USD 334.31 EUR 355.17 RUB 5.31
استانا:

«موڭعوليا تالانتى» بايقاۋىنا قاتىسقان قازاق جىگىت تورەشىنى وزىنە عاشىق ەتتى

فوتو: скриншот

موڭعوليانىڭ استاناسى ۇلان-باتىر قالاسىندا وتكەن «mongolia’s got talent» جوباسىنا قاتىسۋشى نۇربەك جاناربەك ۇلى ەسىمدى جاس ونەرپاز تالانتتار سايىسىنا ايگىلى «مولدابايدىڭ انىمەن» شىقتى. ونىڭ ورىنداۋىنداعى قۇيقىلجىعان ٴاننىڭ كەرەمەتتىگىنە ٴتانتى بولعان تورەشىلەر نۇربەككە ريزالىقتارىن ٴبىلدىردى، دەيدى baq.kz ٴتىلشىسى.

نۇربەكتىڭ ونەرىن باعالاعان ٴتورت تورەشىنىڭ ٴبىرى: «ماعان تالانتتار بايگەسىنە قاتىسۋشى كوپتەگەن جىگىتتەر عاشىق بولدى. ال ماعان نەگە ٴبىر قازاقتىڭ جىگىتى عاشىق بولمايدى دەپ ويلاپ وتىرمىن. سەن مەنى جاقسى كورمەيسىڭ بە؟»، - دەدى.

19 جاستاعى ستۋدەنت جىگىت تورەشىنىڭ قالجىڭىنا قالجىڭمەن جاۋاپ بەرىپ: «ساحنادا تۇرىپ كەلبەتىڭىزدى انىق كورە الماي تۇرمىن، قاسىڭىزعا بارىپ كورسەم بولا ما؟»، - دەيدى.

تورەشىلەردىڭ رۇقساتىمەن قاستارىنا كەلگەن نۇربەك جاناربەك ۇلى الگى تورەشى قىزعا ەكى اۋىز ولەڭمەن جاۋاپ بەردى.

تورەشىلەردى تامساندىرعان جاس تالانت ٴقازىر ستۋدەنت ەكەنىن، ماحابباتپەن باس قاتىرىپ جۇرۋگە ۋاقىتى جوق، ساباققا عانا كوڭىل بولەتىنىن ايتتى.

ەستەرىڭىزگە سالا كەتەيىك «مولدابايدىڭ ٴانىن» شىرقاعان جاس ونەرپاز وسىدان ٴبىراز ۋاقىت بۇرىن «تاۋەلسىزدىكتىڭ 25 جىلدىعىنا 25 تاۋ» اكسياسىن وتكىزىپ، ەلىمىزدىڭ تاۋەلسىزدىك مەرەكەسىنە تاماشا تارتۋ جاساعان بولاتىن. ول ٴوزىنىڭ اكەسى تانىمال تاۋشى جارابەك اقىبيمەن بىرلەسىپ موڭعولياداعى ەڭ بيىك 25 تاۋعا شىققان ەدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي