USD 334.89 EUR 361.61 RUB 5.28
استانا:

«مۇتىلعاننىڭ تاعدىرى» ٴبىلىم سايىسى

ابايدىڭ «جيدەباي-بورىلى» مەملەكەتتىك تاريحي-مادەني جانە ادەبي-مەموريالدىق قورىق-مۇراجايىندا قاراشا ايىنىڭ 29 كۇنى قازاق ادەبيەتىندەگى اسا كورنەكتى اقىن، عۇلاما ويشىل، قوعام قايراتكەرى ش.قۇدايبەردى ۇلىنىڭ ٴومىرى مەن شىعارماشىلىعىنا ارنالعان «مۇتىلعاننىڭ تاعدىرى» اتتى ٴبىلىم سايىسى ٴوتتى.

داستۇرگە اينالعان سايىستىڭ باستى ماقساتى – ابايدىڭ اقىن شاكىرتى، جازۋشى، تاريحشى، وزىق اۋدارماشى، فيلوسوف، سازگەر شاكارىم قۇدايبەردى ۇلىنىڭ ٴومىرىن، ونىڭ مۇراسىن جاسوسپىرىمدەر اراسىندا تەرەڭ بىلۋگە ىنتالاندىرۋ جانە كەڭىنەن ناسيحاتتاۋ.

سايىستى اباي قورىق-مۇراجايى ديرەكتورىنىڭ عىلىمي جۇمىستار جونىندەگى ورىنباسارى م.قايرامبايەۆا العى سوزىمەن اشىپ، قاتىسۋشىلارعا ساتتىلىك تىلەدى.

شاراعا سەمەي قالاسىنىڭ جوعارعى وقۋ ورىندارىنىڭ جانە قالا كوللەدجدەرىنىڭ ستۋدەنتتەرىنەن قۇرالعان بەس توپ قاتىستى.

سايىس ٴۇش بولىمنەن تۇردى:

ٴى. ٴۇي تاپسىرماسى. شاكارىم ٴومىرى مەن شىعارماشىلىعى جايىندا ونەر (كورىنىس، ٴان، حور، ت.ب.) كورسەتۋ.

ٴىى. سۇراقتارعا جاۋاپ بەرۋ.

ٴىىى. شاكارىم ولەڭدەرىن جاتقا وقۋ.

سايىسقا قاتىسۋشىلارعا تومەندە كورسەتىلگەن تاقىرىپتار ۇسىنىلدى:

- شاكارىمنىڭ ٴومىربايانى;

- شاكارىم شىعارمالارىنىڭ شىعۋ تاريحى;

- شاكارىم ليريكاسى;

- شاكارىمنىڭ پوەمالارى;

- شاكارىمنىڭ قوعامداعى قىزمەتى.

وسى تالاپتارعا ساي ٴادىلقازى القاسى: سەمەي قالاسىنىڭ تىلدەردى وقىتۋ ورتالىعىنىڭ ديرەكتورى، اقىن و.سوعىمباي، قازاق يننوۆاسيالىق گۋمانيتارلىق-زاڭ ۋنيۆەرسيتەتىنىڭ اعا وقىتۋشىسى، ف.ع.ك. ت.قابىشەۆ، ت.امانوۆ اتىنداعى №16 مەكتەپتىڭ قازاق ٴتىلى مەن ادەبيەتى ٴپانىنىڭ ٴمۇعالىمى گ.قۇنافينا جانە اباي قورىق-مۇراجايىنىڭ قىزمەتكەرلەرى توپتاردىڭ ٴبىلىمىن، ونەرىن باعالاپ، سايىستىڭ ناتيجەلەرىن قورىتىندىلادى.

i-ورىندى م.اۋەزوۆ اتىنداعى پەداگوگيكالىق كوللەدجىنىڭ «اۋەزوۆشىلەر» توبى، ii-ورىندى شاكارىم اتىنداعى سەمەي مەملەكەتتىك ۋنيۆەرسيتەتىنىڭ «شۇعىلا» توبى، iii-ورىندى قازاق يننوۆاسيالىق گۋمانيتارلىق-زاڭ ۋنيۆەرسيتەتىنىڭ «ۇركەر» توبى يەلەندى. جەڭىمپاز توپتار ديپلومدار جانە باعالى سىيلىقتارمەن ماراپاتتالدى.

سونداي-اق ر.بايسەيىتوۆ اتىنداعى سەمەي قارجى-ەكونوميكالىق كوللەدجىنىڭ «جاستار» توبىنا، «اۆيسەننا» كوللەدجىنىڭ «مۇتىلعان» توبىنا جانە توپتاردى دايىنداعان ۇستازدارعا، جەتەكشىلەرگە ارنايى العىس حاتتار تابىستالدى.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي