USD 334.89 EUR 361.61 RUB 5.28
استانا:

«ەلباسى ۇرانى – ماڭگىلىك ەل» اتتى دوڭگەلەك ۇستەل وتەدى

2016 جىلعى 30 قاراشا كۇنى ساعات 11.00-دە «استانا» ۇلتتىق سۋرەت گالەرەياسىندا قازاقستان رەسپۋبليكاسى تاۋەلسىزدىگىنىڭ 25-جىلدىعىنا جانە 1 جەلتوقسان پرەزيدەنت كۇنىنە ارنالعان «ەلباسى ۇرانى – ماڭگىلىك ەل» اتتى دوڭگەلەك ۇستەل وتەدى. وسى اتالعان دوڭگەلەك ۇستەل اياسىندا ەلباسى بەينەلەنگەن تۋىندىلاردان قۇرالعان كورمە ۇيىمداستىرىلادى.

دوڭگەلەك ۇستەلدىڭ نەگىزگى ماقساتى – تۇڭعىش پرەزيدەنت كۇنىن، ەلباسىمىزدىڭ تۇلعالىق قاسيەتىن، قايراتكەرلىگىن ناسيحاتتاۋ، وسكەلەڭ ۇرپاق بويىنا ۇلتجاندىلىق، تاريحي سانا، ازاماتتىق بەلسەندىلىك سىندى قاسيەتتەردى سىڭىرۋگە ات سالىسۋ، سونىمەن قاتار وسى باعىتتا بەينەلەۋ ونەرىنىڭ، قىلقالام شەبەرلەرىنىڭ ٴرولى مەن ولاردىڭ قوسار ۇلەسىن اشىپ كورسەتۋ.

ٴىس-شاراعا مىرزاتاي جولداسبەكوۆ، ٴومىرزاق وزعانباي، بۇركىتباي اياعان سىندى قوعام قايراتكەرلەرى، بەلگىلى تاريحشى-عالىمدار، سونىمەن قاتار ەلباسىنىڭ بەينەسىن سالعان اماندوس اقانايەۆ، ەرلان ايتۋاروۆ، نۇرجان قارىمساقوۆ، ماناتبەك امانبايەۆ سىندى تانىمال سۋرەتشىلەر قاتىسادى دەپ كوزدەلۋدە.

ەلباسى نۇرسۇلتان ٴابىش ۇلىنىڭ ستراتەگيالىق سارابدال ساياساتىنىڭ ارقاسىندا تاۋەلسىز قازاقستان مەملەكەتى قالىپتاسىپ، تاريحىمىز تۇگەندەلىپ، مەملەكەتتىك ينستيتۋتتارىمىز نىعايىپ، كوك بايراعىمىز اسقاقتاپ، ۇلتتىق رامىزدەرىمىز ايشىقتالدى. ەگەمەن ەلىمىزدىڭ اسقان اسۋلارىنىڭ، ەلدەگى جاسامپاز ىستەردىڭ بارلىعى دەرلىك قر تۇڭىعش پرەزيدەنتى – ەلباسى ن. نازاربايەۆتىڭ ەسىمىمەن تىعىز بايلانىستى بولىپ وتىرعانى بەلگىلى. مەملەكەت باسشىسىنىڭ جان-جاقتى سارالانعان ىشكى جانە سىرتقى ساليقالى ساياساتىنىڭ ارقاسىندا ەلىمىز ساياسي جانە الەۋمەتتىك-ەكونوميكالىق سىلكىنىستەرگە ۇشىراماي، دەربەس دامۋدىڭ وتپەلى كەزەڭىندەگى قيىندىقتار مەن سىناقتاردى ەڭسەرىپ، ىلگەرىلەۋ مەن وركەندەۋدىڭ داڭعىل جولىنا ٴتۇستى.

دوڭگەلەك ۇستەلگە قاتىسۋشىلار ەلباسىنىڭ وسى ەرەن ەڭبەگىن ناسيحاتتاۋدا قر تۇڭعىش پرەزيدەنتى كۇنىنىڭ ٴرولى تۋرالى، سونداي-اق بەينەلەۋ ونەرىنىڭ وسى باعىتتاعى ورنى جانە ەلباسى بەينەلەنگەن تۋىندىلاردىڭ سالىنۋ تاريحي تۋرالى اڭگىمە قوزعايدى. دوڭگەلەك ۇستەلدەن كەيىن قوناقتار ەلباسى بەينەلەنگەن تۋىندىلاردان قۇرالعان كورمەنى تاماشالاي الادى.

كىرۋ تەگىن! الدىن الا وتىنىشتەر قابىلدانادى. جەكە كۋالىك كورسەتۋ مىندەتتى!

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي