USD 336.23 EUR 360.3 RUB 5.28
استانا:

تۇركىستان جانە ەلباسى

«ازىرەت سۇلتان» مەملەكەتتىك تاريحي-مادەني قورىق-مۇراجايىندا 30 قاراشا كۇنى «قازاقستان رەسپۋبليكاسىنىڭ تۇڭعىش پرەزيدەنتى كۇنى» مەرەكەسىنە وراي «تۇركىستان جانە ەلباسى» كورمەسىنىڭ تۇساۋكەسەرى بولىپ ٴوتتى.

كورمەنىڭ اشىلۋ سالتاناتىندا «ازىرەت سۇلتان» قورىق-مۋزەيىنىڭ ديرەكتورى ج.اۋباكىر، تۇركىستان قالاسى اكىمىنىڭ ورىنباسارى ع.رىسبەكوۆ، قالالىق سوعىس جانە ەڭبەك ارداگەرلەرى كەڭەسىنىڭ ٴتوراعا مىندەتىن اتقارۋشى س.قارپىقبايەۆ، اقساقالدار القاسىنىڭ مۇشەسى ب.مۇسابەكوۆ قۇتتىقتاۋ ٴسوز سويلەدى. كورمەنى تاماشالاۋعا قالامىزداعى ەتنوپەداگوگيكالىق كوللەدجدىڭ وقىتۋشىلارى مەن ستۋدەنتتەرى، №1 ا.بايتۇرسىنوۆ، №2 حامزا اتىنداعى ورتا مەكتەبىنىڭ وقۋشىلارى مەن مۇعالىمدەرى، باق وكىلدەرى جانە مۋزەي قىزمەتكەرلەرى قاتىستى.

العاشقى بولىپ ٴسوز العان «ازىرەت سۇلتان» قورىق-مۋزەيىنىڭ ديرەكتورى ج.اۋباكىر اتاۋلى كورمەنىڭ ماڭىزدىلىعىن ايتا كەلە، ەلىمىزدىڭ دامۋى، مادەنيەتىمىزدىڭ وركەندەۋى ۇلكەن سارىابدال ساياساتىنىڭ ارقاسىندا ەكەنى ايقىن، سول ساياساتتى جاساپ وتىرعان ەگەمەن ەلىمىزدىڭ تۇڭعىش پرەزيدەنتى، كوشباسشى ەلباسى نۇرسۇلتان ٴابىش ۇلى نازاربايەۆ ەكەنىن اتاپ ٴوتتى.

قالا اكىمىنىڭ ورىنباسارى ع.رىسبەكوۆ تۇڭعىش پرەزيدەنتىمىز ن.ٴا.نازاربايەۆتىڭ تاريح ساحناسىنا شىعىپ كورەگەن ساياسات جۇرگىزە وتىرىپ، سولتۇستىكتەگى رەسەي، شىعىستاعى قىتاي، باتىستاعى ەۋروپا ەلدەرىنىڭ، مۇحيت اسىپ اقش باسشىلارىمەن يىعى تەڭ دارەجەدە كەلىسسوز جۇرگىزە بىلگەندىگىن بۇگىندە الەم مويىنداپ وتىرعانىن جەتكىزدى.

كورمە ەكسپوزيسياسىندا قورىق-مۇراجاي قورىنان 50-دەن استام جادىگەرلەر قويىلدى.

كورمە 2016 جىلدىڭ 30 قاراشاسىنان 30 جەلتوقسانىنا دەيىن جالعاسادى. بارشاڭىزدى كورمەنى تاماشالاۋعا شاقىرامىز.

.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي