BAQ.kz - Қазақстан жаңалықтары USD 325.79 BAQ.kz - Қазақстан жаңалықтары EUR 402.94 BAQ.kz - Қазақстан жаңалықтары RUB 5.33
استانا:

مۇستافا شوقاي تۋرالى جاڭا دەرەكتى فيلم جارىققا شىقتى

فوتو: qasym.kz

مەملەكەت جانە قوعام قايراتكەرى مۇستافا شوقاي جايىندا تۇسىرىلگەن «ارداعى ەدى تۇركىنىڭ» اتتى دەرەكتى فيلم كورەرمەن نازارىنا ۇسىنىلدى، دەپ حابارلايدى baq.kz اقپارات اگەنتتىگى kyzylordatv.kz سايتىنا سىلتەمە جاساپ.

قىزىلوردا وبلىسى جالاعاش اۋدانىندا مەملەكەتتىك جانە قوعام قايراتكەرى مۇستافا شوقاي تۋرالى «ارداعى ەدى تۇركىنىڭ» اتتى دەرەكتى فيلم كورسەتىلدى. دەرەكتى فيلم اۆتورى – دۇنيەجۇزىلىك «التىن ساپران» كينوفەستيۆالىنىڭ جۇلدەگەرى دوقتىرحان تۇرلىبەك.

باعدارلامانىڭ «بولاشاققا كوزقاراس: قوعامدىق سانانى مودەرنيزاسيالاۋ» اتتى ماقالاسىندا مەملەكەت باسشىسى ايماقتىڭ تاريحىن زەردەلەۋ، بەلگىلى تۇلعالار تۋرالى اڭگىمەلەپ، جاس ۇرپاققا ۇلگى بولۋعا تاپسىرما بەردى. وسى ماقساتتا «الاش» حالىقارالىق ادەبي سىيلىعىنىڭ لاۋرەاتى، «التىن سافران» حالىقارالىق كينوفەستيۆالىنىڭ جۇلدەگەرى دوقتىرحان تۇرلىبەكوۆ اۋديتورياعا مۇستافا شوقايدىڭ ٴومىرى جايلى دەرەكتى فيلم ۇسىندى. كينولەنتانى ازىرلەۋگە 20 جىل ۋاقىت كەتكەن.

فيلم بارىسىندا ونىڭ ٴومىر جولى تولىقتاي باياندالىپ، قىزمەت جولىنداعى قيىندىقتارى بەينەلەنگەن. تۋىندىدا ەل كوپ بىلە بەرمەيتىن دەرەكتەر قامتىلعان.

«وسىنىڭ ناتيجەسىندە ساياسي قايراتكەردىڭ ٴبىتىم-بولمىسىن جان-جاقتى اشا الدىق دەگەن ويدامىن. مۇستافا شوقاي كەشەگى سوعىس جىلدارىندا 140 مىڭنان استام تۇركى تەكتەس حالىق وكىلدەرىن نەمىس تۇتقىنىنان بوساتۋعا كومەك بەرگەنىن تاريحتان جاقسى بىلەمىز»، - دەيدى رەجيسسەر د.تۇرلىبەك.

دەرەكتى ٴفيلمدى ورىس، اعىلشىن، يسپان جانە تۇركى تىلدەرىنە اۋدارۋ جوسپارلانعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي