BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

استانادا باس جۇلدەگە 5 ملن بەرىلەتىن حالىقارالىق ايتىس وتەدى

فوتو: Нұржас Жақсыбай

استانادا 20-21 قازاندا «قازاقستان» ورتالىق كونسەرت زالىندا «جىر ارقاۋى – استانا» اتتى حالىقارالىق اقىندار ايتىسى وتەدى، دەپ حابارلايدى baq.kz ٴتىلشىسى.

قر مادەنيەت جانە سپورت ٴمينيسترى ارىستانبەك مۇحامەدي ۇلى ايتىستىڭ استانانىڭ 20 جىلدىق مەرەيتويىنا وراي وتكىزىلەتىنىن اتاپ ٴوتتى.

«ٴبىز ۇلكەن ەلەۋلى وقيعانىڭ الدىندا تۇرمىز. نەگە دەسەڭىزدەر، استانا قالاسىنىڭ 20 جىلدىق مەرەيتويى اياسىندا حالىقارالىق اقىندار ايتىسىن وتكىزگەلى وتىرمىز. بىرنەشە جىل بۇرىن مۇنداي ايتىستى ٴجۇرسىن ەرمان اعامىز وتكىزەتىن. كەڭ اۋقىمدى حالىقارالىق ايتىس بولايىن دەپ تۇر. ايتىس – ٴتول ونەرىمىزدىڭ نەگىزى. ايتىسقا قاشان دا وتە مۇقيات بولۋىمىز كەرەك، سەبەبى ٴار شىققان ٴسوز ادامنىڭ جۇرەگىنە جىلۋ، كەيدە تىكەن بولىپ قادالادى»، - دەدى مينيستر.

قازاقستاننىڭ ەڭبەك سىڭىرگەن قايراتكەرى ٴجۇرسىن ەرمان ايتىسكەرلەردى قالاي ىرىكتەلگەنى تۋرالى ايتتى.

«جىل باسىنان بەرى رەسپۋبليكا كولەمىندە، وبلىستاردا، اۋدانداردا وتكەن ايتىستاردا اقىنداردىڭ بابىن بايقادىق. ولاردىڭ اراسىنان سۋىرىلىپ شىققان، استانانىڭ 20 جىلدىعىن جىرلاي الاتىن اقىنداردى تاڭداۋعا تىرىستىق. سونداي-اق، قازاقستاننىڭ تۇكپىر-تۇكپىرىنەن دە ايتىسكەرلەر قاتىسسىن دەدىك. مىسالى، كەشە عانا قوستانايدا وتكەن ايتىستا باس جۇلدە العان مۇحتار نيازوۆ قاتىسايىن دەپ وتىر. حالىقارالىق سايىس بولعاننان كەيىن جاستار دا قاتىسسىن دەپ ٴۇش جاس اقىنعا سەنىم ارتىپ، بايگەگە قوسىپ وتىرمىز»، - دەدى ٴجۇرسىن ەرمان.

قازاقستاننان ايتىسقا رەسپۋبليكالىق، وبلىستىق جانە رەسپۋبليكالىق ماڭىزى بار قالالىق ايتىستاردىڭ جەڭىمپازدارى: رينات زايتوۆ، ەركەبۇلان قاينازاروۆ، سەرىك قويشىعۇلوۆ، ٴبىرجان بايتۋوۆ، مۇحتار نيازوۆ جانە ت.ب. ەلىمىزدىڭ بەلگىلى ايتىسكەرلەرى قاتىسادى. سونداي-اق شەتەلدەن التى اقىن شاقىرىلدى.

«قىتاي حالىق رەسپۋبليكاسىنان ۇلاربەك ميناتحان، ٴجاميعا داۋلەتقىزى، موڭعوليادان ايدوس راشات، امانجول قۋانتقان، قىرعىزستاننان اسىلبەك ماراتوۆ، مۋندۋزبەك ۋۋلۋ سىندى اقىندار قاتىسقالى وتىر. ايتىستىڭ ماقساتى بىرەۋدى جامانداۋ ەمەس، ەلىمىزدىڭ ابىرويىن كوتەرىپ، بۇكىل جاڭالىقتارىمىزبەن، جەتىستىكتەرىمىزبەن ٴبولىسۋ. كەشەگى ەلباسىنىڭ جولداۋى اياسىندا وتەدى دەپ ايتساق تەرىس بولمايدى»، - دەدى ٴجۇرسىن ەرمان.

ايتىسقا مەملەكەتتىك سىيلىقتىڭ لاۋرەاتى ۇلىقبەك ەسداۋلەت (ٴادىل قازىلار القاسىنىڭ ٴتوراعاسى)، تاريح عىلىمىنىڭ دوكتورى، پروفەسسور ديحان قامزابەك ۇلى، تۇركيانىڭ ميمار سينان كوركەم ونەر ۋنيۆەرسيتەتىنىڭ پروفەسسورى ٴابدىۋاقاپ قارا، اقىن، جازۋشى شىناي راحمەت ۇلى (موڭعوليا)، ايتىس اقىنى ٴاسيا بەركەنوۆا تورەلىك ەتەدى.
«التىن دومبىرا» سىيلىعىنىڭ ەكى مارتە يەگەرى مۇحتار نيازوۆ قازاقستاندىق اقىنداردىڭ ايتىسقا دايىندىعىمەن ٴبولىستى.

«كوشپەندى مادەنيەتتىڭ ىشىندە كەز كەلگەن ۋاقىتتا كەڭ اۋديتوريا جينايتىن ونەر ايتىس بولىپ وتىر. مەملەكەت بەتبۇرىس جاساپ، استاناعا ورداسىن تىگىپ، ايداي الەمگە پاش ەتىپ جاتقان كەزدە سول ونەردىڭ تويىندا جىردىڭ جارمەڭكەسى قىزىپ وتىرعانى جاراسىمدى. موڭعوليا، قىتايدان كەلەتىن اقىندارىدڭ وسالى جوق. بۇل ايتىس ەلىمىزدىڭ تۇكپىر-تۇكپىرىندە وتكەن ايتىستاردىڭ قورىتىندىسى بولماق. ايتىسكەرلەر اتىنان ساقاداي-ساي وتىرمىز دەپ ايتامىن»، - دەدى ول.

ايتا كەتسەك، ايتىستىڭ جۇلدە قورى: باس جۇلدە – 5 000 000 تەڭگە، ٴى ورىن – 2 500 000 تەڭگە، ٴىى ورىن – 2 000 000 تەڭگەدەن 2 ادامعا، ٴىىى ورىن – 1 000 000 تەڭگەدەن 2 ادامعا جانە جۇبانىش سىيلىقتار – 350 000 تەڭگەدەن.
ارىستانبەك مۇحامەدي ۇلى ايتىستى وتكىزۋگە 20 جىلدىعى مەرەيتويى اياسىندا قارجى بولىنگەنىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي