BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

استانادا كاۆكاز مادەني كۇندەرى وتەدى

فوتو: astana.gov.kz

19 قازاندا «حان شاتىر» ويىن-ساۋىق ساۋدا ورتالىعىندا ەتنوس كۇنى اياسىندا جانە استانا قالاسى قازاقستان حالقى اسسامبلەياسى حاتشىلىعىنىڭ قولداۋىمەن، «كاۆكاز مادەنيەتى كۇنى» ٴىس-شاراسى وتكىزىلەدى، دەپ حابارلايدى baq.kz اقپارات اگەنتتىگى استانا اكىمدىگىنىڭ رەسمي سايتىنا سىلتەمە جاساپ.

ٴىس-شارانىڭ ماقساتى – كاۆكاز مادەنيەتى مەن ٴتىلىن، سونداي-اق حالىقتىق سالت-داستۇرلەردى، ادەت-عۇرىپتاردى ساقتاۋعا جانە دامىتۋعا، ۇلتتىق زياتكەرلىكتى، رۋحاني-ادامگەرشىلىك قۇندىلىقتى قالىپتاستىرۋعا باعىتتالعان. ەتنوس كۇنى ٴىس-شاراسىنا استانا قالاسىنىڭ ەتنومادەني بىرلەستىكتەرى قاتىسادى. ولار: «ۆايناح» شەشەن-ينگۋش ەمو» قوعامدىق بىرلەستىگى، «ۆان» ارميان مادەني ورتالىعى، «حازار» ٴازىربايجان قوعامدىق بىرلەستىگى جانە «كولحەتي» گرۋزين قوعامدىق-مادەني ورتالىعى» قوعامدىق بىرلەستىگى.

فەستيۆال باعدارلاماسى بويىنشا ەتنومادەني بىرلەستىكتەردىڭ ۆوكالدىق جانە بي انسامبلدەرى ونەر كورسەتىپ ٴتۇرلى سارىنمەن اندەر شىرقالادى. «كاۆكاز مادەنيەتى كۇنى» ٴىس-شاراسىن قورىتىندىلاۋ ساتىندە «ۆايناح» شەشەن-ينگۋش ەمو» قوعامدىق بىرلەستىگىنىڭ بي ٴانسامبلى «لەزگينكا» ٴبيىن ورىندايدى. بۇل ٴوز كەزەگىندە كورەرمەندەرگە ەرەكشە كوڭىل-كۇي سىيلارى حاق.

لەزگينكا – كاۆكاز حالقىنىڭ ٴداستۇرلى ٴارى ەڭ تانىمال ٴبيى. بۇرىنعى كەزدە ول جاۋىنگەرلەر ٴبيى رەتىندە تانىلسا، ال ول بەيبىت ۋاقىتتا سەمسەرى بار ەرلەردىڭ جەكە ورىنداۋلارىندا كوپشىلىككە ٴمالىم بولدى. وسى ارقىلى ولار كوپشىلىكتى وزدەرىنە ٴتانتى ەتە ٴبىلىپ، تۋعان جەرى مەن اعايىن-باۋىرلارىن ٴسوزسىز قورعاۋشى رەتىندە تانىلدى.

تاعىلىمدىق ٴمانى بار «ەتنوس كۇنى» جىل ىشىندەگى ٴتورت ٴىس-شارانى قامتۋشى رەتىندە ەلوردا ەتنوستارىنىڭ مادەنيەتىن كوپشىلىككە پاش ەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي