USD 334.89 EUR 361.61 RUB 5.28
استانا:

«ەگەمەن ەلدىڭ كەمەڭگەر باسشىسى» تاقىرىبىندا  سلايد – ٴدارىس وتكىزىلدى

25 قاراشا كۇنى اباي اتىنداعى كىتاپحانا قىزمەتكەرلەرى قر تاۋەلسىزدىگىنىڭ 25 جىلدىعىنا ارنالىپ «25 جۇلدىزدى كۇن» شەڭبەرىندە، قازاقستان رەسپۋبليكاسى تۇڭعىش پرەزيدەنتى كۇنىنە وراي سەمەي قالاسىنىڭ ىشكى ىستەر باسقارماسى قىزمەتكەرلەرىنە «ەگەمەن ەلدىڭ كەمەڭگەر باسشىسى» تاقىرىبىندا سلايد – ٴدارىس وتكىزىلدى.

شارانىڭ ماقساتى – كازاقستاندىق ٴپاتريوتيزمدى قالىپتاستىرۋ، تاۋەلسىز قازاقستاننىڭ دامۋ جولىنداعى پرەزيدەنت نۇرسۇلتان نازاربايەۆتىڭ ەل باسقارۋ ىسىندە حالىقتىڭ عاسىرلار بويى جيناقتالعان باي تاجىريبەسى مەن الەمدىك تاجىريبەنى تۇلا بويىنا توعىستىرعان الىمدى دا العىر باسشى رەتىندەگى ٴرولىن كورسەتۋ.

ەلباسى نۇرسۇلتان نازاربايەۆتىڭ سارابدال ساياساتىنىڭ ارقاسىندا تاۋەلسىز قازاق ەلى قالىپتاسىپ، تاريحىمىز تۇگەندەلىپ، ٴتىلىمىز، ٴدىنىمىز جانە ٴدىلىمىز قايتا ورالىپ، مەملەكەتىمىزدىڭ ۇلتتىق رامىزدەرى قابىلداندى. ن.نازاربايەۆتىڭ باستاماسىمەن تاۋەلسىز قازاق ەلىندە دۇنيەجۇزىلىك-تاريحي ماڭىزى بار ىستەر اتقارىلدى. ەلىمىزدە 1 جەلتوقسان – «قازاقستان رەسپۋبليكاسىنىڭ تۇڭعىش پرەزيدەنتى كۇنى» بولىپ رەسمي تۇردە جاريالانىپ، جىل-سايىن اتالىپ وتۋدە.

ٴدارىس بارىسىندا نۇرسۇلتان ٴابىش ۇلى نازاربايەۆتىڭ بالالىق جانە جاسوسپىرىمدىك شاقتارىنان قىزىقتى اقپاراتتار بەرىلىپ، ساياساتتاعى، ەكونوميكاداعى، مادەنيەتتەگى اتقارعان ىستەرىنە تالداۋ جاسالىنىپ، حالىقارالىق ارەناداعى ٴرولى جايىندا ايتىلىپ ٴوتتى.

تىڭداۋشىلاردىڭ نازارىنا ۇسىنىلعان «ەلباسىمەن نۇرلى بولاشاققا» اتتى كىتاپ كورمەسىنە قويىلعان ەلباسى ەڭبەكتەرىنە، «سىندارلى ون جىل»، «وزەكجاردى ويلار»، «ن.نازاربايەۆ: فوتوسۋرەتتەر»، «نۋرسۋلتان نازاربايەۆ: بيوگرافيا»، ن.نازاربايەۆ «ۆ پوتوكە يستوريي»، ن.نازاربايەۆ «ەپيسەنتر ميرا»، ن.نازاربايەۆ «مىسليامي س نارودوم پودەليۋس»، ن.نازاربايەۆ «كازاحستانسكيي پۋت» ت.ب. كىتاپتارعا شولۋ جاسالىندى.

شارا سوڭىندا «ەلباسى جولى» اتتى دەرەكتى فيلم كورسەتىلدى.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي