USD 335.61 EUR 361.32 RUB 5.26
استانا:

«ازىرەت سۇلتانداعى» حالىقارالىق كونفەرەنسيا

ەل تاۋەلسىزدىگىنىڭ 25 جىلدىعى مەن يۋنەسكو-نىڭ 2016 جىلدى - «ياساۋي جىلى» دەپ جاريالانۋىنا وراي، قازان ايىنىڭ 13-14 كۇندەرى «ازىرەت سۇلتان» مەملەكەتتىك تاريحي-مادەني قورىق-مۇراجايى ۇيىمداستىرۋىمەن ياساۋي بابامىزدىڭ ٴومىر جولى مەن قىزمەتىن زەرتتەۋ جانە رۋحاني مۇراسىن ناسيحاتتاۋ ماقساتىندا «قوجا احمەت ياساۋي مۇراسى مەن ٴىلىمىنىڭ زەرتتەلۋ ماسەلەلەرى» اتتى حالىقارالىق عىلىمي-تاجىريبەلىك كونفەرەنسيا بولىپ ٴوتتى.

«ازىرەت سۇلتان» قورىق مۋزەيىنىڭ ديرەكتورى ج.م.اۋباكىر كونفەرەنسيانى اشىپ، قاتىسۋشىلارعا ٴسات-ساپار تىلەي كەلە مادەنيەت جانە سپورت ۆيسە-مينيسترى اقتوتى رايىمقۇلوۆانىڭ قۇتتىقتاۋ سوزدەرىن جەتكىزدى.
احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ ٴبىرىنشى پرورەكتورى م.كۋتالمىش مىرزا كونفەرەنسيا قاتىسۋشىلارىنا العىسىن ارناپ، ياساۋي مۇراسىنىڭ ادامزات يگىلىگىنە اينالۋىنا عالىمداردىڭ سۇبەلى ۇلەس قوساتىنىنا سەنىم ٴبىلدىردى.

اتالمىش جيىنعا انگليا، تۇركيا، رەسەي، وزبەكستان، تاجىكستان ت.ب. شەتەلدەردەن جانە وتاندىق ياساۋيتانۋشى عالىمدار قاتىستى. اتاپ ايتساق پلەنارلىق ماجىلىستە قوجا احمەت ياساۋي مۇراسى جانە ٴىلىمىن زەرتتەۋمەن اينالىسىپ جۇرگەن بەلگىلى وتاندىق جانە شەتەلدىك زەرتتەۋشىلەر بايانداما جاسادى:
ف.ع.د، پروفەسسور د. كەنجەتاي (ل.گۋميلەۆ اتىنداعى ەۆرازيا ۇلتتىق ۋنيۆەرسيتەتى) «ياساۋي مادەنيەتى تۋرالى ماسەلەلەر»; ياساۋي حيكمەتتەرىن اۋدارۋعا بەلسەنە اتسالىسىپ جۇرگەن دجوناتان تراپمان (ياساۋيتانۋشى، زەرتتەۋشى، گلاستونبەري، ۇلىبريتانيا) «قوجا احمەت ياساۋي جانە ٴومىر فاكۋلتەتى»; ت.ع.د، پروفەسسور س. ي. ينوياتوۆ (بۇقارا مەملەكەتتىك ۋنيۆەرسيتەتى، وزبەكستان) «احماد ياساۆي ي ابدۋلحاليك گيجدۋۆونيي پود «كۋپولوم يسلاما»; ياساۋيتانۋشى عالىم ي.ياساۋي (ستامبۋل، تۇركيا) «yesevi ocaklari»; ف.ع.ك، دوسەنت ز.يسكاكوۆا (نامانگان مەملەكەتتىك ۋنيۆەرسيتەتى، تاشكەنت، وزبەكستان) «قوجا احمەت ٴياساۋيدىڭ رۋحاني مۇراسىنىڭ جالپى ادامزاتتىڭ قۇندىلىقتاردى دامىتۋدىڭ ٴرولى مەن ماڭىزى» تاقىرىبىندا باياندامالار جاسادى.

وتاندىق جانە شەتەلدەن كەلگەن عالىمدار كونفەرەنسيانىڭ سەكسيالىق جۇمىستارىندا ٴوز باياندامالارىن جالعاستىردى. وندا قوجا احمەت ياساۋي مۇرالارىنىڭ تۇركى حالىقتارى تاريحى مەن الەمدىك وركەنيەتتەگى ورنى، زەرتتەلۋ ماسەلەلەرى، ٴومىرى مەن شىعارماشىلىعى زەردەلەنىپ، سونداي-اق، وتاندىق مۇراجاي سالاسىنداعى كەيبىر كوكەيكەستى ماسەلەلەر ساراپتالىپ، تالداندى.

كونفەرەنسيا سوڭىندا قوجا احمەت ياساۋي مۇرالارىنىڭ زەرتتەلۋىنە سۇبەلى ۇلەس قوسىپ جۇرگەن عالىم، زەرتتەۋشىلەرگە سەرتيفيكاتتار تاپسىرىلدى. قوماقتى ەكى تومدىق كونفەرەنسيا جيناقتارى بارشا قوناقتارعا ۇلەستىرىلدى. قوناقجاي تۇركىستاننىڭ مەرەكەلىك داستارحانى بارىسىندا دا قوناقتار تاراپىنان ىستىق ىقىلاستار، ريزالىق سەزىمدەر ايتىلىپ جاتتى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي