USD 336.23 EUR 360.3 RUB 5.28
استانا:

ەركەش شاكەەۆ قايتىس بولعان ۇلىنا ارناعان ٴفيلمىن اياقتادى

فوتو: Tengrinews.kz

تانىمال كومپوزيتور ەركەش شاكەەۆ قايتىس بولعان ۇلى سافارعا ارنالعان «اسپاندا جولىعارمىز..» اتتى ٴفيلمىن اياقتادى.

«بۇنى (ٴفيلمدى - رەد.) سافاردىڭ دوستارىمەن، ٴوز وتباسىممەن، جاقىندارىن جاقسى كورەتىن بارشا جاندارمەن جانە ومىردەن وتكەندەردى ەسكە الاتىن ادامدارمەن بولىسەمىن. ومىردە ەشقاشان جانى جايساڭ جاندار جايلى، سونىڭ ىشىندە تۇلا بويى تۇڭعىشىم، سۇيىكتى ۇلىم جايلى ايتۋدان، ويلاۋدان جالىقپايمىن...»، - دەپ جازدى ەركەش شاكەەۆ ٴوزىنىڭ facebook-تەگى پاراقشاسىندا.

سونداي-اق، اۆتور پوستىندا گەنناديي گولوۆكين مەن كەلل برۋكتىڭ كەزدەسۋىنە بارعانىن ايتادى. وعان شاقىرتۋدى بەرگەن جانە بارۋعا كوندىرگەن ەدۋارد كيمگە العىسىن بىلدىرە كەلە اۆتور گەنا، سەرىك ەلەۋوۆ جانە باحتيار ارتايەۆتار ۇلىمەن زور ىقىلاسپەن تانىسقان ٴساتى تۇسىرىلگەن ۆيدەونى تاۋىپ العانىن، ونى فيلمگە قوسقانىن جازعان. ٴسوز اراسىندا گولوۆكينگە شەكسىز العىسىن جەتكىزەدى.

كومپوزيتور الماتىدا قىركۇيەكتىڭ باسىندا وتكەن سافاردى ەسكە الۋعا ارنالعان كەشتى ۇيىمداستىرۋشىلارعا دا العىسىن ٴبىلدىردى.

«...ٴبىز ۇلىمىزدى سوڭعى ساپارعا شىعارىپ سالىپ جاتقان كۇنى ماعان باۋىرجان شۇكەنوۆ كەلىپ، سافاردىڭ تۋعان كۇنىن ارمان كينوتەاترىندا وتكىزۋدى ۇسىندى. ۇسىنىستى كينوتەاتر اكسيونەرى ٴارى مەنىڭ دوسىم ەرپان ساليموۆ تا قولدادى. كەشتى ەرىكتىلەر مەن ونىڭ جاقىن دوستارىنا ارناپ وتكىزۋدى ٴجون دەپ شەشتىك. ول جايلى فەيسبۋكتە حابارلادىق.

كەشتە وعان باستى سەبەپكەر ادام جايلى ٴسوز ايتىلاتىنى ايتپاسا دا تۇسىنىكتى. سافاردىڭ دوستارى: دان كامچاتسكيي، دميتريي لەيحمانن، رۇستەم تورەعاليەۆ، نارعىز شۇكەنوۆا، كيريلل، دياستار بۇل ىستە جانە ۇلىم تۋرالى فيلم تۇسىرۋدە كوپ كۇشىن جانە ۋاقىتىن سارپ ەتتى. دوسىم ەدۋارد كيم تەحنيكا مەن پروديۋسسەرلىك توپتى ۇيىمداستىردى. ولار كوپتەگەن تۇرعىنداردىڭ ٴوتىنىشى بويىنشا ينتەرنەتتە ونلاين-ترانسلياسيا جاسادى.

وتباسىمىزدىڭ دوستارى جانەل بەكشەنوۆا، وكسانا بايمەنوۆا، شولپان كەرەمەت، قايرات ماجيبايەۆتار شاقىرىلعان جاستارعا داستارحان جايدى. ۆيكتور حومەنكوۆ ٴوز توبىمەن كەلىپ، دجاز مۋزىكاسىن شەبەر ورىنداپ، اۋەزدى اتموسفەرا قالىپتاستىردى.

ودان بولەك ەسترادا جۇلدىزدارى جۇلدىز، كەنتال، سيتورا جانە پارۆيز نازاروۆتار، تولقىن زابيروۆا، ەريك تاستامبەكوۆتەر كەلدى.

دوسىمىز دانا ورمانبايەۆا اپپاراتۋرا مەن تەحنيكالىق قىزمەتكەرلەردى الىپ كەلدى.

امەريكادان جۇرەك قالاۋىمەن 5 دوسى مەن مەكتەپتە ساباق بەرگەن 3 ۇستازى ۇشىپ كەلدى. مەنىڭ وتباسىمنىڭ وتىنىشىمەن ۆيكتوريا مومىنبايەۆا مەن بولات امانسۇگىروۆ ارۋجان سايننىڭ جاقىندارى ٴۇشىن قايىرىمدىلىق اكسياسىن وتكىزدى.

سافاردىڭ دوستارى قوناقتاردى كۇتىپ الىپ جاتتتى.

باۋىرلارىم مەن قارىنداستارىم، وسىلايشا ماحاببات پەن قايىرىمدىلىققا نەگىزدەلگەن قاراپايىم رۋحاني شارانى وتكىزدىك.

شىن جۇرەكتەن سىن ساعاتتا قولداۋ بىلدىرگەندەرىڭىز ٴۇشىن العىس ايتامىن. مەن بارىلەرىڭىزدى جاقسى كورەمىن جانە بارلىقتارىڭىزدىڭ بەرەكەلى كۇن كەشۋلەرىڭىز ٴۇشىن دۇعا ەتەمىن»، - دەپ جازدى ەركەش شاكەەۆ.

ەسكە سالا كەتەيىك، 16 شىلدە كۇنى پوليسياعا سافار شاكەەۆتىڭ جوعالىپ كەتكەنى تۋرالى حابارلاندى. ونى 110 پوليسەي، 60 ەرىكتى جانە بىرنەشە سۇڭگۋىر ىزدەگەن ەدى. ىزدەۋ جۇمىستارىنا تىكۇشاق تا جۇمىلدىرىلعان بولاتىن.

الايدا، سافار شاكەەۆتىڭ دەنەسى 28 شىلدە كۇنى ەسەنتاي وزەنىنەن تابىلدى.

قازاقپارات

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي