USD 336.23 EUR 360.3 RUB 5.28
استانا:

مۇحتارحان ورازبايمەن شىعارماشىلىق كەزدەسۋ وتەدى

2016 جىلعى 20 قازان، ساعات 11.00-دە ن.ق.داۋلەتوۆا اتىنداعى كورمەلەر زالىندا بەلگىلى عالىم، تاريح عىلىمدارىنىڭ دوكتورى، شەت تىلدەر جانە ىسكەرلىك مانساپ ۋنيۆەرسيتەتىنىڭ پروفەسسورى مۇحتارحان ورازبايمەن شىعارماشىلىق كەزدەسۋ وتەدى.

ٴىس-شارا اياسىندا م.ورازباي قر ۇلتتىق كىتاپحاناسىنىڭ قورىنا ٴوزىنىڭ جەكە كىتاپحاناسىنان قازاق، قىتاي جانە تۇرىك تىلدەرىندە كىتاپتار مەن مەرزىمدى باسىلىمداردى سىيعا تارتادى. وسى ارقىلى كىتاپ قورىنىڭ وسۋىنە جانە كوپ تۇرلىلىگىنە ٴوز ۇلەسىن قوسپاق.

م.ورازباي قازاقستان تاريحى جانە ورتالىق ازيا بويىنشا «قازاق تاريحى»، «ەۋرازيا جانە قازاق تاريحى» سياقتى جانە ت. ب. كوپتەگەن عىلىمي ەڭبەكتەردىڭ، سونداي-اق 500-دەن اسا عىلىمي ماقالالاردىڭ اۆتورى. ٴوز ەڭبەكتەرىن تەك قانا قازاق تىلىندە ەمەس، سونداي-اق قىتاي، تۇرىك تىلدەرىندە جازادى.

م.ورازباي عىلىمي باسىلىمداردان باسقا پوەزيا جانە پروزاعا جۇگىنەدى. «اداسپا اسىل دوس» پوۆەسى، اڭگىمەلەر جيناعى جانە ت.ب. ونىڭ ۇشقىر قالامىنان شىقتى. وسىنىڭ ارقاسىندا ول اقش، جاپونيا، تۇركيا باسقا دا كوپتەگەن حالىقارالىق عىلىمي جانە پوەتيكالىق قوعامداردىڭ مۇشەسى بولدى. بۇدان باسقا م.ورازباي تۇركيا رەسپۋبليكاسىنىڭ عىلىم جانە مادەنيەت سالاسىنداعى عىلىمي سىيلىقتىڭ ەڭبەك سىڭىرگەن لاۋرەاتى بولدى.

قاتىسۋشىلار: جازۋشىلار، قوعام قايراتكەرلەرى، جوعارعى وقۋ ورىندارىنىڭ ستۋدەنتتەرى، باق وكىلدەرى.

بايلانىس تەلەفونى: 267-28-66

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي