BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

موڭعوليانىڭ قازاقستانداعى مادەنيەت ەلشىسى ماراپاتتالدى

ۇلانباتىر قالاسىندا موڭعوليا مادەنيەت ەلشىلەرىنىڭ العاشقى فورۋمى ٴوتىپ جاتىر، دەپ حابارلايدى baq.kz اقپارات اگەنتتىگى.

جيىنعا اقش، ۇلى بريتانيا، گەرمانيا، قحر، جاپونيا، يندونەزيا قاتارلى ەلدەردەن كەلگەن موڭعوليا سىرتقى ىستەر مينيسترلىگىنىڭ بۇيرىعىمەن تاعايىندالعان اتالعان ەلدىڭ شەتەلمەن مادەني ٴىس-شارالارىن ۇيلەستىرۋشى زيالى وكىلدەر قاتىسۋدا.

القالى جيىندا موڭعوليانىڭ قازاقستانداعى مادەنيەت ەلشىسى، عالىم ا.تويشان ۇلى سوڭعى جىلدارى حالىقارالىق تۇركى اكادەمياسى مەن موڭعوليا اراسىنداعى عىلىمي-مادەني بايلانىستاردىڭ قارقىندى دامىعانى تۋرالى بايان ەتتى.

جيىنعا قاتىسۋشىلار سوڭعى ٴۇش جىلدا تۇراقتى جۇرگىزىلگەن حالىقارالىق تۇركى اكادەمياسىنىڭ ارحەولوگيالىق قازبالارى مەن عىلىمي زەرتتەۋلەرىنە جوعارى باعا بەرىپ، بۇل بايلانىستاردىڭ جالعاسىن تابۋىنا مۇددەلى ەكەنىنە ىقىلاس تانىتتى.

موڭعوليا سىرتقى ىستەر ٴمينيسترى ب.باتسەسەگ جيىنعا قاتىسۋشىلارعا تولاعاي تابىس تىلەپ، عالىم اقەدىل تويشان ۇلىن موڭعوليا سىرتقى ىستەر ٴمينيسترىنىڭ ارنايى سەرتيفيكاتىمەن ماراپاتتادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي