USD 334.48 EUR 355.62 RUB 5.25
استانا:

جاڭا بۋىن مۋزىكاسى

تالانتتى قازاقستاندىق مۋزىكانتتاردىڭ جاڭا تولقىنى – راحات-بي ٴابدىساعين، ازات مالىك، نازىم ساعىنتاي، قالقامان دۇيسەنبايەۆ – ولاردىڭ ەسىمى شەتەلدە كەڭ تانىلعان. جاس انشىلەردىڭ قاتىسۋىمەن 21 قازان كۇنى «استانا وپەرا» تەاترىنىڭ كامەرالىق زالىندا «جاستار شىعارماشىلىعى» كونسەرتى وتەدى.

كەشتە ەلوردا قوناقتارى مەن تۇرعىندارىنا دارىندى مۋزىكانتتاردىڭ شىعارماشىلىعىمەن تانىسۋ ۇسىنىلادى. راحات-بي ٴابدىساعيننىڭ جاسى نەبارى 17، الايدا ول 100 جۋىق شىعارمانىڭ اۆتورى اتانىپ ۇلگەردى. قازاقستاندىق كومپوزيتور ٴتۇرلى باعىتتار مەن ستيلدەردە جۇمىس جاسايدى. ول ەۋروپاعا ٴوزىن ٴبىرتۋار تالانت رەتىندە كورسەتە ٴبىلدى. ونىڭ وزگەشە تىلدە جازىلعان زاماناۋي شىعارمالارى ۇلكەن تانىمالدىلىققا يە. الايدا، ٴبىزدىڭ ەلىمىزدە ر. ٴابدىساعين اكادەميالىق تۋىندىلاردىڭ اۆتورى رەتىندە بەلگىلى.

- ٴبىزدىڭ قازىرگى زامانعى قازاقستاندىق كومپوزيتورلاردىڭ زاماناۋي مۋزىكانىڭ جاڭا قىرىن اشىپ، وسى ستيلدە وزدەرىن تابا بىلگەنى قاتتى قۋانتادى. كورەرمەندى بۇل شىعارمالاردىڭ ٴمانىن ٴتۇسىنىپ، قىزىق ۇيلەسىم تاپقان بوياۋلاردى تىڭداپ، مۋزىكالىق بەينەلەۋ ارقىلى شىعارمانىڭ تەرەڭ يدەيالىق مازمۇنىن سەزىنۋ مۇمكىندىگى كۇتىپ تۇر، - دەيدى مارجان جاكەنوۆا.

كەشتىڭ مازمۇندى باعدارلاماسىنا راحات-بي ٴابدىساعيننىڭ المانيا، ۆەنگريا، اۆستريا جانە تاعى باسقا ەلدەردىڭ كورەرمەنىن تاڭ قالدىرعان شىعارمالارى ەنگىزىلدى. ۆيولونچەل مەن فورتەپيانوعا ارنالعان «light at the end of tunnel». ش. ايتماتوۆتىڭ اتتاس اڭگىمەسى جەلىسىندە جازىلعان – فورتەپيانوعا ارنالعان «rondine piangente» («جىل قۇسىنىڭ جىلاۋى»). سونداي-اق، ۋكرايندىق پيانينوشى دميترو تاۆانەس فورتەپيانوعا ارنالعان «fantasia quasi una sonata» ورىندايدى (سولو).

راحات-بي ٴابدىساعيننىڭ مۋزىكاسىن الەكساندر تاراسكين (فلەيتا)، الماز توقپانوۆ (كلارنەت)، دانيار ەسىمحانوۆ (فورتەپيانو)، ايدار فازىلوۆ (ۆيبرافون) ورىندايدى. فورتەپيانو پارتياسىندا - راۋشان بەسكەمپىروۆا.

كونسەرتتىڭ ٴاربىر شاقىرىلعان قاتىسۋشىسى جاس بولسا دا، ٴبىراز جەتىستىككە جەتىپ ۇلگەرگەن. ماسەلەن، باريتون ازات مالىك تاياۋدا عانا بەدەلدى بايقاۋ – ەۆا مارتوننىڭ ii حالىقارالىق وپەرا ورىنداۋشىلارى كونكۋرسىنىڭ ديپلومانتى جانە بىرنەشە ارنايى سىيلىق يەگەرى اتاندى. ناتيجەسىندە ٴانشى لا سكالا تەاترى جانىنداعى اكادەميادا شەبەرلىك ساباعىنان، تاجىريبەدەن وتەدى. جانە ۆەنگريانىڭ ميشكول ق. وتەتىن بارتوكتىڭ وپەرالىق فەستيۆالىنە قاتىسادى (2017- 2018 ماۋسىم). بولاشاعىنان ۇلكەن ٴۇمىت كۇتتىرەتىن نازىم ساعىنتاي ساحنادا العاش رەت ونەر كورسەتەدى. ول كوپتەگەن حالىقارالىق بايقاۋلاردىڭ جەڭىمپازى.

كەشتىڭ تاعى ٴبىر كەرەمەت قوناعى - قالقامان دۇيسەنبايەۆ – تالانتتى ۆالتورناشى، حالىقارالىق بايقاۋلاردىڭ جەڭىمپازى. قازىرگى ۋاقىتتا پ. چايكوۆسكيي ات. ماسكەۋدىڭ مەملەكەتتىك كونسەرۆاتورياسىنىڭ 5 كۋرس ستۋدەنتى.

- ۆالتورنا – وتە كۇردەلى اسپاپ، جانە مىقتى ۆالتورناشىلار نەكەن-ساياق. قالقامان دۇيسەنبايەۆ – سولاردىڭ ٴبىرى. ول ۆالتورناعا ىنعايلانعان ر. گليەردىڭ وركەستر مەن داۋىسقا ارنالعان كونسەرتىن ورىندايدى. ۆالتورنا – جەزدى ۇرمەلى اسپاپ بولسا دا، باسقا جەزدى ۇرمەلى اسپاپتارمەن سالىستىرعاندا وتە اۋەزدى. ونىڭ تەمبرى جۇمساق، ۆيولونچەلدەگىدەي سازدى. تىڭدارمان كەشتىڭ باي باعدارلاماسىن جوعارى باعالايدى دەپ سەنەمىن، - دەيدى مارجان جاكەنوۆا.

كونسەرت 19:00 باستالادى، بيلەت باعاسى – 2000 تەڭگە.

*انىقتاما

ٴابدىساعين راحات-بي – قازاقستاندىق جاس كومپوزيتور ٴارى پيانينوشى. 2016 جىلى قۇرمانعازى ات. قازاق ۇلتتىق كونسەرۆاتورياسىنىڭ باكالاۆرياتىن ۇزدىك ٴتامامدادى. قازىرگى ۋاقىتتا قازاق ۇلتتىق ونەر ۋنيۆەرسيتەتىنىڭ 1 كۋرس ماگيسترانتى. ول «استانا-مەرەي» حالىقارالىق بايقاۋىنىڭ «كومپوزيسيا» نوميناسياسى بويىنشا باس جۇلدە (2012 ج.) جانە «شابىت»، سپەندياروۆ ات. ٴىىى حالىقارالىق كومپوزيتورلار بايقاۋىنىڭ 1 جۇلدە (يالتا، 2013 ج.)، سونداي-اق، پرەزيدەنت كۋبوگىنىڭ يەگەرى (استانا، 2014 ج.).

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي