USD 335.71 EUR 357.36 RUB 5.23
استانا:

ۇمىتىلماس ۇلى تۇلعا

الماتى قالاسى وكج-نىڭ №4 كىتاپحاناسىندا 23 قاراشا كۇنى قازاقستاننىڭ تۇڭعىش ىشكى ىستەر كوميسسارى، قوعام جانە مەملەكەت قايراتكەرى ٴابدىراحمان ايتيەۆتىڭ 130 جىلدىق مەرەيتويى مەن تاۋەلسىزدىكتىڭ 25 جىلدىعىنا وراي «مەگاليس» باسپاسىنان جارىق كورگەن رۇستەم قايداروۆ پەن الماگۇل كولبايەۆانىڭ «ابدراحمان ايتيەۆ – جيزن دليا نارودا» اتتى جاڭا كىتابىنىڭ پرەزەنتاسياسى جانە «ۇمىتىلماس ۇلى تۇلعا» تاقىرىبىندا سلايد-پرەزەنتاسيا مەن ۆيدەولەكتوريي ۇيىمداستىرىلدى.

شارانىڭ ماقساتى – وقىرمانداردى تاريحي قۇندى كىتاپپەن تانىستىرا وتىرىپ، ەل ەرتەڭى ٴۇشىن ايانباي ەڭبەك ەتكەن مەملەكەت قايراتكەرىنىڭ سانالى عۇمىرى جايلى مالىمەت بەرۋ.

كىتاپحانا قىزمەتكەرلەرى وقىرمان قاۋىمدى اتالمىش كىتاپتىڭ بولىمدەرىنە جەكە توقتالىپ، مازمۇنىمەن تانىستىردى. سونىمەن قاتار، ۇلت قايراتكەرىنىڭ ونەگەلى ٴومىر جولى، ساياسي ومىردەگى اتقارعان ىستەرى، سالىپ كەتكەن سارا جولى، قازىرگى ۇرپاعى جايىندا مالىمەتتەر بەرىپ، جاستار قاۋىمىنىڭ تانىم كوكجيەكتەرىن كەڭەيتتى. وقىرمانداردىڭ نازارىنا كىتاپ مازمۇنى مەن كىتاپ اۆتورلارى جايىندا مالىمەتتەر بەرەتىن سلايد-پرەزەنتاسيا ۇسىنىلدى. جاستار قاۋىمى دا ٴوز ويلارىن ورتاعا سالدى.

ٴابدىراحمان ايتيەۆ – وتكەن عاسىردىڭ 20-شى جىلدارى قازاق اۆتونومياسىن قۇرۋعا، ونىڭ كونستيتۋسياسىن ازىرلەۋگە جەتەكشىلىك ەتكەن تۇلعالاردىڭ ٴبىرى. شەكارا بولىسكە تۇسكەن تۇستا كەڭ بايتاق دالامىزدىڭ ٴوز مەنشىگىمىزدە قالۋىنا بارىن سالىپ، كوپ ايەل الۋعا قارسى شىعىپ، وعان تىيىم سالاتىن زاڭ جوباسىن ازىرلەۋىمەن دە بەلگىلى بولعان ازامات. بار عۇمىرىن ىشكى ىستەر قىزمەتىندە وتكەرگەن ايتيەۆ 50-گە قاراعان شاعىندا دۇنيەدەن وزعان. قايتالانباس دارا تۇلعانىڭ ونەگەلى ٴىسىن بۇگىنگى ۇرپاعى ماڭگى جادىندا ۇستايدى.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي