BAQ.kz - Қазақстан жаңалықтары USD 364.35 BAQ.kz - Қазақстан жаңалықтары EUR 419.95 BAQ.kz - Қазақстан жаңалықтары RUB 5.56
استانا:

استانا تۇرعىندارى مەن قوناقتارى رەترو اۋەندەر كونسەرتىن تاماشالايدى

فوتو: Zagranitsa

6-12 تامىز ارالىعىندا وتەتىن مادەني جانە سپورتتىق شارالاردىڭ اپتالىق جوسپارى بەلگىلى بولدى، دەپ حابارلايدى baq.kz اقپارات اگەنتتىگى استانا قالاسى اكىمدىگىنىڭ رەسمي سايتىنا سىلتەمە جاساپ.

استانانىڭ «ستوليچنىي»، «جەرۇيىق»، «ستۋدەنچەسكيي» ساياباقتارى مەن قالانىڭ تۇرعىن ٴۇي الاپتارىندا ەلوردانىڭ 20 جىلدىعىنا ارنالعان كونسەرتتىك باعدارلامالار جالعاسىن تابادى. تۇرعىن ٴۇي الاپتارىنىڭ تۇرعىندارى «دۋماندى سارىارقا» كونسەرتىن جەكسەنبىدە ساعات 15:00 جانە 19:00-دە تاماشالاي الادى. ال ەلوردا ساياباقتارىندا وتەتىن «ساياباقتىڭ جەتى كەرەمەتى» كونسەرتتەرىن جۇمىس كۇندەرى ساعات 14:00-دەن 18:00-گە دەيىن، دەمالىس كۇندەرى ساعات 12:00-دەن 16:00-گە دەيىن كورەرمەن نازارىنا ۇسىنىلاتىن بولادى.

6-12 تامىز ارالىعىندا تاۋەلسىزدىك سارايىندا قر ونەر اكادەمياسى دايىنداعان «استانا – ارمان قالا» اتتى قولدانبالى جانە كوركەم سۋرەت كورمەسى، «اقانايەۆتار اۋلەتى» جانە س. مۇسىرەپوۆتىڭ «جاڭا باستاۋ» جەكە كورمەلەرى، سونداي-اق، فوتوجۋرناليست، جەرگىلىكتى تاريحشى نۇرمۇحامات يماموۆتىڭ شىعارماشىلىعىنا ارنالعان كورمە جۇمىس ىستەيدى. ەكسپوزيسيانى ساعات 10:00-دەن 18:00-گە دەيىن كورۋگە بولادى.

ال 7 تامىزدان 26 قىركۇيەككە دەيىن ەلوردا تۇرعىندارى روبوتتار بالىنىڭ قوناعى اتانا الادى. كەلۋشىلەردى امەريكا، ەۋروپا، وڭتۇستىك كورەيا جانە جاپونيا سياقتى ەلدەردەن اكەلىنگەن روبوتتار قۋانتايتىن بولادى. كەشتىڭ باستى قوناعى – ۇلىبريتانيالىق روبوت گۋمانويد تەسپيان. كۇلىپ-جىلاي الاتىن روبوت قوناقتارمەن اڭگىمە -دۇكەن قۇرىپ قانا قويماي، شەكسپيردىڭ شىعارمالارىن وقي الادى. ۇيىمداستىرۋشىلاردىڭ ايتۋىنشا، روبوت تەاترلاندىرىلعان قويىلىمدارعا دا قاتىسقان. ٴان سالىپ، كىتاپ وقيتىن تەحنيكانى «نۇر الەم» پاۆيلونىندا ساعات 10:00-دەن 20:00-گە دەيىن كورۋگە بولادى.

رەترو اۋەندەردى ۇناتىندار ٴۇشىن ەسىل وزەنى جاعالاۋىنىڭ امفيتەاترىندا 9 تامىزدا ساعات 19:00-دە 90-شى جىلداردىڭ «iloveastana، ilove 90-th» كونسەرتى ۇيىمداستىرىلادى دەپ كۇتىلۋدە.

بۇدان بولەك، 9-12 تامىز ارالىعىندا «ەتنواۋىل» ۇلتتىق مادەني كەشەنىندە «الپامىس» اتتى تەاترلاندىرىلعان سيرك شوۋىن تاماشالاۋعا بولادى. قويىلىم ساعات 19:30-دا باستالماق.

«استانا – وپەرانىڭ» كامەرالىق زالىندا 10 تامىزدا ساعات 19:00-دە ونەر سۇيەر قاۋىمنىڭ نازارىنا «مۋزىكالىق دەمالىس» كونسەرتتىك باعدارلاماسى ۇسىنىلادى.

سەنبى جانە جەكسەنبى، 11 جانە 12 تامىزدا، ەلوردا سيركىندە استانا تۇرعىندارى مەن قوناقتارىنىڭ الدىندا ماسكەۋلىك «پلانەتا 13» نيكۋلين سيركى ونەر كورسەتەدى دەپ جوسپارلانعان. باستالۋى ساعات 16:00-دە.

قۋىرشاقتار تەاترى ٴوزىنىڭ كىشكەنتاي كورەرمەندەرى ٴۇشىن ا. سالايەۆتىڭ «جالقاۋدىڭ ايلاسى» اتتى ەرتەگىسىن دايىنداپتى. بالالار قويىلىمدى ساعات 12:00-دە جانە 14:00-دە تاماشالاي الادى.

سونىمەن قاتار، 6-12 تامىز ارالىعىندا ەلوردانىڭ سپورتتىق نىساندارىندا دا ٴىس-شارالاردى وتكىزۋ جوسپارلانعان. بۇل كۇندەرى «داۋلەت» سپورت كەشەنىندە 12 جاسقا دەيىنگى بالالارعا اراسىندا تەننيستەن قر كۋبوگى جارىستارى وتەدى.

ال «بارىس-ارەنا»سپورت كەشەنىندە 9-12 تامىز ارالىعىندا حوككەيدەن حالىقارالىق ٴىح تۋرنير «قر پرەزيدەنتى كۋبوگى» اياسىندا ماتچتار وتەدى. ماتچتار ساعات 14:00-گە بەلگىلەندى.

اپتانى دراگ-رەيسينگتەن استانا قالاسى كۋبوگىنىڭ 4 كەزەڭى مەن قالا ساياباقتارىندا «fitnessparkastana» باعدارلاماسى بويىنشا وتەتىن سپورتتىق ٴىس-شارالار اياقتايدى. جارىستار 12 تامىزدا وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي