USD 336.23 EUR 360.3 RUB 5.28
استانا:

«بوتاگوز» رومانىنا 70 جىل تولدى!

بيىل قازاقتىڭ ايگىلى جازۋشىسى، اقىن ٴسابيت مۇقانوۆتىڭ «بوتاگوز» رومانىنا 70 جىل تولدى!

«بوتاگوز» رومانى - قازاق حالقى ومىرىندەگى توڭكەرىستىك ٴىرى كەزەڭدى شەبەر بەينەلەگەن كەلەلى شىعارما. رومان كسرو حالىقتارى تىلدەرىندە جانە ٴبىرقاتار شەت ەل تىلدەرىندە اۋدارىلىپ باسىلدى. بۇل – ەڭ دانىشپان شىعارمالارىنىڭ ٴبىرى. رەۆوليۋسيا مەن ونان سوڭعى ٴبىراز ٴداۋىردىڭ شىندىعى روماندا سول كەزدەگى ادەبيەتتە بەكي باستاعان سوسياليستىك رەاليزم ادىسىمەن تالدانىپ سۋرەتتەلگەن.رومانداعى باستى كەيىپكەر بوتاگوزدىڭ تاريحي كەزەڭنىڭ تالاي قيىن- قىستاۋ كەزەڭدەرىنەن ٴوتىپ، سانالى كۇرەسكەر، بىلىكتى قايراتكەر بولىپ قالىپتاسۋى نانىمدى بەينەلەنگەن. روماندا قازاق حالقىنىڭ ۇلتتىق سيپاتتارى: ٴداستۇرى، ادەت-عۇرپى، مىنەز-قۇلقى، قوعامدىق، ساياسي ىسكە ارالاسۋى جانە ونى ۇعۋى، عىلىم-بىلىمگە، بولاشاققا ۇمتىلۋى، رەۆوليۋسيانى ٴتۇسىنۋى جانە ونىڭ سونىنان ادال سەنگەن پەيىلمەن ەرۋى، وسى جولدا اسقان ەرلىك، باتىرلىق مىنەزدەر كورسەتۋى روماندا بولشەۆيكتەر پارتياسى قويعان تالاپ تۇرعىسىندا كورسەتىلەدى.
«بوتاگوز» رومانى كەزىندە قازاق ادەبيەتىنىڭ تاريحىندا ساپاسى جاعىنان وسكەن ادەبيەتتەر تالابىن كوتەرە الاتىن، بىردەن-بىر كۇردەلى وكيعالى، ساقا تۋىندى اتالعانىن ايتۋ ٴجون. وسى كۇنگە دەيىن سان رەت باسىلىپ، وقۋشىسىن تاۋىپ وتىرعان بۇل شىعارما بۇكىل كەڭەستىك داۋىردەگى ادەبيەت قورىنىڭ تورىنەن ورىن الدى، ورىس تىلىنە اۋدارىلۋى ارقىلى كەڭەس وداعىنىڭ كوپتەگەن حالىقتارىنىڭ ٴسۇيىپ وقيتىن كىتابىنا اينالدى. ويتكەنى رومان وقۋشىسىن، بىرىنشىدەن، كوركەم جازىلعان، سوم سوعىلعان تۋىندى بولۋىمەن تارتسا، ەكىنشىدەن، وندا ايتىلماق جايتتار كوپتەگەن ۇلتتاردىڭ، اسىرەسە ورتا ازيا حالىقتارىنىڭ بارلىعىنىڭ دەرلىك باسىنان كەشكەن قيىن - كىستاۋ حالدەرىنە ۇقساۋىمەن، ياعني پاتشالىق رەسەيدىڭ بۇرىن وتارلى ەل بولىپ كەلگەن حالىقتارىنىڭ كوكەيكەستى جايىن بايانداۋىمەن تارتتى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي