BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

باقتيار ادامجان يتالياندىق كورەرمەننىڭ كوڭىلىن باۋراپ الدى

فوتو: astana.gov.kz

كوپتەگەن ايتۋلى حالىقارالىق بايقاۋلاردىڭ گران-پري يەگەرى، «استانا وپەرا» تەاترىنىڭ جەتەكشى ٴسوليسى باقتيار ادامجان العاش رەت حح عاسىرداعى كورنەكتى حورەوگراف رولان پەتيدىڭ قويىلىمىنداعى «بوزبالا مەن اجال» بالەتىندە باستى بوزبالانىڭ ٴرولىن سومدادى، دەپ حابارلايدى baq.kz اقپارات اگەنتتىگى استانا اكىمدىگىنىڭ ٴباسپاسوز قىزمەتىنە سىلتەمە جاساپ.

قويىلىم اتى اڭىزعا اينالعان ٴبيشى ٴارى حورەوگراف رۋدولف نۋرەەۆكە ارنالعان tributo a rudolf nureyev حالىقارالىق گالا-بالەتى اياسىندا 28 شىلدە كۇنى ٴبىزدىڭ داۋىرىمىزگە دەيىنگى ٴى عاسىردان بەرى ساقتالىپ كەلە جاتقان كونە ريمدىك امفيتەاتر، سپولەتو (يتاليا) ريم تەاترىنىڭ اشىق ساحناسىندا وتكەن بولاتىن. كورەرمەندەرگە الەمدىك بالەت جۇلدىزدارىنىڭ ورىنداۋىنداعى ر. نۋرەەۆتىڭ رەپەرتۋارىنان ٴبىرقاتار ٴنومىر ۇسىنىلدى.

رولان پەتيدىڭ «بوزبالا مەن اجال» ٴبىر ٴبولىمدى اتاقتى بالەتى 1946 جىلى يوگانن سەباستيان باحتىڭ پاسساكاليا مۋزىكاسىنا قويىلدى. جان كوكتونىڭ ولەڭدى ليبرەتتوسى وعان نەگىز بولسا كەرەك. گالا-بالەتكە ارناپ قويىلىمدى جۇزەگە اسىرعان ر. پەتيدىڭ اسسيستەنتى – بالەتمەيستەر لۋيدجي بونينو. ٴبىر كەزدەرى ونىڭ ٴوزى دە بوزبالانىڭ پارتياسىن ورىنداعان ەدى. ايگىلى ميلاندىق لا سكالا تەاترىنىڭ پريما-بالەريناسى نيكولەتتا مانني باقتيار ادامجاننىڭ ساحناداعى سەرىگى اتاندى.

باقتيار ادامجان، سونداي-اق، وسى كەشتە ۆەنگريا مەملەكەتتىك وپەراسىنىڭ پريماسى تاتيانا مەلنيكپەن ل. مينكۋستىڭ «دون كيحوت» بالەتىنەن پا-دە-دەنى ورىندادى. يتالياندىق كورەرمەن ب.ادامجان ساحناعا شىققان سايىن ونى تولاسسىز قوشەمەتپەن قارسى الىپ، زور سۇيىنىشپەن قابىلدادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي