USD 336.23 EUR 360.3 RUB 5.28
استانا:

اۋەنگە تولى فرانسيا

فرانسيانىڭ ەڭ جارقىن، ەرەكشە ۇجىمدارىنىڭ ٴبىرى – «گەرمەس» ىشەكتى كۆارتەتى 27 قاراشادا «استانا وپەرا» تەاترىنىڭ كامەرالىق زالى ساحناسىندا ونەر كورسەتەدى. ليوننان كەلگەن ارتىستەر استانالىق كورەرمەنگە «رومانتيكاعا تولى ٴومىر» اتتى كونسەرت ۇسىندى.

كونسەرت باعدارلاماسىندا – رومانتيزم ٴداۋىرىنىڭ كامەرالىق مۋزىكاسى. فەليكس مەندەلسوننىڭ فا مينور 80 شىع. ىشەكتى كۆارتەتى ورىندالادى. مەندەلسوننىڭ شىعارمالارى شيراقتىعىمەن ٴھام اسەمدىگىمەن، ليريكالىق جۇمساقتىعىمەن جانە شارىقتاعان شابىتىمەن، ۇيلەسىمدى تۇتاستىعىمەن، فورمالارى مەن تەحنيكاسىنىڭ مىنسىزدىگىمەن ەرەكشەلىنەدى.

كەشتە انتونين دۆورجاكتىڭ «امەريكاندىق» №12 فا ماجور ىشەكتى كۆارتەتى، 90 شىع. ورىندالادى، ولار چەحيالىق مۋزىكا كلاسسيگىنىڭ ەڭ تانىمال ەڭبەكتەرىنىڭ قاتارىنا جاتادى. بۇل شىعارمانى جازۋعا ا. دۆورجاكقا امەريكالىق ۇلتتىق اۋەندەر شابىت بەرگەن. ٴوز كەزەگىندە وپۋس كەيىنگى اقش كومپوزيتورلارىنا ۇلگى بولدى.

«گەرمەس» كۆارتەتى 2008 جىلى ليوننىڭ جوعارى ۇلتتىق كونسەرۆاتورياسىنىڭ تۇلەكتەرىمەن قۇرىلعان. ليون (2009)، جەنەۆا (2011) جانە نيۋ-يوركتاعى (2012) حالىقارالىق بايقاۋلاردىڭ ٴبىرىنشى سىيلىقتارىنىڭ لاۋرەاتى اتانعان ۇجىم، كەننەدي ورتالىعى (ۆاشينگتون، اقش)، كارنەگي-حولل (نيۋ-يورك، اقش)، لينگوتتو تەاترى (تۋرين، يتاليا)، بولوننىڭ فيلارمونيالىق اكادەمياسى (يتاليا)، بيبيەن تەاترى (مانتۋيا، يتاليا) جانە ت.ب. بەدەلدى الاڭداردا ونەر كورسەتكەن. ارتىستەر كوپتەگەن ماراپاتقا يە بولعان البومدار جازدى، بىرنەشە ايگىلى مۋزىكالىق فەستيۆالدارعا قاتىستى. قازىرگى ۋاقىتتا ومەر بۋشەز بەلگىلى شەبەر ك.ا. تونوني 1738 جىلى جاساعان بىرەگەي اسپاپتا، ال ەليزا ليۋ 1721 جىلى د. تەكلەردىڭ قولىنان شىققان ۆيولونچەلدە وينايدى.

كونسەرت قازاقستانداعى فرانسيا ەلشىلىگىنىڭ قولداۋىمەن وتەدى.

باستالۋى 15:00، بيلەت باعاسى – 2000 تەڭگە.

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي