USD 334.89 EUR 361.61 RUB 5.28
استانا:

« ۇلى دالا ۇلاعاتتارى» ەكسپوزيسيالىق كورمەسى اشىلدى

ابايدىڭ «جيدەباي-بورىلى» مەملەكەتتىك تاريحي-مادەني جانە ادەبي-مەموريالدىق مۋزەيىندە 1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان « ۇلى دالا ۇلاعاتتارى» ەكسپوزيسيالىق كورمەسى اشىلدى. كورمەگە ەلباسى ن.ٴا. نازاربايەۆتىڭ جاقىندا «ەگەمەن قازاقستان» گازەتىندە جاريالانعان « ۇلى دالا ۇلاعاتتارى» كىتابى ارقاۋ ەتىپ الىنعان. بۇل تۋىندى ەلىمىزدىڭ ٴوز تاۋەلسىزدىگىنىڭ 25 جىلىندا ٴجۇرىپ وتكەن جولىنىڭ شەجىرەسى بولىپ تابىلادى.

ەلباسى ەڭبەگىنىڭ جەلىسى بويىنشا ۇيىمداستىرىلعان « ۇلى دالا ۇلاعاتتارى» كورمەسى «تۋعان ەلىم – تىرەگىم»، «ەل مەن ەر جانە جەر»، «تاۋەلسىزدىكتىڭ تال بەسىگى»، «تۋعان ٴتىلدىڭ تۇعىرى»، «قيىردان كەلسە قانداستار» جانە «جاڭعىرىپ كەلەر جاس تولقىن»، «قاريالارىمىز – قازىنامىز» اتتى بولىمدەردەن تۇرادى. سوعان وراي كەلۋشىلەر كورمە ارقىلى شيرەك عاسىردا حالقىمىز اتقارعان ۇلانعايىر جۇمىستاردىڭ كۋاگەرىنە اينالادى. ولاردىڭ ٴارقايسىسى رەسپۋبليكامىزدا جۇرگىزىلگەن ىشكى جانە سىرتقى كەمەل ساياساتتىڭ ارقاسىندا قول جەتكەن تابىستارىمىزدى اشىپ كورسەتىپ، سونىڭ بارشاسىنىڭ تىرەگى «تىنىشتىق. تاتۋلىق. بىرلىك»» ەكەنىن پاش ەتەدى.

سالتاناتتى شارادا سەمەي قالالىق ارداگەرلەر كەڭەسىنىڭ ٴتوراعاسى،قازاقستاننىڭ ون ەكىنشى سايلانعان تۇڭعىش تاۋەلسىز پارلامەنتىنىڭ دەپۋتاتى ا. دوعالاقوۆ ٴسوز سويلەپ، قۇرمەتتى تەمىرجولشى ق.السەيىتوۆ ەكەۋى كورمە شىمىلدىعىن اشتى. سويلەگەندەر ۇلى دالا ەلى – قازاقستان رەسپۋبليكاسىنىڭ قالىپتاسىپ، دۇنيە جۇزىندەگى ەڭ وزىق 30 ەلدىڭ قاتارىنا قوسىلۋىنداعى ەلباسى نۇرسۇلتان نازاربايەۆتىڭ سىندارلى ساياساتى مەن ەرەن ەڭبەگىن اتاپ كورسەتىپ، حالقىمىزدىڭ تاۋەلسىزدىك جىلدارىنداعى قۇتتى قادامدارىنىڭ ودان ٴارى قايىرلى بولۋىنا تىلەكتەستىكتەرىن ٴبىلدىردى.

سالتانات سوڭىندا اباي مۋزەيىنىڭ ديرەكتورى بولات جۇنىسبەكوۆ ٴسوز الىپ، جينالعانداردى تۇڭعىش پرەزيدەنت كۇنىمەن قۇتتىقتاپ، تاۋەلسىزدىك كۋاگەرلەرى – قالا ارداگەرلەرىنىڭ ٴبىر توبىنا ەلباسىنىڭ مۋزەيدە كىتاپشا ەتىپ باسىپ شىعارىلعان « ۇلى دالا ۇلاعاتتارى» تۋىندىسى مەن ەسكەرتىش سىيلىقتار تاپسىردى.

« ۇلى دالا ۇلاعاتتارى» كورمەسىنىڭ اشىلۋىنا سەمەي قالاسىنىڭ ارداگەرلەرى جانە جۇرتشىلىق وكىلدەرى قاتىستى.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي