USD 334.89 EUR 361.61 RUB 5.28
استانا:

نوۆوسىبىرلىك تەاتر ۇسىناتىن وپەرالىق كۆەست

"استانا وپەرا" تەاترىندا دج. ٴپۋچچينيدىڭ "تۋراندوت" جاۋھارى، ادەتتەن تىس وپەرالىق كۆەست تۇرىندە العاش رەت قويىلادى! ٴنوۆوسىبىردىڭ مەملەكەتتىك اكادەميالىق وپەرا جانە بالەت تەاترىنىڭ گاسترولى ٴبىر-اق كۇن - 1 جەلتوقساندا ۇلكەن زال ساحناسىندا وتەدى.

نوۆوسىبىرلىك تەاتردىڭ وپەرا سوليستتەرى، حورى مەن سيمفونيالىق وركەسترى ەلوردالىق كورەرمەنگە ٴۇش اكتىلى سپەكتاكلدى ٴبىرىنشى رەت ۇسىنادى.

- ٴبىزدىڭ استانادا «تۋراندوت» وپەراسىن قوياتىنىمىز كەزدەيسوق ەمەس. بۇل سپەكتاكل – بيىلعى جىلى تۇساۋى كەسىلگەن ۇزدىك قويىلىمداردىڭ ٴبىرى، مۇندا، مەنىڭ ويىمشا، كلاسسيكالىق وپەرالىق ٴداستۇر جۇمباققا تولى ەلىكتىرگىش شىعىسپەن ۇشتاسادى. سپەكتاكلدى قويۋدا ۇلكەن ۇلەس قوسقان قازاقستاننىڭ سۋرەتشى سسەنوگرافتارى – سوفيا تاسماعامبەتوۆا مەن پاۆەل دراگۋنوۆتى ەرەكشە اتاپ وتكىم كەلەدى، مەن ولاردىڭ شەبەرلىكپەن ورىندالعان جۇمىسىنا شەكسىز ريزاشىلىعىمدى بىلدىرەمىن، - دەيدى ٴنوۆوسىبىردىڭ اكادەميالىق وپەرا جانە بالەت تەاترىنىڭ باس ديرەكتورى ۆلاديمير كەحمان.

ۇلى يتاليالىق كومپوزيتور دج. ٴپۋچچينيدىڭ سوڭعى، اياقتالماعان تۋىندىسى تىڭدارماندى تەرەڭدىگىمەن، اۋقىمدىلىعىمەن، قانىق بوياۋىمەن، سونداي-اق دراماتيزمىمەن، نازىك تە تاڭداۋلى ۇندەستىگىمەن جانە قىتاي ناقىشىن وزىنشە پايدالانا بىلۋىمەن تاڭ قالدىرادى. ليبرەتتو جازۋشىلارى دج. ادامي جانە ر. سيموني، ٴحىى عاسىرداعى ٴازىربايجاندىق جازۋشى نيزامي پوۆەسىنىڭ سارىنى بويىنشا قويىلعان ك. گوسسيدىڭ اتتاس دراماسىن نەگىزگە العان. وپەرا العاش رەت 1926 جىلى 25 ساۋىردە لا سكالا تەاترىندا ا. توسكانينيدىڭ جەتەكشىلىگىمەن ورىندالدى.

قويۋشىلار ويلاستىرعانداي، ٴبارىن جەڭىپ شىقسا دا قۇربان بولاتىن ماحاببات تۋرالى ەرتەگى دراماسىنىڭ كورىنىسى، ۆاسيليي كاندينسكييدىڭ ابستراكتىلى سۋرەتتەرىنىڭ اياسىندا ٴوربيدى. سپەكتاكلدىڭ رەجيسسەرى ۆياچەسلاۆ ستارودۋبسەۆ وپەرالىق كۆەستپەن تانىسۋ بارىسىندا كورەرمەندى نە كۇتەتىنىن ايتىپ بەردى: «اعىلشىننىڭ «quest» (ىزدەنىس) جانە "question" (سۇراق) سوزدەرى ورتاعاسىرلىق لاتىن تىلىندە «questa» (ىزدەنىس، سۇراق) دەگەندى بىلدىرەدى. سيۋجەتتە وسى سۇراقتار بار: تۋراندوت حانشايىم حانزادالارعا جۇمباق جاسىرادى، ەگەر ولار دۇرىس جاۋاپ بەرمەسە، وندا ولىمگە كەسىلەدى. بارلىق سۇراقتارعا جاۋاپ بەرگەن كالاف، تۋراندوت ٴوز ەركىمەن كەلىسىمىن بەرسىن دەگەن ويمەن، وعان ٴوز جۇمباعىن - ەسىمىن جاسىرادى. وپەرالىق كۆەست ارقىلى كورەرمەن بۇل جانردى ٴبىز – قويۋشىلار مەن ارتىستەر سياقتى جاقسى كورسە دەيمىز».

تۋراندوت حانشايىمنىڭ پارتياسىن حالىقارالىق بايقاۋلاردىڭ لاۋرەاتى، «التىن بەتپەردە» ۇلتتىق تەاتر فەستيۆالىنىڭ ديپلومانتى ولگا كولوبوۆا ورىندايدى، كالاف – رومان زاۆادسكيي، ليۋ – حالىقارالىق بايقاۋلاردىڭ لاۋرەاتى، «التىن بەتپەردە» ۇلتتىق تەاتر فەستيۆالىنىڭ ديپلومانتى يرينا چۋريلوۆا، تيمۋر – رەسەيدىڭ ەڭبەك سىڭىرگەن ٴارتىسى ۆلاديمير وگنەۆ، پينگ – ۆالەريي گوردەەۆ، پانگ – كيريلل نيفونتوۆ، پونگ – يۆان گىنگازوۆ، يمپەراتور التوۋم – رەسەيدىڭ ەڭبەك سىڭىرگەن ٴارتىسى يۋريي كوموۆ، ماندارين – حالىقارالىق بايقاۋلاردىڭ لاۋرەاتى الەكسەي لاۋشكين. ديريجەرلىق تىزگىندە - تەاتردىڭ مۋزىكالىق جەتەكشىسى ٴارى باس ديريجەرى دميتريي يۋروۆسكيي. حورمەيستەر –رەسەيدىڭ ەڭبەك سىڭىرگەن قايراتكەرى ۆياچەسلاۆ پودەلسكيي.

ەستەرىڭىزگە سالا كەتەيىك، ٴنوۆوسىبىردىڭ مەملەكەتتىك اكادەميالىق وپەرا جانە بالەت تەاترىنىڭ العاشقى قازاقستاندىق گاسترولدەرى 2014 جىلى وتكەن. «استانا وپەرا» تەاترىنىڭ ساحناسىندا ر. پەتيدىڭ "كارمەن" جانە ە. ليانگانىڭ "تۇنەكتەگى سىبىر" اتتى ٴبىر اكتىلى بالەتتەرى قويىلىپ، وپەرا سوليستتەرىنىڭ مازمۇندى كونسەرتتىك باعدارلاماسى ۇسىنىلدى.

باستالۋى 19:00، بيلەت باعاسى 500 تەڭگەدەن جوعارى.

سسىلكي پو تەمە:
08 جەلتوقسان 2016, 15:45
قىس كەزىندەگى جالىندى تانگو
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي