BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

تەگىن ٴتىل ۇيرەتۋ كۋرستارى جالعاسادى

قر مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ قولداۋىمەن «مەملەكەتتىك ٴتىلدى ۇيرەتۋ ەليتالىق كۋرسى» مادەني مەكەمەسى قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسىنا سايكەس ەتنومادەني ورتالىقتار جانىنداعى جەكسەنبىلىك مەكتەپتەردە قازاق جانە انا تىلدەرىن وقىتۋ كۋرستارىن ۇيىمداستىرادى، دەپ حابارلايدى baq.kz اقپارات اگەنتتىگى.

ٴداستۇرلى كۋرسقا ەتنوستىق توپتاردىڭ وكىلدەرىن، ۇلتتىق-مادەني بىرلەستىكتەردىڭ باسشىلارى مەن مۇشەلەرىن، ۇلتتىق (انا) ٴتىلىن وقىپ ۇيرەنۋگە مۇددەلى وزگە دە ازاماتتاردى تەگىن وقۋعا شاقىرادى. وقۋ كۋرس مەرزىمى ۇستىمىزدەگى جىلدىڭ ماۋسىم-قاراشا ارالىعى. ٴتىل ۇيرەنۋشىنىڭ جاسىنا شەكتەۋ جوق.

بۇل تىلدىك كۋرستارىندا مەملەكەتتىك (قازاق ٴتىلى) جانە ەتنوستاردىڭ (ارميان، ٴازىربايجان، بالقار، بەلورۋس، بولگار، ۆەنگر، گرەك، گرۋزين، دۇنگەن، ەۆرەي، كورەي، كۇرد، قىرعىز، مولداۆان، نەمىس، ورىس، وسەتين، وزبەك، پولياك، تاتار، تاجىك، تۇرىك، تۇركىمەن، ۋكراين، ۇيعىر، شەشەن) تىلدەرىن ۇيرەتەدى.

وقىتۋدىڭ باعدارلاماسىن يگەرۋ ناتيجەسى بويىنشا تىڭداۋشىلارعا سەرتيفيكات تابىستالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي