USD 335.71 EUR 357.36 RUB 5.23
استانا:

«تاۋەلسىزدىك تولقىنىندا» جاستار بالى

24 قاراشا كۇنى جاستار ورتالىعى عيماراتىندا قر تاۋەلسىزدىگىنىڭ 25-جىلدىعى اياسىندا «تاۋەلسىزدىك تولقىنىندا» جاستار بالى وتكىزىلدى.

ارشالى اۋدانى اكىمىنىڭ ورىنباسارى ماۋسىنبايەۆا ٴمادينا ٴمىنايدارقىزى ٴوز قۇتتىقتاۋ تىلەگىن ارنادى: «بۇگىن سىزدەر «تاۋەلسىزدىك تولقىنىندا» جاستار بالىنا قوش كەلدىڭىزدەر! بارشا قاۋىمدى قازاقستان رەسپۋبليكاسىنىڭ تاۋەلسىزدىگىنىڭ 25-جىلدىعىمەن قۇتتىقتايمىن! بارلىعىمىز 25 جىلدىق مەرەيتويدى بىرلىگى جاراسقان، بەيبىتارى تۇراقتى، وركەندەگەن ەلدە قارسى الىپ وتىرمىز. جاستار ٴبىزدىڭ بولاشاعىمىز. بولاشاعى زور ايبىندى قازاقستاننىڭ سەنىم ارتار ازاماتتارى - سىزدەر، ەلىمىزدىڭ بايراعىن بيىك تۇعىرلاردان كورسەتەتىن دە وزدەرىڭىز ەكەنىنە سەنىمدىمىن». ٴىس – شارا بارىسىندا ٴمادينا ٴمىنايدارقىزى اۋدانداعى جاستار ساياساتىنىڭ دامۋىنا ۇلەس قوسقان بەلسەندى جاستاردى ماراپاتتادى. ٴىس-شارا كونكۋرستىق باعدارلاما تۇرىندە ٴوتتى، جاستاردان 17 جۇپ قاتىستى. بايقاۋعا قاتىسۋشىلارعا قۇزىرلى ٴادىلقازىلار القاسى باعا بەردى: ارشالى اۋدانى اكىمىنىڭ ورىنباسارى ماۋسىنبايەۆا ٴمادينا ٴمىنايدارقىزى، اۋىل شارۋاشىلىعى جانە ٴوندىرۋشى ۇيىمداردىڭ قىزمەتكەرلەرى كاسىپوداعىنىڭ ٴتورايىمى پريستينسكايا تاتيانا ۆاسيلەۆنا، «نۇر وتان» پارتياسىنىڭ ارشالى اۋداندىق فيليالىنىڭ ٴتوراعاسىنىڭ ٴبىرىنشى ورىنباسارى فەدوروۆا روزا شاكيروۆنا، اۋداندىق مادەنيەت ٴۇيىنىڭ حورەوگرافى باكشەەۆ ۆيتاليي پاۆلوۆيچ.
بال ستيلىندەگى جانە كەشكى ٴساندى كويلەكتەر كيگەن جۇپتار پولونەز بەن ۆالس ٴبيىن شىر اينالىپ بيلەپ، اسەمدىگىمەن، گراسياسىمەن جينالعان قاۋىمدى تاڭ تاماشا اسەردە قالدىردى. سونىمەن قاتار، كورەرمەندەر نازارىنا وتتى لاتىن امەريكالىق بي ۇسىنىلدى. «ميراج» بي ۇجىمى «قاراداعى ادامدار» قۇتتىقتاۋ ٴبيىن ورىندادى. كەشتە مۋزىكالىق مەكتەپتىڭ وقۋشىلارىنىڭ ورىنداۋىندا مۋزىكالىق كومپوزيسيالار شىرقالدى. بايقاۋدىڭ قورىتىندىسى بويىنشا بارلىق جۇپتارعا ديپلومدار مەن ەستەلىك كادەسىيلار تاپسىرىلىپ، ەڭ باستىسى باللدىڭ حانى مەن حانشايىمى تاڭدالدى.
بارلىق قوناقتار ٴۇشىن مەرەكەلىك ديسكوتەكا قويىلدى.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي