USD 335.71 EUR 357.36 RUB 5.23
استانا:

«سوعىس بالالارى» اتتى كورمەگە شاقىرادى

2016 جىلى 27-قازانىندا قازاقستان رەسپۋبليكاسىنىڭ مەملەكەتتىك ٴا. قاستەەۆ اتىنداعى ونەر مۇراجايى يسپانيانىڭ قازاقستانداعى ەلشىلىگىمەن بىرلەسە ۇسىنىپ وتىرعان «سوعىس بالالارى» اتتى كورمەگە شاقىرادى. اتالمىش ٴىس-شارانىڭ ەكى مەكەمە ٴۇشىن دە ماڭىزى اسا زور، ويتكەنى ول ەكى جاقتى ىنتىماقتاستىق شەڭبەرىندە جوسپارلانعان ٴىس-شارالار لەگىندە ەڭ العاشقىسى بولىپ تابىلادى. كورمە 20-قاراشاعا دەيىن وتەدى.

قۇجاتتاردان، ەستەلىكتەردەن، حاتتاردان، جەكە جازبالاردان، سۋرەتتەردەن، فوتوسۋرەتتەردەن، مۇعالىمدەردىڭ باياندامالارىنان قۇرالعان بۇل جيناق – ٴبىرقاتار ۇيىمدار مەن جەكە تۇلعالار جۇرگىزگەن ۇزاق زەرتتەۋلەردىڭ جەمىستى ناتيجەسى، ولاردىڭ اراسىندا: ماسكەۋدەگى يسپان ورتالىعى، «مۇراعات، سوعىس جانە قۋعىن-سۇرگىن» اسسوسياسياسى جانە ونىڭ باس حاتشىسى دولورەس كابرا حانىم، «اڭساۋ» قورى، كاتالونيانىڭ ۇلتتىق مۇراعاتى جانە كورمەنىڭ جەتەكشىسى حۋان بارسەلو مىرزا.

ۇسىنىلىپ وتىرعان كورمە 27 قازاننان 20 قاراشاعا دەيىن جالعاسادى، ول يسپانيانىڭ قازىرگى زامان تاريحىنىڭ ٴبىر بولىگىن جانە بۇرىنعى كەڭەس سوسياليستىك رەسپۋبليكالار وداعىنىڭ تاريحىن، سايكەسىنشە، قازاقستاننىڭ دا تاريحىن قامتيدى. بۇل كورمە مىڭداعان يسپاندىق بالالاردىڭ باسىنان وتكەن قاسىرەتىن كورسەتەدى، ولار 1937 جىلدان باستاپ، يسپانياداعى ازاماتتىق سوعىس (1936-1939) جاعدايىندا ەلدەن كوشىرىلىپ، بۇرىنعى كسرو-دان پانا تاپتى، الايدا ودان دا قاتىگەز ەكىنشى دۇنيەجۇزىلىك سوعىستىڭ سالدارىنان، قايعى-قاسىرەتتەرى سول جەردە دە جالعاستى.

سونىمەن قاتار، اتالمىش كورمە نيەتتەستىك پەن ىنتىماقتاستىقتىڭ تاماشا تاريحىن كورسەتەدى، ماسەلەن، ورىس حالقى جانە كەڭەس سوسياليستىك رەسپۋبليكالاردىڭ حالقى سول يسپان بالالارىن قۇشاق جايا قارسى الىپ، ولارعا بارىنشا قامقور بولىپ، جاقسى ٴبىلىم بەرىپ، لايىقتى ٴومىر بەردى.

اتالمىش كورمەنىڭ تۇپكى ماقساتى – كىشكەنتاي كەزدەرىنەن-اق سوعىستىڭ سۇراپىل زاردابىن كورۋگە ٴماجبۇر بولعان بالالاردى قۇرمەتپەن ەسكە الۋ.

كورمەنىڭ جەتەكشىسى – ايدا ادىلبەكوۆا

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي