BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

امىرە قاشاۋبايەۆتىڭ مەدالى ۇلتتىق مۋزەيگە تابىستالدى

فوتو: Нұржас Жақсыбай

استانا، baq.kz ٴتىلشىسى. بۇگىن قازاقستان رەسپۋبليكاسىنىڭ ۇلتتىق مۋزەيىندە «ۇلتتىق مۋزەيگە سىي تارتۋ» اكسياسىنىڭ ٴۇش جىلدىعىنا وراي كورمە ٴوتتى. «امىرە» كوركەم ٴفيلمىنىڭ پروديۋسەرى اليدار وتەمۇراتوۆ ۇلتتىق مۋزەي قورىنا امىرە قاشاۋبايەۆتىڭ پاريجدە جەڭىپ العان كۇمىس مەدالىن تابىس ەتتى.

امىرە قاشاۋبايەۆتىڭ كۇمىس مەدالى مەن فيلمگە ارنايى جاسالعان ەكى دومبىرا ۇلتتىق مۋزەي قورىنا سالتاناتتى تۇردە تابىستالدى.

امىرە قاشاۋبايەۆ – شەتەل اسىپ ونەر كورسەتكەن العاشقى قازاق. 1925 جىلى پاريجدە وسى ماراپاتقا يە بولدى. 2016 جىلى دجۋليا گاني مەدالدى تۇڭعىش رەت قازاقستاندىقتاردىڭ نازارىنا ۇسىنىپ، «امىرە» ٴفيلمىنىڭ باس پروديۋسەرى اليدار وتەمۇراتوۆتىڭ قولىنا تابىستادى.

بەلگىلى اكتەر، «امىرە» فيلمىندە ٴانشىنىڭ ٴرولىن سومداۋشى سانجار ماديەۆ dar كومپانياسى مەن اليدار وتەمۇراتوۆتىڭ اتىنان جادىگەرلەردى ٴوز قولىمەن ۇلتتىق مۋزەي قىزمەتكەرلەرىنە تابىس ەتتى.

«قازاقتىڭ تاريحىنا ۇلەس قوسقان وسىنداي تۇلعانىڭ ٴرولىن سومداۋ جانە وسى جەردە ٴسوز سويلەۋ مەن ٴۇشىن ۇلكەن قۇرمەت. 1925 جىلى بۇل مەدال امىرەگە تابىستالدى. ٴقازىر مۇنداي مەدال كوشىرمەلەرى وتە كوپ، ال ٴتۇپنۇسقاسى ەكەۋ عانا. dar كومپانياسىنىڭ، اليدار وتەمۇراتوۆتىڭ اتىنان مەدالدى ۇلتتىق مۋزەيگە تابىستايمىن. سىزدەرگە ۇلكەن راقحمەت!» - دەدى سانجار ماديەۆ.

ول «امىرە» ٴفيلمى الەم حالقىنا كەڭىنەن جول تارتقانىن ايتا كەتتى.

«ٴبىزدىڭ كارتينامىزدى بۇكىل الەم تاماشالادى. ونى امەريكادا كورسەتتى. حالىقارالىق كارتينالار اراسىندا ٴبىرىنشى ورىن جەڭىپ الدىق. پاريجدە پرەمەراسى بولادى. بىرنەشە كۇننەن كەيىن رۋمىنياعا بارامىز. سودان سوڭ قىتايدا كورسەتەدى. امىرە ٴۇشىن جاساعان تۋىندىنى بار عالامشار كورەتىن بولادى»، - دەدى اكتەر.

قازاقستان رەسپۋبليكاسى ۇلتتىق مۋزەيىنىڭ اتىنان سانجار ماديەۆكە العىس حات تابىستالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي