USD 335.61 EUR 361.32 RUB 5.26
استانا:

سۇيىكتى وتانىمىزعا ارنالادى

30 قاراشادا «استانا وپەرا» تەاترىنىڭ كامەرالىق زالىندا بەلگىلى قازاقستاندىق كومپوزيتورلار - سەرىكجان ٴابدىنۇروۆتىڭ «وتان» جانە ٴالىبي ٴابدىنۇروۆتىڭ قازاقستان رەسپۋبليكاسىنىڭ تۇڭعىش پرەزيدەنتىنە ارناعان «ەلباسى» اندەرىنىڭ تۇساۋى كەسىلەدى.

قازاقستان رەسپۋبليكاسىنىڭ تۇڭعىش پرەزيدەنتى كۇنىنە جانە تاۋەلسىزدىگىنىڭ 25 جىلدىعىنا ارنالعان «وتان، ساعان ارنايمىز» كونسەرتىنىڭ باعدارلاماسىندا، حالىق ٴسۇيىپ تىڭدايتىن وتاندىق اۆتورلاردىڭ شىعارمالارى دا ۇسىنىلماقشى. كەشتە ە. برۋسيلوۆسكيي، ع. جۇبانوۆا، ە. راحماديەۆ، ن. تىلەنديەۆ، س. ەركىمبەكوۆ، ك. كۇمىسبەكوۆ، س. بايتەرەكوۆ، ك. ىبىرايەۆ جانە تاعى باسقا اۆتورلاردىڭ اندەرى، رومانستارى، اسپاپتىق كومپوزيسيالارى ورىندالادى. حالىق اسپابىن ۇناتاتىندار ٴۇشىن قوبىزدا ورىندالاتىن دينا نۇرپەيىسوۆانىڭ «ناۋاي» كۇيى تاماشا تارتۋ بولادى. سونداي-اق، تىڭدارمان نازارىنا كوپۇلتتى قازاقستان حالقىنىڭ ومىرگە، تۋعان ەلگە دەگەن سۇيىسپەنشىلىگى جايلى شىعارمالارى ۇسىنىلادى، ولاردىڭ ىشىندە گ. سۆيريدوۆتىڭ «و وتان، باقىتتى دا ەرەكشە ٴسات»، س. تۋليكوۆتىڭ «وتان» جانە ۆ. باسنەردىڭ «قالقان جانە سەمسەر» كينوفيلمىنەن «وتان نەدەن باستالادى» ٴانى جانە تاعى باسقالارى بار.

مۋزىكا كەشىندە ايزادا قاپونوۆا، سالتانات مۇراتبەكوۆا، بەيىمبەت تاڭارىقوۆ، ەسكەندىر ٴابجانوۆ، ٴمادينا يسلاموۆا، روزا نۇركەي، ەلەنا گانجا، ەرۇلان كامەل، كونستانتين ستريگين، گۇلنۇر ەرمانوۆا، ايدا قۇرمانايەۆا، ٴومىرجان ٴقادىروۆ، ەرمەك بەرىمجانوۆ سىندى دارىندى ۆوكالشىلار، سونداي-اق، «استانا وپەرا» سيمفونيالىق وركەسترىنىڭ شەبەر مۋزىكانتتارى مەن قازاق ۇلتتىق ونەر ۋنيۆەرسيتەتىنىڭ «ەلىگاي» بالالار حورى (كوركەمدىك جەتەكشىسى جانە ديريجەرى ە. سانسىزبايەۆ) ونەر كورسەتەدى.

فورتەپيانو پارتياسىندا – حالىقارالىق بايقاۋلاردىڭ جەڭىمپازدارى راۋشان بەسكەمپىروۆا، گاۋھار تاسبەرگەنوۆا، جانار احمەتوۆا. جۇرگىزۋشى – مۋزىكاتانۋشى ساۋلە ماۋلەتوۆا، ولەڭ وقيتىن – ەلتاي مۇستانوۆ.

باستالۋى 19:00، بيلەت باعاسى – 2000 تەڭگە.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي