BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

قر مەملەكەتتىك حاتشىسى تارازداعى ٴسان اپتالىعىنىڭ اشىلۋىنا قاتىستى

فوتو: ашық дереккөзден

تارازدا حالىقارالىق ٴسان اپتالىعى باستالدى. بۇگىن تارازدا «aspara fasion week» حالىقارالىق ٴسان اپتالىعىنىڭ سالتاناتتى اشىلۋ شاراسى ٴوتتى، دەپ حابارلايدى baq.kz ٴتىلشىسى.

«بۇگىنگى ٴسان اپتالىعى قازاقستانداعى وزبەكستان جىلى اياسىندا ۇيىمداستىرىلىپ وتىر. ايتكەنمەن، «aspara fasion week» شاراسى تەك وسى ەكى ەلدىڭ عانا ەمەس، الىس-جاقىن شەت مەملەكەتتەردىڭ ٴسان سالاسىنداعى ماماندارىنىڭ قارىم-قاتىناسىن نىعايتا تۇسپەك. بۇل ٴسان اپتالىعى مادەني قۇندىلىقتى دامىتۋعا، ٴۇلتتىق كيىم ۇلگىلەرىن ناسيحاتتاۋعا، سونداي-اق، قازاقستاندىق ديزاينەرلەردىڭ تۋىندىلارىن سۇيەمەلدەۋگە ىقپال ەتەدى. قازاقتا «ونەردى سىيلاعان – ورگە شىعادى» دەگەن دانا ٴسوز بار. بۇگىنگى شارا مادەنيەت پەن ونەردى دامىتۋداعى ەلەۋلى ٴبىر بەلەس بولادى دەپ سەنەمىن»، - دەدى قر مەملەكەتتىك حاتشىسى گۇلشارا ٴابدىحالىقوۆا.

سالتاناتتى شاراعا قاتىسقان وزبەكستان رەسپۋبليكاسىنىڭ ايەلدەر كوميتەتى ٴتورايىمىنىڭ ورىنباسارى مۋكارام نۋرماتوۆا شارانىڭ ماڭىزىنا توقتالىپ، بۇل ەكى ەلدىڭ ٴسان سالاسىنداعى قارىم-قاتىناسىن دامىتۋعا ىقپال ەتەتىنىن اتاپ ٴوتتى.

اشىلۋ سالتاناتىندا حالىقارالىق دەڭگەيدە تانىمال تارازدىق ديزاينەر ايدارحان قاليەۆتىڭ كوللەكسياسىن تانىستىرىلدى.

ٴسان اپتالىعىنا ەۋروپا مەن ازيادان كەلگەن 30 جۋىق ٴسان ساراپشىسى مەن 18 ەلدىڭ 33 ديزاينەرى قاتىسىپ وتىر. شارا 8-11 قازان ارالىعىندا ٴوتىپ،، ٴدال وسى كۇندەرى كورەرمەندەر گەرمانيا، پولشا، قىتاي، تايلاند، ۇلىبريتانيا، نيدەرلانى، موڭعوليا، تۇركيا، ٴۇندىستان، وزبەكستان، رەسەي ديزاينەرلەرىنىڭ تۋىندىلارىن تاماشالاي الادى.

ايتا كەتۋ كەرەك، «aspara fasion week» شاراسىنىڭ ەكىنشى ماۋسىمى. ٴبىرىنشى ماۋسىمى 2018 جىلدىڭ مامىر ايىندا شىمكەنت قالاسىندا وتكەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي