BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

ٴجۇرسىن ەرمان "التىن دومبىرا" ايتىسىنا كىمدەر قازىلىق ەتەتىنىن ايتتى

استانا، baq.kz. قر مادەنيەت جانە سپورت مينيسترلىگىنىڭ ۇيىمداستىرۋىمەن قازاقستان رەسپۋبليكاسى ەلورداسى – استانا قالاسىنىڭ 20 جىلدىعىنا جانە تاۋەلسىزدىك كۇنى مەرەكەسىنە ارنالعان vii «التىن دومبىرا» رەسپۋبليكالىق اقىندار ايتىسى وتەدى.

بۇل جونىندە قازاقستاننىڭ ەڭبەك سىڭىرگەن قايراتكەرى، «قۇرمەت» وردەنىڭ يەگەرى ٴجۇرسىن ەرمان، مەملەكەتتىك «دارىن» جاستار سىيلىعىنىڭ لاۋرەاتى داۋلەتكەرەي كاپ ۇلى، ايتىسكەر اقىندار ەركەبۇلان قاينازاروۆ، مەيىربەك سۇلتانحاننىڭ قاتىسۋىمەن مادەنيەت جانە سپورت مينيسترلىگىنىڭ ٴباسپاسوز-ورتالىعىندا وتكەن ٴباسپاسوز كونفەرەنسياسىندا بەلگىلى بولدى.

«استانام، سەنسىڭ ايبارىم» اتتى ٴدۇبىرلى دودانىڭ ەرەكشەلىگى استانانىڭ جيىرما جىلدىعىنا ارنالعاندىقتان جيىرما اقىن قاتىسقالى وتىر. ايتىستىڭ ماقساتى vii رەسپۋبليكالىق اقىندار ايتىسىندا جىل بويى رەسپۋبليكانىڭ ٴار وڭىرىندە وتكەن ايتىستاردىڭ جەڭىمپازدارىن ىرىكتەپ جىلدىڭ قورىتىندى ايتىسى ارقىلى بيىلعى «التىن دومبىرا» يەگەرى انىقتاۋ جانە ەلوردامىز استاناننىڭ 20 جىلدىعىن جىرعا ارقاۋ ەتۋ. سونداي-اق ۇلتىمىزدىڭ ۇلى ونەرى، ماقتانىشى يۋنەسكو-نىڭ ادامزاتتىڭ مادەني مۇراسى قاتارىنا قوسىلعان ٴتول ونەرىمىزدى دارىپتەۋ بولىپ تابىلادى. بۇل جىر دوداسىندا كەستەلى جىر، ۇشقىر وي، سۋىرىپسالمالىق قابىلەتىمەن دارالانعان اقىن بيىلعى vii «التىن دومبىرا» يەگەرى اتانىپ، بەس ميلليون تەڭگەمەن ماراپاتتالادى. ٴسوز بايگەسىن ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ باسقارما ٴتوراعاسى ٴجۇرسىن ەرمان جۇرگىزەدى» - دەدى قر مادەنيەت جانە سپورت مينيسترلىگىنىڭ مادەنيەت جانە ونەر ىستەرى دەپورتامەنتىنىڭ ديرەكتورى ٴابىل جولامانوۆ.

بۇل الامانعا ايبەك قاليەۆ، رينات زايتوۆ، رۇستەم قايىرتاي ۇلى، مۇحتار نيازوۆ، اسپانبەك شۇعاتايەۆ، ەركەبۇلان قاينازاروۆ، جانسايا مۋسينا، مەيىربەك سۇلتانحان، اسەم ەرەجەقىزى، ماقسات اقانوۆ، بولاتبەك ورازبايەۆ، ديدار قاميەۆ، تولەگەن جامانوۆ، تىلەگەن ٴادىلوۆ، نۇرمات مانسۋروۆ، شالقارباي ٴىزباساروۆ، حازىرەت بەردىحان، سىرىم ٴادىلوۆ، سەرىك قۋانعان، ەرشات قايبولدين قاتارلى جىل بويى رەسپۋبليكانىڭ ٴار وڭىرىندە وتكەن ايتىستاردىڭ جەڭىمپازدارى عانا قاتىسادى.

«قازاقستان حالقى اسسامبلەياسىنىڭ ٴححۇ سەسسياسىندا ەلباسى ن.ٴا.نازاربايەۆ «بارلىق وبلىستىڭ اكىمدىكتەرىنە تاپسىرما بەرەمىن، ايتىستاردى وڭىرلەردە وتكىزىڭدەر» دەپ ايتقان بولاتىن. ٴسوز سوڭىندا نۇرسۇلتان ٴابىش ۇلى ماعان «بارلىق وبلىستاردا اقىندار ايتىسىن وتكىز. ەڭ تاۋىرلەرىن جىلدىڭ سوڭىندا استاناعا جينا» دەپ جەكە تاپسىرما بەردى. مىنە، ەلباسىنىڭ ٴوزى ۇيىتقى بولۋىمەن، مادەنيەت جانە سپورت ٴمينيسترى ارىستانبەك مۇحامەدي ۇلىنىڭ قولداۋىمەن الامان ايتىس وتكىزگەلى وتىرمىز. بيىلعى ايتىستىڭ ٴادىل-قازىلار مۇشەلەرىن جەكەلەي تانىستىرىپ وتكىم كەلىپ وتىر. ٴادىل-قازىلار مۇشەلەرى: جازۋشى، قر مەملەكەتتىك سىيلىعىنىڭ لاۋرەاتى، قازاقستاننىڭ ەڭبەك سىڭىرگەن قايراتكەرى، اۋدارماشى قاجىعالي مۇحامبەتقاليەۆ، اقىن، قر مەملەكەتتىك سىيلىعىنىڭ لاۋرەاتى، «پاراسات» وردەنىنىڭ يەگەرى نەسىپبەك ايتوۆ، قازاقستاننىڭ ەڭبەك سىڭىرگەن قايراتكەرى، ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ اتىراۋ فيليالىنىڭ ديرەكتورى قويشىعۇل جىلقىشيەۆ، قازاقستاننىڭ مادەنيەت قايراتكەرى، قازاقستان جازۋشىلار وداعىنىڭ مۇشەسى، ايتىسكەر اقىن سەرىك قاليەۆ، فيلولوگيا عىلىمدارىنىڭ دوكتورى، پروفەسسور، ايتىسكەر اقىن قويلىباي اسانوۆ، ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ باتىس قازاقستانداعى وكىلى، ايتىسكەر اقىن باۋىرجان حاليوللا، ايتىسكەر اقىن، ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ جامبىل وبلىسىنداعى وكىلى احمەتجان وزبەكوۆ. تاۋەلسىز ساراپشىلار رەتىندە، قازاقستانعا ەڭبەك سىڭىرگەن قايراتكەرى، اقىن داۋلەتكەرەي كاپ ۇلى جانە سىنشى، قازاقستان جازۋشىلار وداعىنىڭ مۇشەسى ٴامينا قۇرمانعاليقىزى بولادى» - دەدى ٴجۇرسىن ەرمان.

داۋلەتكەرەي كاپ ۇلى، بۇل جولعى ايتىستا ايتىلار ويلاردىڭ كەسەك بولارىنا سەنىمدى ەكەنىن ايتتى.

«مەملەكەت باسشىسى نۇرسۇلتان نازاربايەۆتىڭ « ۇلى دالانىڭ جەتى قىرى» اتتى ماقالاسىندا ايتىپ وتكەن بارلىق قۇندىلىقتاردى ناسيحاتتاۋدا اقىنداردان اسقان ناسيحاتشى جوق. ايتىس ەجەلدەن كەلە جاتقان ۇلى مۇرامىز. قازىرگى تاڭدا رۋحاني جاڭعىرۋعا مۇقتاج بولىپ وتىرعانىمىزدا تۋرا تاۋەلسىزدىك كۇنىندە وتكىزگەلى وتىرعان ايتىستان كۇتەرىمىز كوپ» - دەيدى داۋلەتكەرەي كاپ ۇلى.

بيىلعى ايتىستىڭ ەرەكشەلىگى حالىققا ەندى اتى شىعىپ، الامان بايگەدە ەندى عانا تانىلىپ جاتقاندار ونەر كورسەتپەك. جاس ونەرپازدارىمىزعا دەگەن جاناشىرلىق پەن ۇلكەن قولداۋ بولماقشى بۇل ايتىس.

ەستەرىڭىزدە بولسا، ايتىس وتەتىنى جايلى بۇعان دەيىن دە حابارلاعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي