USD 335.71 EUR 357.36 RUB 5.23
استانا:

«قازاق ٴۆالسى» مۋزىكالىق ۆەرنيساجى بولادى

2016 جىلى 1 جەلتوقساندا ساعات 19.00-دە ٴا. قاستەەۆ اتىنداعى قر مەملەكەتتىك ونەر مۋزەيىندە قازاقستان تاۋەلسىزدىگىنىڭ 25 جىلدىعى مەن پرەزيدەنت كۇنىنە ارنالعان «قازاق ٴۆالسى» مۋزىكالىق ۆەرنيساجى بولادى. حالىقارالىق كونكۋرستاردىڭ لاۋرەاتتارى اقالتىن بەكبولاتوۆا (ۆوكال) مەن ٴاليا يسابايەۆا (رويال) قازاق وپەرالارىنان اريالار، كۇلاش بايسەيىتوۆا، بيبىگۇل تولەگەنوۆا، روزا باعلانوۆا جانە ت.باسقالاردىڭ رەپەرتۋارىنان اندەر ورىندايدى.

كونسەرت قازاق بەينەلەۋ ونەرىنىڭ شەبەرلەرى ۇلى دالانىڭ كورنەكتى كۇمىس كومەي، جەز تاڭداي انشىلەرى كۇلاش بايسەيىتوۆا، بيبىگۇل تولەگەنوۆا، روزا باعلانوۆا، شولپان جانداربەكوۆا جانە باسقالاردىڭ تەرەڭ ويلى بەينەلەرىن ماڭگىلىككە قالدىرعان قازاقستان زالىندا وتەدى. ولار – قازاق حالقىنىڭ داڭقتى قىزدارى – قىز جىبەك، اقتوقتى، سارا، ايسۇلۋدى جانە قازاق فولكلورى مەن وپەرالارىنىڭ باسقا دا قاھارماندارىن شىرقاتىپ، قازاق حالقىنىڭ جۇرەگىندە وشپەس ٴىز قالدىرعان انشىلەر.

اقالتىن بەكبولاتوۆا – قۇرمانعازى اتىنداعى ۇلتتىق كونسەرۆاتوريانىڭ تۇلەگى، قازاقستان رەسپۋبليكاسى قورعانىس مينيسترلىگىنىڭ ورتالىق انسامبلىندە جەكە داۋىستاعى ٴانشى. رەسپۋبليكالىق جانە حالىقارالىق، كۇلاش بايسەيىتوۆا اتىنداعى رەسپۋبليكالىق كونكۋرستىڭ قاتىسۋشىسى جانە لاۋرەاتى. اقالتىن قورعانىس مينيسترلىگىنىڭ انسامبلىمەن رەسەي، گەرمانيا، تۇركيادا گاسترولدىك ساپارلاردا بولدى، قازاقستان، اقش، ۇلىبريتانيا، قىتاي جانە ت.ب. ەلدەردىڭ ارمياسىنىڭ حالىقارالىق اسكەري وقۋ-جاتتىعۋلارىنا ارنالعان كونسەرتتەرگە قاتىستى.

كەشتى جۇرگىزۋشى ٴا. قاستەەۆ اتىنداعى قر ٴموم-نىڭ مەنەدجمەنت جانە سىرتقى بايلانىس ورتالىعىنىڭ جەتەكشىسى كلارا يسابايەۆا.

انىقتاما تەلەفوندارى – 394-57-18، 8-705-888-6562، 8-747-181-5126.

بيلەتتىڭ قۇنى – 2500 تەنگە. بيلەتتىڭ قۇنىنا: 1) ساعات 17.00-دەن 19.00-گە دەيىن مۋزەيدى ارالاپ شىعۋ; 2) 18.30-دەن – كوفە-برەيك; 3) 19.00-دەگى «قازاق ٴۆالسى» كونسەرتى كىرەدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي