BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

استانانىڭ مادەني-تاريحي ەسكەرتكىشتەرى اقپاراتتىق تەحنولوگيالار تىلىندە سويلەيدى

استانانىڭ 45 ەسكەرتكىشىندە جانە تاريحي-مادەني نىسانىندا التى تىلدە اقپارات جيناقتاعان qr-كودى بار تاقتايشالار ورناتىلدى، دەپ حابارلايدى baq.kz اقپارات اگەنتتىگى استانا قالاسى اكىمدىگىنىڭ رەسمي سايتىنا سىلتەمە جاساپ.

قىسقاشا، تانىمدىق، قولجەتىمدى تۇردە. ەندى قالا تۇرعىندارى مەن قوناقتارى اسا ٴبىر قينالماستان ەسكەرتكىش نەمەسە تاريحي عيمارات تۋرالى اقپاراتتى بىلە الادى. وسى جازدا استانانىڭ 45 ەسكەرتكىشىندە جانە تاريحي-مادەني وبەكتىسىندە التى تىلدە اقپارات جيناقتاعان qr-كودى بار تاقتايشالار ورناتىلدى. كوز الدىڭىزدا تۇرعان عيمارات نەمەسە ەسكەرتكىش جايلى اقپارات بىلگىڭىز كەلسە شتريح كودكا تەلەفونىڭىزدى تاقاساڭىز بولعانى. باستىسى، ٴسىزدىڭ ۇيالى قۇرىلعىڭىزدا qr-كود وقيتىن سكانەر نەمەسە ارنايى ٴموبيلدى باعدارلاما جۇكتەلگەن بولۋى كەرەك.

«qr-كود ورناتۋ استانا قالاسى اكىمدىگىنىڭ تاپسىرىسى بويىنشا جاسالدى. ٴبىز تەك ەسكەرتكىشتىڭ نەمەسە عيماراتتىڭ قانداي قۇندىلىعى بارى تۋرالى، عيمارات اۆتورى جانە باسقا دا قىزىقتى ەرەكشەلىكتەرى تۋرالى قىسقاشا اقپارات بەردىك»، - دەيدى استانا قالاسى اكىمدىگىنىڭ تاريحي مادەني مۇرا وبەكتىلەرىن جانە ەسكەرتكىشتەردى ساقتاۋدى قامتاماسىز ەتۋ جونىندەگى ديرەكسياسىنىڭ ديرەكتورى مەيرامباي ورالوۆ.

تەگتەلگەن عيماراتتار مەن قۇرىلىستار اراسىندا – كەڭەس وداعىنىڭ باتىرلارىنا ارنالعان ەسكەرتكىش، ۇلى جازۋشىلارعا جانە تاريحي تۇلعالارعا، كوپەستىك ۇيلەر، تەاترلار، مونۋمەنتتەر، جاستار تەاترى جانە باسقالار بار. مىسالى، ۇيالى تەلەفون ارقىلى «استانا» كونسەرت زالى عيماراتىنداعى qr-كودتى وقىساڭىز وندا ول عيماراتتىڭ قاي جىلى سالىنعانىن، باس ساۋلەتشىسى كىم ەكەندىگىن، ەڭ قىزىقتى وقيعالار، عيمارات تۋرالى اقپارات الاسىز.

يۆان پانفيلوۆ ەسكەرتكىشىندەگى qr-كودتى وقىتساڭىز باتىردىڭ ۇلى وتان سوعىسىنداعى ەرلىكتەردى تۋرالى باياندايدى. بۇنداي qr-كودى بار تاقتايشالار استانانىڭ 45 ەسكەرتكىشى مەن تاريحي-مادەني نىسانىنا ورناتىلعان. جۇمىس جالعاسا بەرەتىن بولادى.

«بۇل باعىتتاعى جۇمىستار ارى قاراي دا جالعاسا بەرەدى، سەبەبى قالامىزدا جىل سايىن مادەني-تاريحي زور مانگە يە ورىندار، مونۋمەنتتەر، ەسكەرتكىشتەر پايدا بولۋدا»، - دەيدى م. ورالوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي