BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

گولوۆكيننىڭ چەمپيوندىق بەلبەۋلەرى ەلباسى كىتاپحاناسىنا قويىلدى

فوتو: Ақорда

كاسىپقوي بوكسشى گەنناديي گولوۆكيننىڭ ەلباسى ن.نازاربايەۆقا تارتۋ ەتكەن چەمپيوندىق بەلبەۋلەرى بۇگىندە «قازاقستانداعى وليمپيادا قوزعالىسى» اتتى ەلباسى كىتاپحاناسىنىڭ تۇراقتى ەكسپوزيسياسىندا جۇرتشىلىق نازارىنا ۇسىنىلدى، دەپ حابارلايدى baq.kz اقپارات اگەنتتىگى.

2018 جىلدىڭ مامىرىندا تۇساۋى كەسىلگەن اتالمىش ەكسپوزيسيادا وليمپيادا قوزعالىسىنىڭ جەتەكشىلەرىمەن، وتاندىق جانە شەتەلدىك سپورتشىلارمەن كەزدەسۋ بارىسىندا مەملەكەت باسشىسىنا تابىستالعان كادەسىيلار، ماراپاتتار، سپورت قۇرالدارى ساقتالعان.

بۇل جەردە ەلباسىنىڭ سپورت سالاسىنداعى مەملەكەت ساياساتىن ەل ىشىندە عانا ەمەس، شەكارادان تىس ىلگەرىلەتكەنى ٴۇشىن العان ماراپاتتارى دا ورنالاسقان. ولاردىڭ قاتارىندا سپورت ۇيىمدارى مەن قوعامدارى، قاۋىمداستىقتارى مەن فەدەراسيالارى تارتۋ ەتكەن ماراپاتتارى، سونداي-اق قر ۇوك قۇرمەت بەلگىسى (2000)، «سپەشيال وليمپيكس قازاقستان قوزعالىسىن قولداعانى ٴۇشىن» ەستەلىك مەدالى مەن بەلگىسى (2002)، ازيا وليمپيادا كەڭەسىنىڭ وردەنى (2007)، fila حالىقارالىق كۇرەس قاۋىمداستىعىنىڭ التىن وردەنى (2003) سىندى وزگە دە وليمپيادا جانە پاراليمپيادا ويىندارىمەن بايلانىستى ماراپاتتار بار. ولاردىڭ ەڭ العاشقىسى، ٴارى ەڭ ەرەكشەسى – حوك پرەزيدەنتى حۋان انتونيو سامارانچتىڭ مەملەكەت باسشىسىنا تابىستاعان «ەڭبەگى ٴۇشىن» اتتى التىن وليمپيادا وردەنى (1997).

ايتا كەتەيىك، ن.نازاربايەۆتىڭ قولداۋىمەن وتاندىق بوكسشىلاردىڭ جەتىستىكتەرى الەمگە كەڭ ەتەك جايدى. سول سەبەپتى دە، كاسىپقوي بوكستىڭ حالىقارالىق قاۋىمداستىعى (اibا) وليمپيادا بوكسىن دامىتۋعا قوسقان ۇلەسى ٴۇشىن ەلباسىعا اibا التىن وردەنىن (2000)، اibا كۇمىس وردەنىن (2000)، «ەڭبەگى ٴۇشىن» التىن وردەنىن (2002) تارتۋ ەتتى.

وسى رەتتە، «قازاقستانداعى وليمپيادا قوزعالىسى» كورمەسى ەكسپوزيسياسىنىڭ تورىنەن گ. گولوۆكيننىڭ wba – دۇنيەجۇزىلىك بوكس قاۋىمداستىعى (2010)، ibo – حالىقارالىق بوكس ۇيىمى (2011)، wbc – دۇنيەجۇزىلىك بوكس كەڭەسى (2016)، ibf – حالىقارالىق بوكس فەدەراسياسى (2015-2018) بويىنشا چەمپيوندىق ٴتورت بەلبەۋى ەرەكشە ورىن الدى.

ەستەرىڭىزگە سالا كەتەيىك، گەنناديي گولوۆكين – قازاقستان رەسپۋبليكاسىنىڭ ەڭبەك سىڭىرگەن سپورت شەبەرى، كوپتەگەن حالىقارالىق تۋرنيرلەردىڭ جەڭىمپازى. اتاپ ايتقاندا، وتانداسىمىز قازاقستاننىڭ جەتى دۇركىن چەمپيونى، جاستار اراسىنداعى الەم چەمپيونى (2000)، قر ٴى سپارتاكياداسىنىڭ چەمپيونى (2001)، مۇناي ەلدەرى اراسىنداعى الەم كۋبوگىنىڭ جەڭىمپازى (2001)، ٴىىى شىعىس ازيا ويىندارىنىڭ چەمپيونى (2001)، كاسىپقويلار اراسىنداعى الەم چەمپيونى (2003)، وليمپيادا ويىندارىنىڭ ۆيسە-چەمپيونى (2004)، wbc، wba (super)، ibo چەمپيونى، «the ring» جۋرنالىنىڭ نۇسقاسى بويىنشا كەز كەلگەن سالماق كاتەگورياسىنداعى ۇزدىك بوكسشى (2017)، wba، wbc، «boxingnews24.com» بەلگىلى باسىلىمىنىڭ نۇسقاسى بويىنشا 2017 جىلعى ۇزدىك بوكسشى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي