USD 334.31 EUR 355.17 RUB 5.31
استانا:

م.اۋەزوۆ تەاترى «اقتاستاعى احيكو» دراماسىنىڭ پرەسس-كونفەرەنسياسىنا شاقىرادى

وتەتىن ۋاقىتى: 2016 جىلدىڭ 18 قازانى، ساعات 15:00

وتەتىن جەرى : م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ عيماراتى

ٴباسپاسوز ٴماسليحاتىنا قاتىساتىندار:

ەرلان ٴبىلال - تەاتر ديرەكتورى، قازاقستاننىڭ ەڭبەك سىڭىرگەن قايراتكەرى

ٴاسانالى ٴاشىموۆ- تەاتردىڭ كوركەمدىك جەتەكشىسى، كسرو حالىق ٴارتيسى

اسحات ماەميروۆ – قويۋشى-رەجيسسەر، قازاقستاننىڭ ەڭبەك سىڭىرگەن قايراتكەرى

ٴمادينا وماروۆا - دراماتۋرگ

دۋلىعا اقمولدا – احيكو تەسۋرو ٴرولىن ورىنداۋشى اكتەر،

قازاقستاننىڭ ەڭبەك سىڭىرگەن قايراتكەرى

داناگۇل تەمىرسۇلتانوۆا- انا ٴرولىن ورىنداۋشى اكتريسا،

قازاقستاننىڭ ەڭبەك سىڭىرگەن قايراتكەرى

ساتۋرۋ تاكاناسي- جاپونيانىڭ قازاقستانداعى ەلشىلىگىنىڭ ٴ3-شى حاتشىسى

«اقتاستاعى احيكو» دراماسى - م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ 91 ماۋسىمىنىڭ العاشقى پرەمەراسى. تەاتر بۇل جاڭا قويىلىمىن قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارناپ وتىر.

قارلاگتى زەرتتەۋشى، زاڭ عىلىمدارىنىڭ دوكتورى، پروفەسسور، قازاقستان رەسپۋبليكاسى پارلامەنتى ٴماجىلىسىنىڭ دەپۋتاتى نۇرلان دۋلاتبەكوۆتىڭ يدەياسى بويىنشا دراماتۋرگ اۆتورى ٴمادينا وماروۆا جازىپ، قازاقستاننىڭ ەڭبەك سىڭىرگەن قايراتكەرى، رەجيسسەر اسحات ماەميروۆ ساحنالاعان بۇل قويىلىم تەاتر ۇجىمىنىڭ قازاقستان رەسپۋبليكاسىنىڭ تاۋەلسىزدىگىنىڭ 25 جىلدىعىنا ارناعان ۇلكەن جوباسى.

«قارلاگ» – كەڭەس وداعىنداعى لاگەرلەردىڭ باس باسقارماسى گۋلاگ-تىڭ قازاقستانداعى ەڭبەكپەن تۇزەۋ لاگەرلەرىنىڭ ٴبىرى بولدى. قۋعىن-سۇرگىنگە ٴۇشىراعانبىر ميلليونعا جۋىق ادام كارلاگتا نەبىر ازاپتى كەزەڭدى باستان وتكەردى. ولاردىڭ اراسىندا قازاقتارمەن قاتار ورىستار، ۋكرايندار، لاتىشتار، ەستوندار، پولياكتار، ەۆرەيلەر، نەمىستەر، جاپوندار، فرانسۋزدار، يتاليالىقتار، تاعى دا باسقا كوپتەگەن ۇلتتار وكىلدەرى بولدى. سولاردىڭ ٴبىرى - جاپوندىق احيكو تەسۋرو.

سپەكتاكلگە وسى احيكونىڭ قيلى تاعدىرى ارقاۋ بولدى. ناقتىراق ايتقاندا، كەڭەس ۇكىمەتى كەزىندە ستاليندىك قۋعىن-سۇرگىنگە ۇشىراپ، 17 جاسىندا جازىقسىزدان جازىقسىز اتاقتى قارلاگ تۇرمەسىنە ٴتۇسىپ، جاستىق شاعىن ازاپتى ومىرمەن وتكىزگەن، بوساپ شىققان سوڭ، قاراعاندى ماڭىنداعى اقتاس قالاسىندا تۇراقتاپ، قونىستانىپ قالعان احيكو ەسىمدى جاپون ازاماتىنىڭ تاعدىرى كوركەم باياندالادى.

كەيىن اكەسىمەن جانە باۋىرلارىمەن قاۋىشقان احيكو تەسۋرو ٴوزىنىڭ تاريحي وتانىنا بارادى، ٴبىراق، قازاقستانعا قايتا ورالادى.

ٴقازىر احيكو اقساقال 85 جاستا. 11 نەمەرە، 5 شوبەرە ٴسۇيىپ، ۇلكەن اۋلەتتىڭ باسى بولىپ وتىر.

احيكو تەسۋرونىڭ تاعدىر جولى – ستاليندىك زۇلمات جىلدارىندا قازاقستانعا قونىس اۋدارعان، ايدالىپ، جازىقسىز سوتتالىپ لاگەرلەرگە اكەلىنگەن مىڭداعان ادامداردىڭ، ٴتۇرلى ۇلت وكىلدەرىنىڭ تاعدىرى. قويىلىمدا احيكونىڭ تاعدىرى ارقىلى، حح عاسىرداعى ەڭ اۋىر كەزەڭدە، ازاپ لاگەرلەرىندە وتىرىپ، ٴوزىنىڭ ادامي بەينەسىن ساقتاپ قالعان رۋحى مىقتى، جاسامپاز جانداردىڭ جيىنتىق بەينەسى جاسالعان.

قويىلىم سوڭىنداعى احيكونىڭ مونولوگى «پەيىلى كەڭ، قۇشاعى ىستىق قازاقستانداي ەلىمىز بار. تىرشىلىگىمىزدىڭ ٴالسىز شىراعى سونەر شاقتا، پانا بولدى. سان مىڭداعان رۋحتى امانات ەتىپ قابىلداپ، كوبەسىن بۇزباي، قاتارىن سيرەتپەي وتان-انالارىنا قايتاردى. مەن بولسام، وزىڭە قايتا ورالدىم، قازاقستانىم. ٴوز وتانىمدى سۇيمەگەندىكتەن ەمەس، سەنىڭ الدىڭدا بورىشتار بولعاندىقتان. تۇعىرى – اسقاق، بولمىسى – پاڭ، ٴبىتىمى – بەكزات قازاق ەلى – ەندى مەنىڭ ەلىم. ىنتىماقتىڭ ۇياسى، جەرۇيىق مەكەن قازاقستان – ەندى مەنىڭ وتانىم»، - دەگەن وزەكجاردى سوزدەرمەن اياقتالادى.

قازاقستاننىڭ تەاتر كەڭىستىگىندە تۇڭعىش رەت كوزى ٴتىرى ساياسي قۋعىن-سۇرگىن قۇربانىنىڭ تاعدىرى دەرەكتى دراماعا ارقاۋ بولىپ، ساحنادان العاش رەت كورسەتىلەدى.احيكو تەسۋرو بەينەسى - بارلىق قازاقستاندىقتاردى ەلدىك پەن بىرلىككە، كەلىسىم مەن ىنتىماققا ۇندەيدى.

سپەكتاكل پرەمەراسى 22، 23 قازاندا بولادى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي