USD 336.23 EUR 360.3 RUB 5.28
استانا:

يتالياندىق بالەت جۇلدىزدارى استاناعا كەلەدى

29 قازان كۇنى ەلوردالىق تەاتردىڭ ۇلكەن زالى ساحناسىندا «استانا وپەرا» تەاترىنىڭ جارقىراعان ارتىستەرى مەن نەاپوليتاندىق سان-كارلو تەاترىنىڭ بەلگىلى ارتىستەرىنىڭ قاتىسۋىمەن كەرەمەت گالا-بالەت ۇسىنىلادى. كونسەرت «استانا وپەرا» سيمفونيالىق وركەسترىنىڭ سۇيەمەلدەۋىمەن وتەدى. ديريجەرى – ارمان ورازعاليەۆ.

سان-كارلو تەاترى اتىنان 6 سوليست كەلەدى، سونىڭ ەكەۋى – ميلاندىق لا سكالادان شاقىرىلعاندار: كەربەز انتونەللا البانو جانە جۇرەكتى باۋراپ الاتىن ماۋريسيو ليچيترا. نەاپوليتاندىق سان-كارلو تەاترىنىڭ جارقىراعان جۇبى – اننا كيارا اميرانتە جانە الەسساندرو ستايانو مەن كلاۋديا د'انتونيو جانە سالۆاتورە ماندزو كلاسسيكالىق جانە زاماناۋي حورەگرافيالىق نومىرلەردى ورىندايدى. سونداي-اق، ەلوردالىق كورەرمەن نازارىنا «blاck stone»، «tangonpoint» جانە تاعى باسقا جاڭا مينياتيۋرالار ۇسىنىلماقشى.

- باعدارلاماعا توقتالساق، قازىرگى زامانعى «black stone» («قارا تاس») نومەرى جايلى بىرەر ٴسوز ايتقىم كەلەدى. ونى اننا كيارا اميرانتە جانە الەسساندرو ستايانو ورىندايدى. تالانتتى يتالياندىق قويۋشى دجانلۋكي سكياۆونيدىڭ حورەوگرافياسى. فيزيكالىق كۇشتىڭ دەنە سەزىمتالدىعىمەن ۇيلەسۋى، بۇل ٴۇزىندىنى ناعىز گاۋھارعا اينالدىرادى. كلاۋديا د’انتونيو مەن سالۆاتورە ماندزونىڭ ورىنداۋىنداعى تاعى ٴبىر قىزىقتى نومەر – «كارمينا بۋرانا» - تاسىعان كۇش-قۋاتتىڭ تاماشا كورىنىسى. ارتىستەردىڭ قيمىل-قوزعالىسى ادام سەنگىسىز اسەم، بۇل نومەردە دەنە مەن بەتتىڭ بەينەلىلىگىنە ەرەكشە ٴمان بەرىلگەن، - دەپ اتاپ ٴوتتى سان-كارلو تەاترىنىڭ باسشىلىعى.

- ٴبىز سان-كارلو تەاترىنداعى دوستارىمىزدى كورەتىنىمىزگە قۋانىشتىمىز، ولار بۇعان دەيىن تەاترىمىزعا بۇكىل كوردەبالەت قۇرامىمەن كەلىپ، «جيزەل» بالەتىن قويعان. بىزدەر، ارتىستەر ٴۇشىن مۇنداي كەزدەسۋلەر وتە ماڭىزدى، ويتكەنى ٴوزارا تاجىريبە الماسىپ، جاعىمدى سەزىمنەن قۋات الامىز، ال، ونىڭ ٴبارى كەيىن ٴبىزدىڭ كورەرمەنگە بەرىلەدى، - دەيدى قازاقستاننىڭ ەڭبەك سىڭىرگەن قايراتكەرى تايىر عاتاۋوۆ.

«استانا وپەرا» ارتىستەرى دە ەلوردا تۇرعىندارى مەن قوناقتارى ٴۇشىن ٴبىرقاتار توسىن سىي دايىندادى. گالا-بالەت باعدارلاماسى اياسىندا تاياۋدا عانا بالەت ارتىستەرىنىڭ ٴىىى حالىقارالىق بايقاۋىنىڭ جەڭىمپازى اتانعان باقتيار ادامجان مەن سەرىك ناقىسپەكوۆ، بايقاۋدا جەڭىسكە جەتكىزگەن زاماناۋي نومەرلەرىن ورىندايدى. «استانا وپەرا» تەاترى بالەتىنىڭ جاڭا ٴسوليستى ولجاس تارلانوۆ، پ. چايكوۆسكييدىڭ «اققۋلى كول» بالەتىنەن پا-دە-دەنى تەاتردىڭ جەتەكشى ٴسوليستى ايگەرىم بەكەتايەۆامەن بىرگە ورىنداپ، العاش رەت زيگفريدتىڭ ٴرولىن سومدايدى.

ٴوز ونەرىن كورەرمەنگە تارتۋ ەتەتىن تەاتردىڭ جەتەكشى سوليستتەرى - قازاقستاننىڭ ەڭبەك سىڭىرگەن قايراتكەرى ٴمادينا باسپايەۆا جانە انەل رۇستەموۆا. سونىمەن قاتار، «استانا وپەرا» ساحناسىندا سيرەك ورىندالاتىن ف. شوپەننىڭ «ەلەستەگى بال» بالەتىنەن دۋەت قازاقستاننىڭ ەڭبەك سىڭىرگەن قايراتكەرلەرى گاۋھار ۋسينا مەن جاندوس اۋباكىروۆتىڭ ورىنداۋىندا ۇسىنىلادى، سونداي-اق باعدارلامادا د. بريانسەۆتىڭ حورەوگرافياسى جانە تاعى باسقالارى بار.

«استانا وپەرا» تەاترى بالەتىنىڭ كوركەمدىك جەتەكشىسى، رەسەيدىڭ حالىق ٴارتىسى التىناي اسىلمۇراتوۆا. گالا-بالەت يتاليا ەلشىلىگىنىڭ قولداۋىمەن، يتاليانىڭ قازاقستانداعى مادەني كۇندەرىنىڭ اياسىندا وتەدى.

كونسەرت 18:00 باستالادى، بيلەت باعاسى 500 تەڭگەدەن جوعارى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي