BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

ۆەتنام اۋە تولقىنىندا قازاق اۋەندەرى قالىقتايدى

بۇل پىكىر ازيا مەن ەۋروپانىڭ بىلىكتى مەديامەنەدجەرلەرىنىڭ قاتىسۋىمەن استانادا ٴوتىپ جاتقان «ازيانىڭ مەديا ديالوگى» فورۋمى اياسىنداعى تاراپتار كەزدەسۋى بارىسىندا ايتىلدى، دەپ حابارلايدى baq.kz اقپارات اگەنتتىگى.

«qazaq radiolary» ٴجسش-نىڭ باس ديرەكتورى ٴمادي ماناتبەك ۇلى مەن ۆەتنامدىق vov3 مۋزىكالىق ارناسى ديرەكتورىنىڭ ورىنباسارى mr.tran nhat duong باستاعان توپ جەتەكشىلەرى الداعى ۋاقىتتا بىرلەسە اتقاراتىن ٴوزارا ٴتيىمدى جوبالاردى تالقىلاپ، ەكى جاقتى ىنتىماقتاستىق مەموراندۋمىنا قول قويۋعا كەلىستى.

ەندى كەلەشەكتە قازاقتىڭ كۇيلەرى مەن حالىق اندەرى ۆەتنام راديوسىنىڭ اۋە تولقىنىندا اۋەلەسە، ٴبىز قازاق راديوسى ارقىلى ٴمالىم دە بەيمالىم ۆيەت ەلىنىڭ اۋەنىن تىڭدايتىن بولامىز. تاراپتار سونىمەن قاتار مادەنيەت پەن ٴتۋريزمدى دامىتۋعا باعىتتالعان تىڭ جوبالار ازىرلەۋگە ۋاعدالاستى.

«ۆەتنام راديوسى «قازاق راديولارى» سەرىكتەستىگى سەكىلدى الەۋمەتتىك جانە قوعامدىق باعىتتا جۇمىس ىستەيدى. ولار دا راديولارىن سان سالاعا جىكتەپ-جىلىكتەپتى. ۆەتنامدىقتاردى ٴبىزدىڭ ۇلتتىق جانە كلاسسيكالىق مۋزىكامىز قىزىقتىرىپ وتىر. ال، بىزگە ولاردىڭ تۋريزم باعىتىنداعى باعدارلاماسى كەرەك. ويتكەنى، ۆەتنام - قازاقستان ٴۇشىن ٴالى تولىق تانىلىپ ۇلگەرمەگەن ەل. سوندىقتان، ەكى ەلدىڭ راديولارى مادەنيەت جانە ساياحات سالاسىن قال-قادىرىنشە دارىپتەۋگە كەلىستىك»، - دەدى «qazaq radiolary» ٴجشس-نىڭ باس ديرەكتورى ٴمادي ماناتبەك ۇلى.

سونىمەن قاتار، vov مۋزىكالىق ارناسى ديرەكتورىنىڭ ورىنباسارى mr.tran nhat duong مىرزا دا ٴوز ويىن ايتتى.

«ٴبىز قازاق ەلىنىڭ تورىندە تابىستى كەلىسىم جاساعانىمىزعا قۋانىشتىمىز. قۇشاق جايا قارسى العاندارىڭىزعا ايتار العىسىمىز شەكسىز. بولاشاقتا وسى كەزدەسۋدىڭ قورىتىندىسى بويىنشا ەكى تاراپ ىنتىماقتاستىق تۋرالى مەموراندۋمعا قول قوياتىن بولادى. بۇل قۇجات - ەكى ەلدىڭ مەملەكەتتىك راديولارى اراسىنداعى بايىپتى بايلانىستىڭ بەرىك ىرگەتاسى بولىپ قالاناتىنىنا سەنىمدىمىز. ەكى جاقتى كەلىسىم بولاشاقتا مادەنيەت پەن ٴتۋريزمنىڭ دامۋىنا وزىندىك سەپتىگىن تيگىزەدى دەپ ويلايمىز. كەزدەسۋگە شاقىرعاندارىڭىزعا راحمەت! كەلەلى كەڭەس قۇرعان كەزدەسۋ قورىتىندىسى بويىنشا كوپ كۇتتىرمەي بىرلەسكەن جۇمىستى باستاۋعا كىرىسەمىز»،- دەپ شىنايى ريزاشىلىعىن ٴبىلدىردى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي