى تەرگەۋ جۇرگىزىلۋدە»، - دەدى رەسمي وكىل بريفينگتە.

سونىمەن قاتار نۇرلان جاحين «نۇرلى جەر» باعدارلاماسى ارقىلى پايدا تاپقىسى كەلگەن كاسىپكەرلەرگە توقتالدى.

«تۇركىستان وبلىسىندا پاراقورلىق دەرەگى بويىنشا شىمكەنت قالاسى اكىمدىگىنە باعىنىشتى كاسىپورىن ياعني «تۇرعىن ٴۇي شىمكەنت» جاۋاپكەرشىلىگى شەكتەۋلى سەرىكتەستىگىنىڭ ديرەكتورى مۇحامەدجان جانە ونىڭ ورىنباسارى باقبەرگەنوۆ ۇستالدى. ولار «نۇرلى جەر» ٴتۇرعىن-ۇي كوممۋنالدىق شارۋاشىلىعىن جاڭعىرتۋ مەملەكەتتىك باعدارلاماسىن ىسكە اسىرۋ اياسىندا شىمكەنت قالاسىنىڭ تۇرعىن ۇيلەرىن جوندەۋ بويىنشا مەردىگەرلىك جۇمىستاردى جۇرگىزۋىنە شارتتار جاساعانى ٴۇشىن 5،1 ملن تەڭگە سومماسىندا زاڭسىز سىياقى العان دەپ كۇدىككە ٴىلىندى»، - دەدى ول.

ونىڭ ايتۋىنشا، اتالعان سومما جالپى مەردىگەرلىك جۇمىستاردى جۇرگىزۋگە بولىنگەن 34 ملن تەڭگەنىڭ 15%ٴ-ىن قۇرايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي