USD 335.61 EUR 361.32 RUB 5.26
استانا:

«تاۋەلسىز قازاقستان جانە تۇڭعىش پرەزيدەنت» اتتى كىتاپ كورمەسىنىڭ اشىلۋى

28 قاراشا كۇنى ساعات 11.00-دە ٴا.تاجىبايەۆ اتىنداعى وبلىستىق امبەباپ عىلىمي كىتاپحاناسىندا 1 جەلتوقسان – قازاقستان رەسپۋبليكاسى تۇڭعىش پرەزيدەنتى كۇنىنە ارنالعان «تاۋەلسىز قازاقستان جانە تۇڭعىش پرەزيدەنت» اتتى كىتاپ كورمەسىنىڭ سالتاناتتى اشىلۋى بولدى.

شارانىڭ ماقساتى – وقىرمان قاۋىمعا ەلباسى ن.ٴا.نازاربايەۆتىڭ ٴومىرى مەن جۇرگىزىپ وتىرعان ساياساتىن، ىسكەرلىك قابىلەتىن كەڭىنەن ناسيحاتتاۋ. جاس وقىرماندارعا پرەزيدەنتتىڭ ەل ٴۇشىن جاساعان ىستەرىن ۇلگى-ونەگە ەتۋ. ٴوز وتانىن، حالقىن، ەلى مەن جەرىن سۇيەتىن ازامات بولىپ وسۋگە تاربيەلەۋ.

شاراعا زيالى قاۋىم وكىلدەرى، ۇلتتىق مادەني ورتالىق وكىلدەرى، باسقارما باسشىلارى، جوعارى جانە ارناۋلى وقۋ ورىندارىنىڭ وقىتۋشىلارى مەن ستۋدەنتتەرى قاتىستى.

تاقىرىپقا ساي بەزەندىرىلگەن اۆانزال تورىندە ٴ2-شى قاباتتان تومەنگە قاراي ەلباسىنىڭ ايتقان قاناتتى سوزدەرى، سۋرەتتەرى ىلىنگەن. «قازاقستان رەسپۋبليكاسى پرەزيدەنتىنىڭ قازاقستان حالقىنا ارنالعان جولداۋى» جانە «قازاقستان جولى» كىتاپتارىنىڭ ماكەتى دە زال تورىنەن ورىن العان. كورمە جانىنداعى تەلەديدار ارقىلى كىتاپحانا پايدالانۋشىلارىنا «نۇر­سۇلتان نازاربايەۆ – قازاقستان رەس­­پۋب­­لي­كا­سى­نىڭ تۇڭعىش پرەزي­دەن­تى» اتتى ەلەكترون­دىق كىتاپحاناداعى مالىمەت­تەر بازا­سىنا كىرگەن ن.نازاربايەۆتىڭ ٴومىرى مەن قىز­مەتى تۋرالى بيبليو­گرا­فيالىق جازبالار ۇسىنىلدى.

قوعام قايراتكەرى ەرجان ٴۋايىس، نازاربايەۆ زياتكەرلىك مەكتەبىنىڭ ٴباسپاسوز حاتشىسى ەلەنا رىبينا، قىزىلوردا مەملەكەتتىك ۋنيۆەرسيتەتىنىڭ «قورقىتتانۋ جانە ولكە تاريحى» عىلىمي زەرتتەۋ ينستيتۋتىنىڭ عىلىمي قىزمەتكەرى احمەتبەك باقىتجان قۇتتىقتاۋ لەبىزدەرىن ٴبىلدىردى. تاۋەلسىزدىك قۇرداستارى پرەزيدەنت، قازاقستان تۋرالى ولەڭدەر وقىدى جانە پاتريوتتىق اندەر ورىندالدى. شارا قاتىسۋشىلارىنا ەلباسىنىڭ ٴومىرى مەن قىزمەتى، ەڭبەكتەرى جازىلعان «تۇڭعىش پرەزيدەنت» اتتى بۋكلەتتەر تاراتىلدى.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي