BAQ.kz - Қазақстан жаңалықтары USD 356.54 BAQ.kz - Қазақстан жаңалықтары EUR 419.43 BAQ.kz - Қазақстан жаңалықтары RUB 5.42
استانا:

"قازكونتەنت" اق ٴجۋرناليسى ساراي اسقانباي ۇلى اتىنداعى ەسسە بايقاۋىنىڭ جەڭىمپازى اتاندى

موڭعوليا قازاقتارىنىڭ العاشقى əكىمشىلىك بىرلىگى - شەرۋشى حوشۋۋنى ورناۋىنا 95 جىل، سۇمىن مəرتەبەسىن يەلەنۋىنىڭ 80 جىلدىق تورقالى تويى قارساڭىندا بەلگىلى مەملەكەت جəنە قوعام قايراتكەرى، تاريحشى-عالىم ساراي اسقانباي ۇلى اتىندا ۇيىمداستىرىلعان ەسسەلەر بايقاۋىنىڭ جۇلدەگەرلەرى انىقتالدى، دەپ حابارلايدى baq.kz اقپارات اگەنتتىگى.

"بايقاۋدىڭ ماقساتى - قاسيەتتى تۋعان جەرىمىز – قىزىل-قايىڭ توپىراعىنىڭ تاريحىن تۇگەندەۋ. سۇمىنىمىزدىڭ تۋماسى، ۇلى تۇلعا ساراي اسقانباي ۇلىنىڭ ەسىمىن جەرلەستەرى اراسىندا ۇلىقتاۋ. سۇمىن تۋمالارى مەن تويشى قاۋىمعا تاريحي-تانىمدىق تاقىرىپتاردا تۋعان جەرى تۋرالى قىزىقتى، عىلىمي مالىمەتتەر بەرۋ. سول ارقىلى سۇمىن تاريحىنا قاتىستى تىڭ دۇنيەلەردىڭ جازىلۋىنا مۇرىندىق بولۋ. سونىمەن قاتار، الىس-جاقىنداعى ٴيسى قازاققا اتاجۇرتتان جىراقتاعى قازاقتان شىققان نار تۇلعالاردى تانىتۋ" - دەيدى ۇيىمداستىرۋشىلار.

بايقاۋدىڭ قازىلار القاسى:
1. ايناگۇل سارايقىزى - قازىلار القاسىنىڭ ٴتورايىمى، "ارۋلار" وداعىنىڭ ٴتورايىمى، موڭعوليا جəنە قر اقپارات سالاسىنىڭ ۇزدىگى.
2. ەربول بەيىلحان - قازىلار القاسىنىڭ مۇشەسى، اقىن-جازۋشى، حالىقارالىق جازۋشىلار وداعىنىڭ مۇشەسى، حالىقارالىق پوەزيا اكادەمياسىنىڭ اكادەميگى.
3. ٴزۇلميرا جاۋبايقىزى - قازىلار القاسىنىڭ مۇشەسى، ٴتىلشى-عالىم، "ارۋ جۇلدىزدار" جۋرنالىنىڭ ساراپشىسى.
4. يسلام شəجەي ۇلى - قازىلار القاسىنىڭ مۇشەسى، əدەبيەتتانۋشى.
5. ايبەك ساراي ۇلى - ايماقتىق سالىق كوميتەتىنىڭ ينسپەكتورى، ساراي اسقانباي ۇلى شاڭىراعىنىڭ ەگەسى.

وسىنداي بەس ادامنىڭ قازىلىق ەتۋىمەن جۇلدەلى ورىندار تومەندەگىدەي:

باس جۇلدە - اسىلبەك بايتان ۇلى، قر استانا قالاسى، "قازكونتەنت" اق "ادەبيەت پورتالى" رەداكتورى.
1-ورىن - əسكەرحان اقتاي، قر وسكەمەن قالاسى.
2-ورىن - نۇربول قاناعات ۇلى، قر الماتى قالاسى.
3-ورىن - دانا يساعۇلقىزى، بايان-ولگيي ايماعى، ولگيي سۇمىنى.

جۇلدەگەرلەردى ماراپاتتاۋ ٴرəسىمى 25 شىلدە كۇنى وتەدى.

ساراي اسقانباي ۇلى – كوپ جىل ورتالىق پارتيا كوميتەتى مينيسترلەر كەڭەسىندە جاۋاپتى قىزمەت اتقارعان، 16 جىل بايان-ولگەي جانە بۇلعىن ايماقتارىن باسقارعان، ٴتورت مارتە ۇلى قۇرىل دەپۋتاتىنا سايلانعان، موڭعوليا قازاقتارىنا بەلگىلى ادام. سونىمەن قاتار ول كىسى – تاريحشى، بايان-ولگەي ايماعى جانە قازاق-ۇرانقاي تاريحىن العاش زەرتتەپ، كىتاپ ەتىپ شىعارعان تاريحشى. موڭعوليانىڭ دەموكراتيالىق جاڭا نەگىزگى زاڭىن تالقىلاپ، بەكىتۋشىلەردىڭ ٴبىرى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي