USD 335.71 EUR 357.36 RUB 5.23
استانا:

فۋتبول ويناپ، «ەكسپو-2017» كورمەسىنە جول اشتى

قازاقستان رەسپۋبليكاسى تاۋەلسىزدىگىنىڭ 25-جىلدىعىنا وراي قالامىزداعى ٴبىرقاتار مەكەمەلەر نازاربايەۆ زياتكەرلىك مەكتەبىندەگى فۋتبول تۋرنيرىندە باس قوستى.

الاڭعا جينالعان كوماندالار قاتارىندا «كازترۋبپروم» جشس، «ماجيتوۆا» جك، «دوسقاليەۆ» جك، №42 «اق نيەت» گيمنازياسى جانە نزم قۇراماسى بولدى. بۇل كۇنى قاتىسۋشىلار بۇقارالىق سپورتتى دامىتۋدى قايىرىمدىلىقپەن ۇشتاستىردى. سەبەبى تەڭبىلدوپشىلار جارىسقا قاتىسۋ ٴۇشىن جارنا سالدى. ٴنزم-نىڭ دەنە شىنىقتىرۋ ٴپانى بىرلەستىگىنىڭ جەتەكشىسى اسلان يسماگۋلوۆتىڭ ايتۋىنشا، بۇگىنگى جارىس «ەكسپو-2017» حالىقارالىق كورمەسىنە قاتىسۋشى وقۋشىلاردى قولداۋعا ارنالعان. جارىستان تۇسكەن قارجىعا ارنايى سەرتيفيكاتتار الىنىپ، وبلىسىمىزدىڭ اۋىلدىق جەرلەرىندە تۇراتىن از قامتىلعان، كوپبالالى وتباسى بالالارىنا تابىستالادى. وسىلايشا قاتىسۋشىلار بۇل شارا ارقىلى تەك سپورتتى قولداپ قانا قويمايدى، جاس جەتكىنشەكتەرگە ەل ورداداعى تاريحي وقيعاعا كۋا بولۋ مۇمكىندىگىن سىيلايدى.

بۇل كۇنگى جارىس تارتىستى ٴارى قىزىقتى ٴوتتى. الاڭدا باس قوسقان بەس كوماندا ٴوزارا باق سىناسىپ، ناتيجەسىندە 1-ورىندى №42 «اق نيەت» گيمنازياسى الدى. ال ەكىنشى جانە ٴۇشىنشى ورىنداردى «ماجيتوۆا» جك مەن «تمك-كازترۋبپروم» جشس ٴوزارا ٴبولىستى. سونداي-اق اسلان حايرۋشەۆ ۇزدىك ويىنشى، ەركەبۇلان احمەتوۆ ۇزدىك شابۋىلشى، باتىرحان مۋحامبەتقاليەۆ ۇزدىك قاقپاشى، ساعادات كارمەنوۆ ۇزدىك قورعاۋشى اتاندى.

ورال قالاسىنداعى نازاربايەۆ زياتكەرلىك مەكتەبى بۇعان دەيىن وسىنداي يگى شارالاردى جۇزەگە اسىردى. ولاردىڭ قاتارىندا ۇساق-تۇيەك زاتتاردىڭ، قولونەر بۇيىمدارىنىڭ، ٴتاتتى تاعامداردىڭ جارمەڭكەسى، كينوسەانس بولدى. اتالمىش شارالاردان جينالعان قارجىعا ارنايى سەرتيفيكاتتار الىنىپ 10 جەلتوقساندا بولاتىن نزم اشىق ەسىك كۇنىنە كەلەتىن وقۋشىلارعا (بقو اۋىلدىق جەرلەرىندە تۇراتىن كوپبالالى، از قامتىلعان وتباسى بالالارى) تابىستالادى.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي