BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

رەسپۋبليكالىق مۇسىنشىلەر سايىسىنا ايەلدەر دە قاتىسۋدا

فوتو: Автор

ايەل زاتىنىڭ مۇسىنمەن اينالاسۋى وتە سيرەك كەزدەسەتىن قۇبىلىس. دەگەنىمەن قىزدار ەش نارسەدەن قورىقپاي، ٴوزىن كورسەتە الاتىن قىزمەت سالاسىن تاڭداي بىلگەنى دۇرىس. بۇل جايىندا ٴمۇسىنشى گۋلفيا مەلدەش باق وكىلدەرىمەن كەزدەسۋ بارىسىندا مالىمدەدى، دەپ حابارلايدى baq.kz اقپارات اگەنتتىگىنىڭ ٴتىلشىسى.

ٴساۋىر ايىندا مەملەكەتتىك ٴا.قاستەەۆ اتىنداعى ونەر مۇراجايىندا «cultural dialogue» قوعامدىق قورى قازاقستان مۇسىنشىلەرى، ساۋلەتشىلەرى جانە سۋرەتشىلەرىنىڭ اراسىندا «عىلىم مەن ونەر كودى» اتتى رەسپۋبليكالىق اشىق بايقاۋدىڭ باستالعانىن جاريالاعان ەدى. بايقاۋدىڭ ماقساتى – دەنساۋلىق ساقتاۋ سالاسىندا يننوۆاسيالىق تەحنولوگيانى بەينەلەيتىن مونۋمەنتالدى ٴمۇسىننىڭ ۇزدىك ەسكيزدەرىن انىقتاۋ. شارانىڭ باستاماشىسى ٴارى باس دەمەۋشىسى – قازاقستاندىق فارماسەۆتيكالىق santo كومپانياسى.

سايىسقا قاتىسۋعا 56 كاسىبي ٴمۇسىنشى ٴوتىنىم بىلدىرگەن. جۇلدەلى ورىن ٴۇشىن الماتى مەن استانانىڭ عانا ەمەس، اتىراۋ، وسكەمەن، شىمكەنت قالالارىنىڭ سۋرەتشىلەرى دە باق سىنايدى. ٴمۇسىن سايىسىنا قاتىسۋعا سەگىز ٴمۇسىنشى ايەل نيەت بىلدىرگەن، ولار بارلىق قاتىسۋشىلاردىڭ 15% قۇرايدى ەكەن.

ۇيىمداستىرۋشىلار باق وكىلدەرى مەن بلوگەرلەردى سايىسقا قاتىسىپ جاتقان مۇسىنشىلەردىڭ شەبەرحاناسىنا اپارىپ، ولاردىڭ جۇمىسىمەن تانىستىرىپ وتىرادى. وسى جولى ٴمۇسىنشى گۋلفيا مەلدەشتتىڭ شەبەرحاناسىندا بولىپ، ونىڭ شەبەرلىگىنە ٴتانتى بولىپ قايتتىق.

اعاش ويۋ، ٴمارمار جانە گرانيتتى وڭدەۋ، قولا قۇيۋ – ايەل ادام ٴۇشىن وتە اۋىر جۇمىستار. دەگەنىمەن ٴمۇسىنشى گۋلفيا مەلدەش، قىزدار ەش نارسەدەن قورىقپاي، ٴوزىن كورسەتە الاتىن قىزمەت سالاسىن تاڭداي بىلگەنى دۇرىس دەگەن ويدا.

«ٴبىز ٴوز قابىلەتتەرىمىزگە سەنۋىمىز كەرەكپىز. سوندا عانا باسقالار بىزگە سەنەدى! مۇسىنمەن اينالىساتىن ايەل ادامداردىڭ سانى ەر ادامداردان از بولعانىمەن، ولار ٴدال سولار سەكىلدى وزدەرىنە ۇنايتىن كاسىپپەن اينالىسادى جانە بۇل ولاردىڭ قولدارىنان كەلۋدە»،-دەيدى ٴمۇسىنشى.

كەزدەسۋ بارىسىندا گۋلفيا ٴوزىنىڭ شەبەرلىگىمەن ٴبولىسىپ، شاموت پەن قالاي جۇمىس جاساۋ كەرەگىن جانە قولانى تەگىستەپ، اجارلاۋ ٴادىسىن كورسەتتى.

گۋلفيا مەلدەش – قازاقترانسپورت جانە بايلانىس اكادەمياسىنىڭ قاسىنداعى مۇحامەدجان تىنىشپايەۆ ٴمۇسىنىنىڭ، شۋ ستانسياسىنداعى تۇرار رىسقۇلوۆ ٴمۇسىنىنىڭ، رەجيسسەر ٴاسانالى ٴاشىموۆ ٴمۇسىنىنىڭ اۆتورى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي