BAQ.kz - Қазақстан жаңалықтары USD 339.95 BAQ.kz - Қазақстан жаңалықтары EUR 392.64 BAQ.kz - Қазақстан жаңалықтары RUB 5.3
استانا:

14 ناۋرىزدا baroque opera gala كونسەرتى وتەدى

«استانا وپەرانىڭ» جەتەكشى سوليستەرى، قازاقستاننىڭ ەڭبەك سىڭىرگەن قايراتكەرى ابزال مۇحيتدينوۆتىڭ جەتەكشىلىگىمەن كامەرالىق وركەستر جانە قازاقستاننىڭ ەڭبەك سىڭىرگەن قايراتكەرى ەرجان ٴداۋىتوۆتىڭ باسقارۋىنداعى حور تىڭداۋشىلار نازارىنا باروككو ٴداۋىرىنىڭ وپەرالىق جاۋھارلارىن ۇسىنادى. 14 ناۋرىز كۇنى تەاتردىڭ كامەرالىق زالىندا baroque opera gala كونسەرتى وتەدى، دەپ حابارلايدى baq.kz اقپارات اگەنتتىگى.

كەشكە تانىمال ۆوكاليستەر، قازاقستاننىڭ ەڭبەك سىڭىرگەن قايراتكەرلەرى ايگۇل نيازوۆا، ٴجاميليا جارقىمبايەۆا، بيبىگۇل جانۇزاق، جان تاپين، حالىقارالىق بايقاۋلاردىڭ لاۋرەاتتارى تاتيانا ۆيسينسكايا، ەرجان سايپوۆ، باتىرجان سماقوۆ قاتىسادى. ولارمەن بىرگە كەرەمەت اسپاپشى مۋزىكانتتار – حالىقارالىق بايقاۋلاردىڭ لاۋرەاتتارى انەل شاكىروۆا، داميليا ماحپيروۆا، راحماتالي بەكبابايەۆ (گوبوي)، اسەت نەلدىبايەۆ (فاگوت)، الەكسەي كوسىرەۆ (فلەيتا) ونەر كورسەتەدى.

كونە مۋزىكا جاۋھارلارىن ٴححى عاسىر تىڭداۋشىلارى ايرىقشا قۇرمەتتەيدى. باروككو ٴداۋىرىنىڭ جارقىن تۋىندىلارى سان-سالتاناتىمەن، درامالىق پاتەتيكاسىمەن، باتىرلىق شابىتىمەن، نازىك سەزىمتالدىعىمەن، ٴىرى كولەمگە ۇمتىلىسىمەن ەرەكشە. باروككو مۋزىكالىق ۇلگىلەرىنىڭ ەڭ باستىسى – وپەرا. شارىقتاۋ شەگىنە وراتوريا جانرى جەتتى. توككاتا جانە فۋگا سىندى شىعارمانىڭ اسقان شەبەر تۇرلەرى قالىپتاستى. جەكەلەگەن اسپاپتار مەن كامەرالىق وركەستر ٴۇشىن سوناتالار مەن سيۋيتالار جازىلدى، كونسەرت جانرى پايدا بولدى.

وسى جانرلاردىڭ ٴبىرازى اتالعان كونسەرت اياسىندا ورىندالاتىن بولادى. وسىلايشا، تىڭدارمان قاۋىمعا اتاقتى وپەرا مەن وراتوريالاردان اريالار، دۋەتتەر ۇسىنىلادى: كلەوپاترا ارياسى، «يۋليي سەزار مىسىردا» وپەراسىنان كورنەليا مەن سەكستا دۋەتى، «كسەركس» وپەراسىنان كسەركس ارياسى، «اريودانت» وپەراسىنان گەرسوگ پولينەسسو ارياسى، گ.ف.گەندەلدىڭ «مەسسيا» وراتورياسىنان تەنور ارياسى، ك.مونتەۆەرديدىڭ «پوپپەياعا ٴتاج كيگىزۋ» وپەراسىنان پوپپەيا مەن نەرون دۋەتى، ي.س.باحتىڭ مەسسا سي مينور شىعارماسىنان الت ارياسى جانە ت.ب. ورىندالادى. «استانا وپەرا» كامەرالىق حورىنىڭ ورىنداۋىندا ج.-ف.رامونىڭ «گالانتنايا ينديا» تۋىندىسى شىرقالادى.

سونىمەن قاتار كونسەرت باعدارلاماسىنا اسپاپتىق تۋىندىلار – ك.مونتەۆەرديدىڭ «ورفەي» وپەراسىنان توككاتا، گ.پەرسەللدىڭ «ابدەلازەر»، ا.ٴۆيۆالديدىڭ سكريپكامەن وركەسترگە ارنالعان «جىل مەزگىلدەرى» توپتاماسىنان «نايزاعاي» جانە فاگوتقا ارنالعان كونسەرت (ٴ1-بولىم)، گ.ف.گەندەلدىڭ «سولومون» وراتورياسىنان، ك.ۆ.گليۋكتىڭ «ورفەي مەن ەۆريديكا» وپەراسىنان اسپاپتىق فراگمەنتتەر ەندى. كونسەرتتىڭ كەشكى ساعات 19:00-دە باستالادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي