BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

بۋراباي اسپانىنىڭ استىندا «ٴبىرجان – سارا» وپەراسى قويىلماق

فوتو: Copyright © Astana Opera

14 شىلدە كۇنى بۋراباي اسپانىنىڭ استىندا قازاق وپەرا ونەرىنىڭ ٴىنجۋ-مارجانى – م.تولەبايەۆتىڭ «ٴبىرجان – سارا» قويىلىمى كورەرمەن نازارىنا ۇسىنىلماق، دەپ حابارلايدى baq.kz اقپارات اگەنتتىگى.

جاۋھار تۋىندىنىڭ جاڭا مۋزىكالىق-ساحنالىق رەداكسياداعى تۇساۋكەسەرى وسى جىلدىڭ كوكتەمىندە «استانا وپەرا» ساحناسىندا ورىن الىپ، وراسان زور جەتىستىككە يە بولعان ەدى. جوبا قر مادەنيەت جانە سپورت مينيسترلىگىنىڭ قولداۋىمەن ەلوردانىڭ 20 جىلدىق مەرەيتويى اياسىندا جۇزەگە اسۋدا.

«ٴبىرجان – سارا» قازاق وپەرا ونەرىنىڭ ٴتولتۋما جاۋھارى بولىپ تابىلادى. قويىلىمعا بارىنشا ناقتىلىق بەرىپ، قازاق جەرىنىڭ باي تابيعاتىن كورسەتۋ ٴۇشىن سپەكتاكلدى سۇلۋ ولكە – بۋرابايدا قويۋعا شەشىم قابىلداندى.

قويىلىم توبىنىڭ بۇگىنگى تاڭداعى بىرەگەي شەشىمدەرى مەن سپەكتاكلدىڭ سسەنوگرافيالىق ايشىقتارىن قوسا العانداعى بارشا دراماتۋرگيا تولىقتاي ساقتالادى. دەگەنمەن، تەاتردىڭ قىر-سىرى جاعدايعا بايلانىستى بولماق، قويىلىمداردى اشىق اسپان استىندا وتكىزۋ تاجىريبەسى جاڭا مۇمكىندىكتەرگە جول اشپاق: پارتيتۋرادا جازىلعانداي، ٴبىرجان ٴوز ارياسىن الىستان شىرقايدى، ورماننىڭ اكۋستيكاسى انگە ەرەكشە ايقىن رەڭك بەرەدى، ٴتىپتى تابيعاتتىڭ ٴوزى دەكوراسيانىڭ ٴبىر بولىگى ىسپەتتەس. بۇل كورەرمەندەرىمىزدىڭ تەاتر ساحناسىندا بۇرقىراپ اعىپ، بارشانى تامساندىرعان سارقىرامانى نە بولماسا كوزدىڭ جاۋىن الار جارمەڭكەنى كورە المايدى دەگەن ٴسوز ەمەس، ٴبارى دە بولادى! ٴبىراق، ەڭ باستىسى – كەرەمەت مۋزىكا، سوليستەردىڭ تاماشا داۋىستارى مەن وركەستردىڭ ۇيلەسىمدى دىبىستالۋى تىڭدارمانعا ۇمىتىلماس ەرەكشە اسەر سىيلاماق.

سپەكتاكلدىڭ تۇجىرىمداماسى بارلىق كەيىپكەرلەر بەينەلەرىنىڭ ٴبىرجاقتى باياندالۋىنىڭ جوقتىعىمەن سيپاتتالادى. كورەرمەن قاۋىمعا ٴبىرجان مەن سارانىڭ بۇل دۇنيەدە ورىن الۋى جازباعان ماحاببات وقيعاسى ۇسىنىلادى. ٴداستۇر بويىنشا، وپەرا باستى قاھارماننىڭ قازاسىمەن اياقتالادى، الايدا قويۋشىلار ٴۇمىت وتىن سوندىرمەيدى، ياعني قۇرباندىققا شالىنعان ماحابباتتىڭ بەكەر بولماعانىن كورەرمەننىڭ تۇسىنگەنىن قالايدى. ٴبىرجان مەن سارانىڭ وقيعاسى مىڭداعان ۇرپاقتىڭ بىرىگۋىنە مۇمكىندىك بەرىپ، حالىقتىڭ جادىندا ماحابباتتىڭ ۇلى قۇدىرەتى جايلى ەستەلىك بولىپ ماڭگىلىككە قالماق.

سپەكتاكلدىڭ باستالۋى ساعات 21.30-دا، «بۋراباي» دەمالىس ايماعى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي