USD 335.71 EUR 357.36 RUB 5.23
استانا:

«ەر-توستىك»

تەاتر - قوعامنىڭ جوعىن جوقتايتىن، كەتىگىن تولتىراتىن،جىرتىعىن جامايتىن، رۋحانياتىڭ تال بەسىگى. ال، بەسىك - ٴسابيدىڭ جاقسى ۇيىقتاپ، جىلى جاتۋىن عانا ەمەس دەنە ٴبىتىمى مەن دۇنيە تانىمىنىڭ دۇرىس قالىپتاسۋى ٴۇشىن قولدانىلاتىن قۇرال. وسى رەتتە، ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى 28-قاراشا كۇنى استانالىق ٴبۇلدىرشىن كورەرمەندەردى «تەاتر» اتتى تاڭعاجايىپ تال بەسىككە بولەمەك. ياعني، ەرتەگى ايتاتىن - اجەسى، ٴالدي انىنە سالاتىن - اناسى جوق بۇگىنگى قوعامنىڭ ەڭ كەمشىن تۇسىنا، اتالمىش تەاتر ازاماتتىق قولداۋ تانىتپاق.

بىزدەر - قىزدىرىلعان پەشتىڭ تۇبىندە، ۇرشىق يىرە وتىرىپ اجەلەرىمىز بايانداپ بەرگەن، كەيىن مەكتەپ وقۋلىعىنان وقىعان «ەر-توستىك» حالىق ەرتەگىسىن قر ەڭبەك سىڭىرگەن قايراتكەرى، رەجيسسەر - بولات ۇزاقوۆ ٴوزى ساحنالىق نۇسقاسىن جاساپ، كورەرمەن قاۋىمعا ۇسىنعالى وتىر. ب.ۇزاقوۆتىڭ تاجىريبەسىنەن تۋىنداعىن تەاترلىق قويىلىمداردىڭ قايسى ٴبىرىن الىپ قاراساڭ، قاعىلەزدىك پەن كىرپيازدىق، سۋرەتكەرلىككە ساي تازالىقتى بايقايمىز. تەك ەرەسەك قاۋىمعا عانا ەمەس كىشكەنتاي كورەرمەندەردىڭ دە جان دۇنيەسىن تۇيسىنە بىلەتىن ساحناگەر «ەر-توستىك» ەرتەگىسىندە ەرلىكتى، باتىرلىقتى، وتانسۇيگىشتىكتى ۇستانىم ەتكەن. تەاتردىڭ ىشكى مۇمكىندىگىنە قاراماستان ەرتەگى الەمىنە بويلاۋدا فانتاستيكالىق كارتينالاردى تەاترلىق شتريحتارمەن شەبەر جەتكىزگەن. جالماۋىز كەمپىردىڭ زىمياندىعى، ٴبىر تال شاشىنىڭ ٴوزى سيقىرلى كۇشكە يە ەكەندىگىن كوزبەن كورسەڭ، ەرىكسىز سەنەسىڭ.

سسەنوگرافيالىق شەشىمدەردى جاساعان شىنار ەلەمبايەۆانىڭ دا ەڭبەگى وراسان. قازاقى سيپاتتاعى ساحنالار مەن رەجيسسەر ەكەۋىنىڭ ۇيىمداسا جاساعان كورىنىستەرى بىردەن كوزگە ۇرادى. بالەتمەيستەر - سالتانات جولىمبايەۆانىڭ قويعان بي قيمىلدارى بىردە كۇلكىگە، بىردە باتىرلىققا جەتەلەيدى.

جاي سويلەگەننىڭ وزىندە ۇنىنە ىنتىق ەتىپ، داۋىس ىرعاعىمەن بالقىتىپ اكەتەتىن تەاتر اكتريسالارى (ٴبىرىنشى قۇرامدا) قر ەڭبەك سىڭىرگەن ٴارتيسى - جانات چايكينا مەن (ەكىنشى قۇرامدا) قر ەڭبەك سىڭىرگەن قايراتكەرى - گۇلبارشىن قىلىشباي ەرتەگىنى بايانداپ «ەرتەكشى» قىزىمەتىن اتقاراتىن بولادى. جۇرەككە جىلى، ادەمى كەربەز ٴۇندى اكتريسالار سىزدەردى تىپتەن ٴۇيىرىپ اكەتىپ، ەرتەگىنىڭ ىشىنە بىردەن جەتەلەي جونەلەتىنىنە سەنىمدىمىز. ال، تەاتردىڭ جاس بۋىنى مەن مايتالمان ارتيستەرى ەرتەگى كەيىپكەرلەرىنە جان ٴبىتىرىپ، باياندالار وقيعانى كوز الدارىڭىزدا ٴتىرىلتىپ كورسەتپەك.

قۇرمەتتى ەرەسەك قاۋىم!.. ەگەر، ٴسابي كۇنىڭىزدەگىدەي بالا بولىپ تاڭدانىپ، مەيىرلەنە اجەڭىزدىڭ قيال-عاجايىپ ەرتەگىلەرىن تىڭداعان ٴساتىڭىزدى ساعىنساڭىز سىزگە دە كەلىپ كوۋگە رۇقسات. ال، ۇل مەن قىزىڭىزعا ەرتەگى ايتىپ بەرۋگە قولىڭىز تيمەي، قاربالاس كۇيبىڭ كەشسەڭىز، وندا بالارىڭعىزدى ٴ28-شى قاراشا 12:00 دە جانە 15:00 دە ق.قۋنىشبايەۆ اتىنداعى مەملەكەتتىك اكادەميالىق قازاق مۋىزكالىق دراما تەاترىندا بولاتىن «ەر-توستىك» ەرتەگىسىنىڭ تۇساۋكەسەرىنە الىپ كەلىڭىز. وكىنبەيسىز، ويتكەنى تەاتر ومىرلىك پرينسيپىنەن جاڭىلعان ەمەس.

نۇريسلام ٴابدىل

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي