BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

ٴححى حالىقارالىق «شابىت» فەستيۆالى وتەدى

استانادا جىل سايىنعى «شابىت» حالىقارالىق شىعارماشىل جاستار فەستيۆالىنە قاتىسۋعا وتىنىمدەر قابىلداۋ باستالدى، دەپ حابارلايدى baq.kz اقپارات اگەنتتىگى استانا قالالىق اكىمدىگىنىڭ رەسمي سايتىنا سىلتەمە جاساپ.

بيىلعى بايقاۋدا 16 مەن 35 جاس اراسىنداعى دارىندى جاساتار بەس نوميناسيا بويىنشا باسەكەگە تۇسپەك. اتاپ ايتقاندا، «كلاسسيكالىق مۋزىكا»، «حالىق مۋزىكاسى»، «ەسترادالىق ۆوكال»، «حورەوگرافيا» جانە «جۋرناليستيكا». بايقاۋ 5-9 قاراشا ارالىعىندا بەيبىتشىلىك جانە كەلىسىم سارايىندا وتەدى.

ۇيىمداستىرۋ كوميتەتىنىڭ شەشىمىمەن «كلاسسيكالىق مۋزىكا» نوميناسياسىندا كەلەسىدەي ىشكى نوميناسيالار بولادى: «اعاش ۇرمەلى اسپاپتار»، «مىس ۇرمەلى اسپاپتار»، «سوقپالى اسپاپتار»، «كامەرالىق انسامبل»; «حالىق مۋزىكاسى» نوميناسياسىندا «قوبىز»، «پريما قوبىز»، «شەرتەر»، «باس شەرتەر»، «پريما دومبىرا»; «حورەوگوافيا» نوميناسياسىندا تەك حالىق ٴبيىن ورىنداۋشىلار عانا ونەر كورسەتەدى.

ال «جۋرناليستيكا» نوميناسياسىندا ەكى باعىت قوسىلدى – «تەلەۆيدەنيە» جانە «ينتەرنەت رەسۋرستار».

ايتا كەتەيىك، «جۋرناليستيكا» «شابىت» فەستيۆالىنىڭ باعدارلاماسىندا سوڭعى رەت 6 جىل بۇرىن بولعان. بيىل استانانىڭ 20 جىلدىعىن مەرەكەلەۋگە وراي اتالعان نوميناسيا قايتا ەنگىزىلدى. بايقاۋعا مەرەيتويلىق داتاعا جانە ەلورداعا ارنالعان تەلەۆيزيالىق باعدارلامالار، دەرەكتى فيلمدەر (حرونومەتراجى 20 مينۋتتان اسپايدى) جانە ينتەرنەت رەسۋرستارداعى جاريالانىمدار قاتىسادى.

ٴار نوميناسيا بويىنشا تولىق ەرەجە ٴححى «شابىت» حالىقارالىق شىعارماشىل جاستار فەستيۆالىنىڭ www.shabyt.astana.kz سايتىندا جانە استانا قالاسى مادەنيەت جانە سپورت باسقارماسىنىڭ www.madeniet-sport-astana.kz سايتىندا جاريالانعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي